清水寺
清水寺

【阿珍主場】醜!強國山寨繪馬襲清水寺!

旅遊

廣告

有時真係不得不服強國人創意無限,早排京都著名景點清水寺有職員發現,有人自行將 「自家設計」的繪馬掛在寺內,仲有成一百個咁多!呢堆懷疑是中國旅行社自製的山寨版繪馬,比起官方的細小單薄,設計極其簡陋,仲有一句娘到核爆的「一顆中國心 一生中戀情」,以殘體字寫上「身體健康 」等字句,我諗日本人寧願你照 copy 都冇咁肉酸囉!除此之外,仲有印上外國銀行名、東京上野清水觀音堂的繪馬,鍾意掛咩就掛咩,你估聖誕樹呀?清水寺表示,並非嚴禁掛上自製繪馬,不過希望禮貌上先通知一聲,何況這批更印上「音羽山清水寺」來冒充,有魚目混珠之嫌。用假貨祈福分分鐘激嬲天上神明,唔慌保佑你!

官方(右者)繪馬製作嚴謹,尺寸為18x11cm 厚1cm,畫上當年年份生肖,每塊售 ¥800/HK$52。

山寨的只有櫻花圖案,粗製濫造。

講開繪馬,各地神社都有特色,如伏見稻荷大社的狐狸型繪馬,可以畫上唔同表情面孔,好好玩!

秋葉原的神田明神因為同動漫《 Love Life! 》合作,繪馬上有不少神級粉絲親筆畫作,有 heart。