唔係呱！阿信屋推八達通找續零錢增值服務
廣告
近年大家愈來愈少帶散紙喺身，去購物時就更加唔想收到散紙，最好就求其買包糖齊頭唔駛理零頭！而今次記者就剛好發現一個功能去幫大家。原來阿信屋又有新玩意，就係同八達通合作推「找續增值」服務，即是現金購物後將散紙直接儲入八達通，好似都幾方便！
找續增值方法好簡單，就是當大家於阿信屋用現金付款後，將八達通拍向讀寫器，就可以把找續金額增值至八達通。而找續增值服務已在12月7日，於270多間759阿信屋推出。
不過咁，大家睇到呢度，有無啲「太陽能電筒」嘅感覺？即係明明有八達通可以直接付款，咁咪唔會有散紙嘅問題囉！但係…假如你買幾百蚊嘢，大手掃貨，俾一千蚊找$9.9的話，又真係用得著呢個功能喎，係咪！
延伸閱讀：
