豊勝手丼
豊勝手丼

銅鑼灣豊勝手丼 $368 Omakase海鮮丼 時令北海道刺身+無限添飯|區區搵食

旅遊

廣告

銅鑼灣登龍街的豊勝手丼最近重開,主打日式海鮮丼,更新推出每日限量供應的九鼎丼,在瓷碟上放上9款迷你丼,有齊海膽、大拖羅、三文魚腩,店內食材都以日本入口,全部都可以無限添飯,丼飯迷可以一試!

撰文:Sakura 攝影:Meck

銅鑼灣登龍街豊勝手丼
Omakase海鮮丼 1碟有齊9款迷你丼

銅鑼灣登龍街重開的日式海鮮丼專門店「 豊勝手丼 」,每日限量供應的九鼎丼,由廚師挑選每日時令刺身發辦,賣相精緻吸引,瓷碟上放上9個小杯,每一個小杯都盛著9款迷你丼。最近更有北海道馬糞海膽、大拖羅、三文魚腩等,其中北海道馬糞海膽勁鮮甜,其他時令刺身就以比目魚邊最特別,肉質雪白豐腴,食落清新爽口,廚師更輕輕炙燒一番,更添油香,全部丼飯都可以無限添飯,大胃王可以一戰!

豊勝手丼
九鼎丼 $368
廚師發辦的9款迷你丼,選用時令食材,當天有北海道馬糞海膽、大拖羅、赤身、三文魚腩、松葉蟹肉、比目魚邊、三文魚子、真鯛和碎葱吞拿魚腩,份量十足,可一次過品嘗不同口味,滿足心大心細的朋友。

二大必試 海膽丼+北海蟹丼

身為海膽控必試爆滿「 三つの国雲丹丼 」,用上足足3款海膽製成,包括原板韓國海膽、北海道馬糞海膽和加拿大海膽,瓣瓣完整肥美,每啖都充斥著鮮甜味,口感 creamy,大廚更推薦以青瓜或壽司飯配搭海膽來吃,減低飽膩感。

0
三つの国雲丹 $298
用上款海膽製成,包括原板韓國海膽、北海道馬糞海膽和加拿大海膽,可一次過品嘗3種海膽的特色。
0
鮭親子丼 $148
(加$25即可享前菜、沙律和味噌湯) 每塊三文魚都十分肥美,色澤光鮮,配上脹卜卜的三文魚子,更添鮮香。

而北海蟹丼亦有驚喜,滿滿的松葉蟹肉、蟹鉗、味噌蟹膏及蟹子,絕對是蟹味100% up!蟹肉紮實鮮甜,配上口感濃郁的味噌蟹膏,一碗就享受多重蟹肉滋味。店子食材都以日本入口為主,米飯用上北海道米種珍珠米,粒粒圓潤飽滿,更提供任添壽司飯,啱晒一眾大胃王。

0
北海蟹 $198
爆滿的松葉蟹肉、蟹鉗、味噌蟹膏及蟹子,蟹肉爽甜,一碗就嘗到多重滋味!
0
溫玉牛板腱 $88
牛板腱肉燒至5成熟, 肉質鮮嫩多汁,有嚼勁,配上溫泉蛋汁,更加惹味。
0
廚師發辦壽司 $328
款式按時令,這天就有大拖羅、加拿大海膽、活帆立貝、 紋甲墨魚、三文魚腩、真鯛、 池魚、赤蝦和油甘魚腩,款款新鮮,充滿魚油香,口感豐富。

另外所有海鮮丼只需加$25即可享前菜小吃、沙律和味噌湯。前菜小吃有北寄貝,配上特調醬汁,食落爽口煙韌;沙律則選用蟹肉作主角,以芝麻醬調味,鮮甜味噌湯每天用上蜆肉熬製,絕不馬虎。

0
天花掛上魚網和魚旗作裝飾,增添日本漁村風味。

豊勝手丼

地址:銅鑼灣登龍街18號 V Point 地下3號舖 (顯示地圖
電話:5546 5046
營業時間:星期一至日 12nn-11pm
備註:設加一,收現金及信用卡