西門町掃韓裝! 台灣首個韓系商場 |台北|

韓風自從開始吹之後就一直冇停過，當知道韓國時裝龍頭「衣戀集團」兩年前進軍台北的成績大好，記者一啲都唔出奇。今次再下一城，繼喺台北101開店之後，集團再喺旅遊熱點西門町以千萬月租租下「阿曼TIT 」大樓做大型韓系商場。入面有齊旗下3個大熱品牌，包括休閒風的WHO.A.U 、走美國校園風的TEENIEWEENIE 同最有韓味的SPAO。新店佔5層，有超過7萬呎展銷場， 講款一定係比101店多。至於食方面， 新店4樓全層係餐廳，有韓國人氣火鍋店「兩餐」坐鎮！遊台北都可以追一下韓風！