首爾 行李帶
首爾 行李帶

首爾自訂人名行李帶|韓國大熱手信 閨密、情侶必買!

旅遊

廣告

韓國向來有不少可以自訂的物品,今次就有 行李帶 ,深受空姐歡迎,記者到訪當日也有日本人特地前來訂製。每條幾十蚊,可以自訂顏色、字體,去開首爾可以整嚟送畀閨蜜當手信!

文:Kassidy|圖:Fion

梨泰院 自訂行李帶

一般行李帶都是空中服務員會比較常用,可以令行李變得比較易識別,但近年越嚟越多人去旅行,撞喼情況越嚟越多,整一條Luggage Tag 就可以容易分辨到自己行李!

行李帶 首爾 梨泰院 Luggage Tag
成牆都係行李飄帶,要揀都需要點時間。

行李飄帶 即日有得拎!

全間店舖就只有老闆一個人打理,去到舖頭唔見人唔使驚,有開門的話等一會就會出現。而自訂行李飄帶一般即日有得拎,如果遇上周末繁忙時間,就可能要隔日再去取。

行李帶 首爾 梨泰院 Luggage Tag
全間店舖就只有老闆一人在工作,所以平日前往會較多機會可以即日拎。

自訂過程逐步睇

唔識韓文絕對不會有困難,老闆也會以簡單英語溝通,但要認清每個步驟都不容易,而且店內有超多款式,揀到眼都花!記者親自去訂造一條,睇定以下每個步驟,去到唔使心慌慌!

行李帶 首爾 梨泰院 Luggage Tag
去到唔識講韓文唔使驚,老闆都明白有呢個問題,會盡量講英文!

01|選取款式 (TAG TYPE)

一共有6款行李帶款式,每訂製一條都要填一張新的訂單,訂單上有各種欄目要填寫,千萬不要填錯,也要畫清楚行李帶款式。

行李帶 首爾 梨泰院 Luggage Tag
牆上會有不同款式的 Tag 和表格填寫方法。
行李帶 首爾 梨泰院 Luggage Tag
第一款:Handle Cover – 行李腕帶
第二款:Luggage Tag (Long) - 行李飄帶(長)
第二款:Luggage Tag (Long) – 行李飄帶(長)
行李帶 首爾 梨泰院 Luggage Tag
第三款:Luggage Tag (Short) – 行李飄帶(短)
行李飄帶 首爾 梨泰院
第四、五款:Zip Holder (上)、Key Holder (下)
行李飄帶 首爾 梨泰院
第六款:Luggage Belt – 行李腰帶
行李袋都會有,但要自己告訴老闆,不在表單之列。
行李袋都會有,但要自己告訴老闆,不在表單之列。

02|選取飄帶顏色

一般有十多款顏色,寫低顏色的英文名稱+號碼就可以,有某些款式未必有全部顏色,一定要睇清楚先好下單。

行李飄帶 首爾 梨泰院
款式多到花多眼亂,如果是訂購 Luggage Tag,可以揀中間的一抽色帶。

03|揀字體顏色、字型

每一款飄帶都可以自己揀字體顏色同字體,自己無概念要點樣整,可以參考店內的樣辦款式,如果跟姊妹一人一條,不妨同色飄帶,不同顏色的字體。

行李飄帶 首爾 梨泰院
字體、顏色任君選擇,記緊寫對的字體款式。

04|揀飄帶公仔

飄帶公仔盡量選擇在店內有展示的款式,一般簡單符號老闆都可以縫製,但如果太複雜的可以先請教老闆,當然越複雜的圖案會越貴。

行李飄帶 首爾 梨泰院
一般迪士尼的角色都會有,想要 Kakao Friends 系列的話就暫時未見。
足球、籃球這些圖案都可以選擇。
足球、籃球這些圖案都可以選擇。

05|填妥表格

最後就是將表格填好,要畫好行李帶的款式和圖案,寫清楚每個部份,然後將下單表格交給老闆即可。

現場有提供筆,想訂購請即場填寫表格。
現場有提供筆,想訂購請即場填寫表格。

06|付款、完成

拎張表格畀老闆,老闆就會計好價錢,寫在紙上要你付款。實質價錢比較難計算,大概由 ₩6,500/HK$45.5 – ₩15,000/HK$105 不等,不想買到太貴就請先問問老闆價錢。

老闆會示意客人將訂單拍下,再在指定時間取貨。
老闆會示意客人將訂單拍下,再在指定時間取貨。

成品滿意!另類韓國手信

隔日收到成品非常滿意,符合當初訂製的要求,而且毫無差錯,雖然度身訂造的手信較一般手信來得貴,但如果是送給男女朋友、閨密,絕對是另類的韓國手信!

非常滿意,成品照足紙樣上的表格去製作。
非常滿意,成品照足紙樣上的表格去製作。

注意事項01|少打擾老闆

老闆看似非常惡,但其實聊起來態度還是很不錯,因為訂製的行李帶實在太多,而且只有他一人。下訂單後就盡快離開,不要打擾老闆,在指定時間取回即可!

成間店舖只有老闆一個在做事,所以要體諒老闆未能時常回覆問題。
成間店舖只有老闆一個在做事,所以要體諒老闆未能時常回覆問題。

注意事項02|認清飄帶顏色

特別是鎖匙扣款和拉鏈款,不是每一款行李帶都有齊所有顏色,一定要睇清楚自己選擇的款式有無心儀顏色,不然在下單時又會弄得一頭煙。

Zip Holder 的顏色選擇比較少。
Zip Holder 的顏色選擇比較少。

注意事項03|買現貨都可以!

唔想等,其實買現貨都可以。當然現貨不一定有自己想要的顏色、名字,但一般 Crew、飛機圖案都會有,而且價錢都會比較平,所以簡單買手信畀朋友可以直接買現貨。

店內當然有現貨,但未必下下揀到心水款式。
店內當然有現貨,但未必下下揀到心水款式。

超易搵!梨泰院站4號出口

地點完全不難搵,地鐵6號線「梨泰院」站4號出口,一直走約7分鐘,就能見到 International Under Ground Market,下樓梯進去的左邊第一間舖就是 Friend Shop 了!不想走回頭路,可以過對面搭巴士往其他地方。

4號出口一直走即可,千萬不要過馬路。
4號出口一直走即可,千萬不要過馬路。
見到呢個門口,落樓梯即可。
見到呢個門口,落樓梯即可。

Friend Shop
地址:首爾龍山區梨泰院洞58-5
營業時間:9:30am-7:30pm (星期二休息)

延伸閱讀:輕鬆平遊首爾!$500入住明洞新淨酒店

首爾自訂人名行李帶|韓國大熱手信 閨密、情侶必買!