蘋果日本福袋1月2開賣!筍貨預測 + 排隊攻略!

旅遊

廣告

相信新假期讀者都一定買過日本福袋~日本新年前後,大小商店都會推出唔同類型的福袋,大多福袋的貨物價值都遠超福袋價格本身,非常抵買而成為排隊搶購對象!

日本的Apple store亦一樣,自05年起,每年都會推出福袋,袋內的蘋果貨品種類繁多,而且價值肯定超過福袋售價,福袋有時更會有 iPad Mini 或是 MacBook Air 等大獎,買家分分鐘賺成萬蚊!

2014年蘋果於日本推出共4款「福袋」,售價為$36,000円(約港幣$2,333),上年日本網民認為最筍嘅福袋,內有產品包括iPod nano、iPad Air、MacBook Air、蘋果公司T-shirt、背包及充電器等。今年最筍,自然希望抽到iPad air 2 或者iPhone 6plus啦!

2015年Apple福袋詳情:

開賣日期:2015年1月2日(星期五)
開賣時間:早上八時正
價錢:$38,880円(約港幣$2,523)
售賣點:全日本八間Apple store,包括表參道、銀座、涉谷、心齋橋、名古屋榮、福岡天神、仙台一番町和札幌。
每人限買一個

排隊攻略:由於每次Apple福袋都超好賣,加上iPhone6的售賣情況(應該講緊強國人引起的種種騷動),日本網民列出今次的排隊注意事項:

1.要按警方指示有秩序地排隊;

2.期間不得擺放雜物如椅子和帳篷等,也不可以擺放其他物件當霸位之用(否則要重新排過)!

3.提議的休息方法係唯有多人排隊,前後企互相代排,交替休息和去洗手間。(下圖就係錯誤嘅示範嘞!)

4.而根據歷年經驗,開賣前一星期便有人通宵排隊,加上強國人入侵,如果想入手,最好31/12(星期三)或之前已經開始排隊了。

5.以下為開賣日2/1/2015日本各區天氣,東京和大阪的最低氣溫分別只有3度和5度,大家要準備多幾件禦寒衣物排通宵!

最新吃喝玩樂資訊