迪士尼
迪士尼

英倫「把鬼 迪士尼 」實地踩場3件事 【英國】

旅遊

廣告

塗鴉藝術家Banksy策劃的Dismaland (仿 迪士尼 )以暗黑、惡搞及兒童不宜為賣點, 開幕至今人潮未減,網上門票日日沽清;身處英國的記者諗住順便入場,可惜網絡撲飛早就被本地人搶光光,只能親身排隊,輪候每天少量Walk in 餘額,結果成功爭取入場,跟大家分享網絡轉載拍唔到的見聞:

1. 未入場先玩謝你

入場前的輪候過程,完美體現宣傳口號—「英國最讓人失望的新遊樂區」。11點到達現場,巨形鐵馬陣已在恭候,逾百人齊齊打蛇餅,無法自由出入,員工每個鐘企出來宣布:「Sorry 喎,無飛賣囉!」態度兇悍,疲勞轟炸得黎又幾好笑。網上購票分11am/2pm 兩個入場時段,人龍中開始流傳「可能3點會放行」的渺茫希望,期間有幾陣雷雨,群眾尚算耐心等候……

迪士尼 殘破城堡、面容扭曲的美人魚,象徵童話幻滅, 並會定時播放奇怪暗黑音樂。 駐場特派員 Ling :場內逢周五晚都有表演,9月25日晚有Pussy Riot 及Massive Attack,喜歡暗黑Rock朋友萬勿錯過。
殘破城堡、面容扭曲的美人魚,象徵童話幻滅, 並會定時播放奇怪暗黑音樂。
駐場特派員 Ling :場內逢周五晚都有表演,9月25日晚有Pussy Riot 及Massive Attack,喜歡暗黑Rock朋友萬勿錯過。
迪士尼 推介帶本Secret Garden 填色冊解解悶,不過記者同行友人安檢時被沒收咗支筆,唔通「筆桿」是武器?似乎嚴過北韓!
推介帶本Secret Garden 填色冊解解悶,不過記者同行友人安檢時被沒收咗支筆,唔通「筆桿」是武器?似乎嚴過北韓!
迪士尼 一窮二白的Selfie Hole,自動褪地,得咗!
一窮二白的Selfie Hole,自動褪地,得咗!

2. 安檢送黑面保安

捱到3點幾,員工果然放行!截龍手段極狠,記者目測1點半後才來排隊的龍尾慘遭驅散,心中暗爽好在早到!靜候多時的遊人都歡呼慶祝,售票大叔即時喝止嬉笑的遊人,祝大家有個「糟糕的一天」!估唔到緊接的「紙紮」安檢已經係第一個景點!

迪士尼 除手繪地圖,推介花£5 買本場刊,介紹仔細,比媒體轉載的精彩。
除手繪地圖,推介花£5 買本場刊,介紹仔細,比媒體轉載的精彩。
迪士尼 安檢工具疑幻疑真—道具X 光機由藝術家BillBarminski 設計,綑邊紙紮,玩味十足。若你一不留神大笑起來,保安又會捉你去檢查。員工都是清一色黑面和哭喪樣,交足戲。
安檢工具疑幻疑真—道具X 光機由藝術家BillBarminski 設計,綑邊紙紮,玩味十足。若你一不留神大笑起來,保安又會捉你去檢查。員工都是清一色黑面和哭喪樣,交足戲。

Dismaland 9

3. 緊貼時局藝術品

留意返,Dismaland 實情是個以樂園包裝的展覽, 58位藝術家奉獻過百件諷刺時弊的幽默
作品,心水推介是載滿難民的駕船遊戲,Banksy 上星期才於社交平台諷刺歐盟處理敍利亞難民問題時袖手旁觀,議題當下鬧得火熱,唔好錯過這件藝術品啊!

迪士尼 「唔准一個人坐」的摩天輪。
「唔准一個人坐」的摩天輪。
迪士尼 難民電動艇,玩法係鬥快推佢出公海!
難民電動艇,玩法係鬥快推佢出公海!

Dismaland
•日期:即日至9月27日
•時間: 11am-11pm(單張幽默地加上probably字眼)
•地址:Weston-super-Mare, North Somerset, UK(顯示地圖
•票價:£3(Walk In)、£5(網上)
•交通: 由倫敦乘火車至Weston-super-Mare站,車程2小時多,再步行
至海邊,約需10分鐘。遊完更可以在海灘歎份fish and chips
•網址: www.dismaland.co.uk

延伸閱讀:【 首爾旅遊 】三清洞、仁寺洞 9大韓食 文青 蒲點

最新吃喝玩樂資訊