性暗號
性暗號

空姐性暗號?|原來識呢句通關密語就食得…

旅遊

廣告

空姐可能係唔少男士們至愛的女性職業,好多時空姐都係靚女的代名詞,嗰套制服更令人有無限遐想!日前ViuTV就請咗幾位空少,分享佢哋喺天空中的所見所聞。仲大爆原來空少空姐間有暗號…… 性暗號呀!

(原文刊於《東方新地》)

ViuTV節目《又要威又要戴頭盔》請來幾位空少講講行內秘密,用一個全新的角度大爆天空的秘密!

佢哋先提到做空少嘅辛酸:
01 | 親戚同屋企人以為會做唔長,覺得佢哋讀到大學,點解要做派餐,人工又唔多
02 | 成日被人誤會無所事事、周圍去旅行
03 | 身邊朋友鬧太多假期

不過唔講又真係唔知,原來做空姐空少係唔會幫乘客搬行李,因為如果有損失,航空公司係唔會負責,所以好多時佢哋都會扮有嘢做,避開「奧客」要求幫手搬行李。

空姐原來有性暗號?

另外有空少大爆天空中有默認的規矩,如果想要搵食就可以喺名牌度黐貼紙,咁就代表可以食得!又或者被人問到就要答通關密語:「hot and spicy」,咁就代表一陣先去酒店飲杯咖啡,深入傾下偈。

因為大家機上好多時都係第一次見,都會驚尷尬唔敢直接問,所以呢兩個動作就最直截了當。

做過空姐空少的網民就表示未聽過有啲咁嘅事。唔知係真心未聽過,定係扮未聽過?