皇家加勒比 Turn Up The Weekend 海上派對｜DJ Soda 領銜三場海上派對

Turn Up The Weekend：星期五上船，星期日返到香港

Turn Up The Weekend 係皇家加勒比全新推出嘅週末海上派對體驗，建基於海洋光譜號原有嘅國際遊輪規格——世界級餐飲、娛樂同船上設施——再加入升級版嘅派對概念。

三個航次全部星期五出發、星期日返抵香港，全程兩晚，屬純航海行程，中途唔停靠港口。即係話，成艘船由開船嗰一刻起就係目的地本身：唔使飛，唔使辦外國入境手續，星期五上到船就開始放假。

海洋光譜號：亞洲超人氣嘅「海上主題樂園」

未坐過遊輪嘅朋友可能會問：呢艘船本身係咩來頭？

皇家加勒比國際遊輪係全球規模最大嘅遊輪品牌之一，而「海洋光譜號」（Spectrum of the Seas）自從以香港做母港以來，一直係亞洲最受歡迎嘅超量子級（Quantum Ultra Class）遊輪。呢艘船成日被形容做一座「海上主題樂園」——North Star 北極星觀景艙、甲板衝浪、RipCord by iFLY 模擬跳傘、攀石牆、SeaPlex 室內運動場，加埋百老匯級舞台表演同環球餐飲，全部集中喺同一艘船上面。

換個講法，佢更似一座識郁嘅度假村：住宿、餐飲、娛樂一次過包晒，上到船嗰一刻假期就已經開始。而 Turn Up The Weekend 做嘅，就係喺呢個基礎之上，將週末夜晚重新編排成一場派對。

第一次坐遊輪嘅朋友，兩晚航次亦係一個好易入手嘅選擇——時間夠試勻船上大部分設施，又唔使好似長航次咁遷就行程。上船流程亦比想像中簡單：行李掛上房號之後由船員直接送到房門口，之後兩晚都唔使再搬；船上實行 cashless，登船卡就係房卡兼消費卡，主餐廳、自助餐同大部分娛樂設施已經包咗喺船費之內，落船先一次過結算額外消費。

DJ 陣容：DJ Soda 領銜三場，本地 DJ 主打廣東歌

今次 Turn Up The Weekend 嘅核心，係 DJ Soda 領銜、加埋四組本地 DJ 嘅陣容。

領銜嘅係 DJ Soda——Top#1 Asia Female DJ，亦係今次活動嘅 headliner，三個航次全部演出。即係話，無論你揀邊一場，都一定見到佢。

至於本地班底，皇家加勒比請咗四組香港 DJ：Beat Friday、Cantomania、DEANZ 同 DJ El Toro，同樣主打 Cantopop-inspired party music，即係以廣東歌做靈感嘅派對音樂。呢個路線一直喺香港市場有極強共鳴——熟悉嘅旋律、聽得明嘅歌詞，唔使等 drop 都即刻入到 mood。

四組本地 DJ 分別坐鎮唔同航次，加埋 DJ Soda 全程演出，每一場嘅組合都唔一樣。

當中 DJ El Toro 係 Canton Disco 創辦人、前知名電台 DJ，資歷橫跨香港夜場同電台兩邊。

三場點揀？逐場陣容一覽

• 想第一時間試新嘢：11 月 20 日係首航場，由 Cantomania 打頭陣。
• 想陣容最齊：12 月 11 日一場有 Beat Friday 同 DJ El Toro，連埋 DJ Soda 一共三組同場。
• 想當作聖誕前熱身：12 月 18 日由 DEANZ 主理，返到香港啱啱好接住聖誕檔期。

唔跳舞都有得玩：船上仲有咩

派對係主菜，但海洋光譜號本身嘅節目編排，已經足以令其餘時間樂而忘返。

餐飲方面，船上提供超過 30 種餐飲體驗，由主餐廳嘅多道式晚餐，到日式鐵板燒、川菜、名廚 Jamie Oliver 主理嘅 Jamie’s Italian 同各國小食都有；部分特色餐廳需要另行預訂及收費，詳情以官方 cruise planner 為準。

夜晚嘅去處亦唔止一個舞池：

• Bionic Bar 機械人酒吧——由機械手臂調酒，落單、搖酒、上枱一氣呵成，本身已經係打卡熱點。
• 現場樂隊（Live Band）——樂隊一開聲，氣氛即刻唔同，啱晒派對之間抖一抖。
• Star Moment——公開卡拉OK 時段，夠膽就上台唱返首。
• Schooner 酒吧、270 度景觀廳、日落吧、池畔酒吧——由黃昏飲到深夜，轉場都唔使落船。
• 甲板露天電影——入夜後泳池畔嘅巨型屏幕，玩攰咗可以上甲板攤低。
• 百老匯級現場表演——《Show Girls 魅舞今昔》同《Silk Road 絲綢之路》，今年兩晚航次上演嘅兩套大騷。

想靜一靜嘅話，Solarium 日光浴場係成人專用嘅玻璃天幕泳池區；想睇夜景，北極星觀景艙升到最高可以俯瞰成片海。

至於日頭，兩晚航次雖然唔停靠港口，甲板上嘅節目一樣排得密：甲板衝浪、攀石牆、SeaPlex 室內運動場嘅碰碰車，以及在船上各個角落舉辦的團體活動和比賽，全部已經包咗喺船費之內（個別項目需要預先喺官方 cruise planner 登記）。玩攰咗返房，露台房推開門就係大海——所謂週末叉電，大概就係咁。

仲有一個抵玩玩法：因為船上得兩日，想一次過試勻主要特色餐廳，可以經官方 Pre-Cruise Planner 行前訂購 Unlimited Dining Package。約 HK$833（連服務費）可以食足 4 餐，平均每餐唔使 HK$210，美式扒房、Jamie’s Italian、鐵板燒同 Wonderland 等人氣餐廳都食得 (部份須支付附加費，預訂前請留意)。平時單叫晚餐最貴要每位 HK$600，即係慳足 65%。名額同價錢以官方 cruise planner 公布為準。

預訂資訊同新假期讀者獨家優惠碼

Turn Up The Weekend 三個航次分別喺 11 月 20 日、12 月 11 日同 12 月 18 日由香港出發，全部兩晚，星期日返抵香港。詳情及票價以官方公布為準。

• 新假期讀者獨家優惠碼【NM2AIL】：2026 年 9 月 1 日至 10 月 31 日預訂期內，喺官網輸入優惠碼，預訂 11 月 1 日至 2027 年 1 月 24 日出發嘅指定航次，每間客房可享 50 美元船上消費額，3 人或以上同住一間客房則為 100 美元。上述三個航次全部符合出發日期範圍。

星期五夜晚上船，星期日返到香港——今個週末，不如換個方式過。即時查看航次及預訂：皇家加勒比官方網站，或致電預訂熱線 +852 3002-4635。