環球儲物狂
環球儲物狂

【 環球儲物狂 】旅遊記者出差買啲乜? 一個城市買一個 雪花水晶球

旅遊

廣告

大家身邊總有朋友有鋪儲物癮,不慎刺中「收藏神經」,就會情不自禁買下它!買下它!買下它! 環球儲物狂 一欄專門訪問一眾「收集強迫症」病患者,讓患者公開所好,為亂買嘢自我澄清大平反!

檔案#06| 旅遊記者出差買啲乜? 一個城市買一個 雪花水晶球

收藏者:VIVIAN(前旅遊記者)
收藏物品:雪花水晶球
收藏年資:10年以上
收藏數量:65件
收藏原因:細細個睇電視劇,主角間房擺咗幾個水晶球在床頭,覺得好靚,所以開始在旅行時收集,順便記錄自己去過邊度旅行。
收藏喜好:自己買通常只買細 size 方便帶,專揀景點作主體的或浪漫feel的,而且雪花不能是粗粒發泡膠。後來朋友得悉我儲水晶球,唔核突唔送畀我,不過都好多謝朋友專程搬個5kg重的巨型雪花球送給我。
如何帶回港:因為水晶球密封,內藏水分,容量少過100ml都唔可以hand carry,但寄艙最驚爆玻璃,技巧是保留水晶球的紙盒,用大量衣物包裹著,行李pack得密就可安全抵港。

最後悔無買過的一個是:有次坐郵輪去阿拉斯加,當地有大量淘金手信,其中有個金箔水晶球索價數十美元,當時覺得貴沒有買,後來回想甚少見金箔水晶球,現在有點後悔。