澳門
澳門

食盡 澳門 7大滋味推介@travel佳

旅遊

廣告

嚟緊 澳門 唔單止有車迷最期待嘅格蘭披治大賽車盛事,同期仲有精彩嘅美食節,阿佳我同班friend已經約好咗過去玩番幾日,見同你哋咁熟,今次分享下我條美食check list,嘗盡 澳門 7大滋味 等你可以邊玩邊食好東西!都係嗰句,記得帶啱信用卡,唔單止食住玩有著數,搭金光飛航頭等艙仲有買一送一添呀!

(Presented by Mastercard)

推介1:孖住歎自助餐

半夜3點鐘肚空空?喺 澳門 一樣有好嘢食! 澳門 威尼斯人度假村嘅24小時營自助餐廳 —「威豐味」就做緊午、晚市自助餐買二送二優惠,可以同朋友一雙一對咁嚟擦番餐。除咗熱門自助餐菜式,亦有來自印度、葡國嘅特色小菜,選擇夠晒豐富。餐廳鄰近金光綜藝館,睇完演唱會可以即刻擦番餐,爽呀!

推介2摘星巧手粵菜

食中菜點先算high class?至少都摘返粒星先啦, 澳門 新濠天地「譽瓏軒」仲摘夠兩粒米芝蓮星添!佢嘅廚師團隊由名廚譚國鋒率領,整出一系列精美又好味嘅高級粵菜,淨係睇午市套餐用西班牙黑毛豬整叉燒、北海道毛蟹做酸辣羹就知幾有誠意,仲用埋最近勁hit嘅健康食材藜麥等,高級得嚟又充滿創意!

*仲送埋譽瓏軒精美XO醬1瓶(95克)添呀!(價值:澳門幣$160)

推介3:火山石即燒乳豬

澳門 嘅星級餐廳點止咁少?以下介紹呢間仲係香港代表!佢就係憑住一味火山石即燒乳豬而馳名中、港、澳嘅粵菜餐廳新斗記,佢將港式中菜滋味帶入澳門社區,連《米芝蓮指南》都畀佢一粒星,叻叻!除咗即燒乳豬,而家用Mastercard點南非15頭乾鮑扣鵝掌有買一送一(原價MOP600),玫瑰豉油雞(原價MOP298)仲有半價添!

推介4 百年葡菜老字號

澳門 葡國菜館,邊個唔識百年葡式西餐老字號「佛笑樓」?佢喺氹仔嘅第3間分店叫「佛笑樓3」,走高雅歐陸風,以綠色為主調,環境相當舒服;菜式有地道澳門老字號嘅高質素,又有創新元素,吸引到唔少年青人幫襯,名菜包括燒乳鴿、葡式咖喱炒蟹、扒魔鬼大蝦、非洲鷄等。用Mastercard食滿MOP300有9折優惠!

推介5:葡國殖民色彩

成日聽人講去澳門食「土生菜」,究竟係乜東東?去媽閣廟附近嘅海灣餐廳就可以試到呢系列獨門菜式,大廚將葡國菜嘅烹調方式運用喺本地食材入面,炮製出一系列獨一無二嘅葡式澳門菜,深受本地居民同遊客歡迎!招牌熱選包括西洋炒蜆、蒜蓉花甲、焗鴨飯、木糠布甸等,令人回味,食夠MOP450或以上用Mastercard送你小食拼盤同木糠布甸(價值MOP180)。

推介6:日韓晚市放題

想瘋狂歎日韓菜,識食一定食放題!澳門新豪鋒酒店「吉良」就新推韓食和風自助晚餐,畀你任食韓式炸雞、醬油燉牛肋骨、韓式壽司卷、韓國芝麻醬香菇烤龍蝦等,回本菜式仲有時令生蠔、刺身、天婦羅等,Mastercard埋單仲有85折優惠,可以盡情食呀。

推介7:愛爾蘭酒吧美食

想同朋友輕輕鬆鬆飲番杯、睇下波、傾下偈?澳門威尼斯人酒店有澳門唯一一間愛爾蘭酒吧McSorley’s Ale House,你可以一邊飲酒,一邊歎英式酒吧美食,如手掌咁大嘅麥時利招牌漢堡;餐廳嘅巨型沙發坐椅係一大特色,打造出家一樣嘅舒適感覺。

交通資訊:金光飛航頭等優惠

坐過金光飛航嘅頭等艙,真係坐唔番普通艙,點解?頭等艙有超舒服嘅對座式連桌座位,有免費小食、飲品,仲可以優先落船,咁先係放假嘅享受!World或World Elite Mastercard持卡人有福啦,你哋坐金光飛航頭等艙船票有買一送一優惠,而所有Mastercard持卡人都有8折㗎!

以上優惠推廣期由即日起至20161231日,須受有關條款及細則約束,詳情請瀏覽www1.mastercard.com.hk