澳門新鴻發美食｜當地人推薦抵食茶記！必試巨無霸西多士＋惹味乾炒牛肉通粉
廣告
澳門新鴻發美食｜每次到澳門都淨係去官也街？不妨試吓呢間澳門人飯堂抵食之餘又好味嘅新鴻發美食啦～餐廳主打嘅招牌菜式包括：巨型西多士、鑊氣十足嘅牛肉乾炒通粉、甜咸配搭豬扒菠蘿包…每一款平均只需$30-40！即睇詳情～
澳門新鴻發美食｜當地人推薦抵食茶記！必試巨無霸西多士＋惹味乾炒牛肉通粉
澳門新鴻發美食其實已經開業超過30年，餐廳所有菜式都平靚正，因此成為咗好多當地澳門人都經常幫襯嘅飯堂！但係提提大家餐廳晚上六點就閂門，有興趣嘅記得安排早啲去食，唔好錯過時間摸門釘啦！
新鴻發美食必試招牌菜式
乾炒牛肉通心粉
乾炒牛肉通心粉可以睇得出餐廳廚師嘅功架，整體炒得超夠鑊氣！通粉粒粒都沾滿醬汁，表皮炒得微微焦香之餘亦而口感依然保持煙韌，惹味得黎又唔會話太過油膩，一人一啖好快食曬！
法蘭西多士
外形十分震撼、半個手掌咁高嘅巨型西多士一登場就吸引全枱目光，外層鋪滿蛋漿炸得金黃酥脆而内裏麵包則鬆軟濕潤，加上面頭嘅牛油同埋放題任用嘅糖漿，勁邪惡呀～啱晒埋幾個朋友一同享用！
3.豬扒芝士菠蘿包
一定唔可以錯過呢款豬扒芝士波蘿包！微甜帶濃濃牛油香嘅菠蘿包夾住醃得入味嘅豬扒同埋微融芝士，所有材料喺口中咀嚼嘅時候合為一體，味道非常和諧，鹹鹹甜甜嘅味道令到人越食越開胃。
新鴻發美食｜菜單
新鴻發美食｜開放詳情
名稱：新鴻發咖啡美食開放詳情
地址：高士德賈伯樂提督街55A號地舖
前往方法：乘坐2、5號巴士於盧廉若公園站下車再步行約5分鐘。
電話：+853 28530452
營業時間：星期一至日：06:00-18:00
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
關鍵詞
旅遊
撰文：Yuki Lee圖片來源：愛吃米其林的天鵝@小紅書、FB@新鴻發美食、Mia@小紅書、Lok@小紅書、Mia@小紅書
