澳門必必必食! 爆漿冒煙~鐵板抹茶雪糕班戟

近期澳門開咗好多靚靚café，但多遠離遊客區，一唔留神隨時走寶！就好似永樂戲院附近的樂點咖啡，自家創作甜品賣相吸引，望望圖中的鐵板抹茶班戟就知！熱燙鐵板盛載著厚班戟上枱，還附有一小杯抹茶醬，把醬汁倒落班戟後雪糕極速溶化，大量抹茶漿「爆」在鐵板上冒煙起泡，此情此景仿如抹茶火山爆發，記得拍片呃like 呀！再望望件班戟， 厚度達4cm， 唔似老麥熱香餅咁薄切切，驟眼望以為係蛋糕添。切開一刻又有驚喜，班戟內藏流心忌廉，再蘸上少許冰涼雪糕，又凍又熱還夾雜軟糯紅豆，簡直挑戰牙仔極限！這款班戟是期間限定甜品，暫未知做到幾時，但老闆娘話如果來到見餐牌已無供應，大家仍可向侍應要求落單，師傅會即製一客以免大家失望！