澳門好去處2023｜10大景點名勝推薦！情侶小朋友都啱去 一日遊自由行攻略
澳門好去處2023｜10大景點名勝推薦！情侶小朋友都啱去 一日遊自由行攻略
澳門好去處2023｜喺澳門呢個小小嘅地方，都已經有超過30個名勝古跡被列入《世界遺產名錄》！除此之外，澳門琳琅滿目嘅娛樂設施、購物中心、街頭美食、同醉人夜景，而家全面開關後，未夾到時間飛嘅人，就會計劃去個2日1夜嘅快閃澳門遊，嚟個出走香港嘅小旅行！
澳門好去處2023｜10大必去景點名勝
澳門好去處2023｜1.大三巴牌坊
大三巴牌坊係澳門地標，中西合璧嘅建築風格，在世界各地嘅天主教堂中都好罕見。呢到原本係聖保祿教堂正面前壁，1835年一場大火中後，僅剩下地基、石階，以及目前所見教堂的正面前壁。提起澳門就會諗到大三巴，可謂必到嘅打卡點啊！
| 大三巴牌坊地址及開放詳情 | |
| 地址 | 耶穌會紀念廣場 |
| 開放時間 | 每日上午9時至下午6時（下午5時30分停止入場） |
| 交通資訊 | 乘10, 10A, 11, 21A, 2, 3, 3A, 4, 5, 6, 7, 8A, 26A, 33於新馬路下車，沿議事亭前地及步行徑前往可到。 乘17, 18, 8A, 26於白鴿巢總站下車沿石仔路前往。 |
澳門好去處2023｜2.瘋堂斜巷
去得大三巴，就一定要去埋附近離大三巴僅7分鐘路程的「瘋堂斜巷」！瘋堂斜巷因以往一間麻風病院取於上址而命名，係一條極具葡式風格嘅街道，街道上的所有建築外牆都非常色彩繽紛，主要顏色是黃色和紅色，好有建築特色。連路燈也改成歐式街燈，周圍都係打卡位！街道上幾乎全部建築都好有歷史價值，如瘋堂十號創意園、望德聖母堂以及非常聞名的老建築「仁慈堂婆仔屋」亦喺瘋堂斜巷上，現為文化創意空間，周末仲會有手作市集攤檔可以行吓！
| 瘋堂斜巷 | ||
| 地址 | 澳門瘋堂斜巷 | |
| 開放時間 | 全天開放 | |
| 交通資訊 | 於大三巴牌坊沿高園街步行約6分鐘路程即到達瘋堂斜巷 | |
澳門好去處2023｜3.官也街
官也街位於澳門氹仔嘅中心地帶，係澳門第一個行人專用區。呢條得115公尺長、5公尺寬嘅小街林立大量出名嘅食店，例如：巨記餅店、莫義記雪糕、大利來記豬扒包、安德魯餅店等。記者星期六晚上當天去到，見到出現大批人龍排隊買小食同手信，其中必食安德魯餅店葡撻人龍長到要排到去後巷，場面墟冚！而另一樣最多人排嘅食店係牛雜店，人龍超長！無論大家係想掃街食嘢定係買手信送畀人都啱曬啦！
| 官也街地址及開放詳情 | |
| 地址 | 氹仔市嘉模堂區官也街 |
| 開放時間 | 全天開放 |
| 交通資訊 | 乘11, 15, 22, 28A, 30, 33, 34公車在氹仔官也街站下車。 |
澳門好去處2023｜4.澳門漁人碼頭
澳門漁人碼頭佔地133,000平方米，距離外港客運碼頭只需10分鐘步行時間，而最吸睛嘅就係呢個古羅馬劇場打卡位，唔使去羅馬都睇到啦！超壯觀嘅古羅馬競技場仲好有歷史感，外牆都非常細緻。行完古羅馬劇場，可以行入「勵駿大道」感受異國風情！「勵駿大道」樓底高，空間感及採光感十足，仲有超繽紛嘅彩色建築，到處都是打卡位！不過記者當天去到大部分食肆都冇開，如果大家想坐低食嘢可能就要行返過去金沙酒店嗰邊，或者check定食肆營業時間，唔好摸門釘啦！
| 澳門漁人碼頭 | ||
| 地址 | 澳門新口岸友誼大馬路及孫逸仙大馬路 | |
| 開放時間 | 24小時開放 | |
| 交通資訊 | 酒店免費接駁車：澳門金沙酒店、勵庭海景酒店、勵宮酒店、萊斯酒店 金沙酒店後步行 3 分鐘就到漁人碼頭 巴士：乘搭3A、8、10A、12、17號巴士至「孫逸仙大馬路/金沙」站 |
|
澳門好去處2023｜5.澳門teamLab超自然空間
既然未去到日本嘅話，其實澳門都有teamLab睇㗎！teamLab超自然空間展覽由藝術團隊teamLab打造，高度8m的超巨型作品群所構成，面積達5000平方米的復雜且具有高低差的立體交互空間。它同時也是一個探索人與自然，及對世界的新的認知的作品群體所構成的「身體沉浸式藝術空間」。通過超越身體與藝術之間的界限的體驗，重新定義自我與世界之間界限的感知。除咗打卡之外，希望大家都可以認識更多自己！
| 澳門teamLab超自然空間 | ||
| 地址 | 望德聖母灣大馬路澳門路氹金光大道 澳門威尼斯人金光會展展覽館F館 |
|
| 開放時間 | 11:00-19:00 * 最後入場時間為閉館前45分鐘 |
|
| 休息日 | 2023年2月 每周三、2月13日（周一） 2023年3月 每周三 |
|
| 電話： | 金光票務電話: +853 2882 8818 (每日早上十時至晚上十時) | |
澳門好去處2023｜6.媽閣廟
媽閣廟係澳門現存最古老的廟宇，亦係當地歷史最悠久嘅文物建築。媽閣廟早期被稱為娘媽廟、天妃廟或海覺寺，後定名為「媽祖閣」，而華人一般俗稱為「媽閣廟」。媽閣廟內，有神山第一殿、正覺禪林、弘仁殿、觀音閣等建築物。新年佳節想轉下運，就嚟呢度求支簽、買道平安符啦！
| 媽閣廟地址及開放詳情 | |
| 地址 | 媽閣廟前地 |
| 開放時間 | 每日上午7時至下午6時 |
| 交通資訊 | 可乘公車10, 10A, 11, 18, 21, 21A, 1, 1A, 2, 5, 6, 7, 9, 26, 28B, 34到達 。 |
澳門好去處2023｜7.東望洋炮台
炮台位於澳門半島最高峰東望洋山之巔，可以俯瞰成個半島，睇景一流！燈塔側嘅小教堂―聖母雪地殿，教堂內嘅拱頂和牆身繪有彩色壁畫，其繪畫技巧融合中西藝術，是本地眾多教堂中獨一無二嘅。
| 東望洋炮台地址及開放詳情 | |
| 地址 | 澳門半島中央柿山（又名炮台山）山頂 |
| 開放時間 | 炮台：上午9時至下午6時（下午5時30分停止入場） 聖母雪地殿聖堂：上午10時至下午5時（不准拍照） 燈塔：不對外開放 |
| 交通資訊 | 乘坐8A, 18, 18A, 19, 26路到白鴿巢前地站，步行15分鐘。 乘坐17路到新勝街步行5分鐘。 乘坐3, 4, 6, 8A, 18A, 19, 26A, 33, N1A路到新馬路，沿大街北行15-20分鐘。 |
澳門好去處2023｜8.松山纜車
松山纜車是全球最短嘅架空索道，只需80秒就可以完成單程嘅路途，遊客可在纜車內飽覽東望洋山一帶嘅景色！
| 松山纜車地址及開放詳情 | |
| 地址 | 二龍喉公園 |
| 開放時間 | 上午8時至下午6時 （逢星期一休息，如星期一為公眾假期、豁免上班日或補假，則順延至翌日休息） |
| 票價 | 單程車票：澳門幣2元 雙程車票：澳門幣3元 雙程特別優惠票：澳門幣2元（適用於12歲或以下小童及65歲或以上長者） |
| 交通資訊 | 乘2, 2A, 6、12, 17, 18, 18A, 19, 22, 23, 25, 25X, 32號巴士至二龍喉公園站。 |
澳門好去處2023｜9.戀愛巷
戀愛巷嘅建築物色彩斑爛，全長約50米，粉色系的牆面和石頭鋪成的小路成為許多影視作品拍攝場景，十分打卡able。戀愛巷的葡文街道名字為”Travessa da Paixão”，其中”Paixão”是“熱情”的意思，原意為紀念耶穌為人類而犧牲的大愛，但後因翻譯上的誤會，造就了“戀愛巷”這個唯美街名。
| 戀愛巷地址及開放詳情 | |
| 地址 | 澳門花王堂南部 |
| 開放時間 | 全天開放 |
| 交通資訊 | 乘 2, 3, 3A, 4, 5, 6, 21A, 26A , 33 號巴士，於民政總署下車，向大三巴方向步行20 分鐘。 |
澳門好去處2023｜10. 大潭山眺望臺
乘依山坡而建的斜行式升降機到氹仔大潭山自來水蓄水池的平臺，可眺望到路氹城區的旅遊娛樂酒店的建築群和景色。
| 大潭山眺望臺地址及開放詳情 | |
| 地址 | 澳門司徒澤雄神父馬路 |
| 開放時間 | 上午7時至下午8時 |
| 交通資訊 | 乘 21A, 50, 50B, 56, 25, 15公巴可到達。 |
常見問題
澳門最新入境防疫措施係點？
暫時香港人入境唔需要做任何檢測，但係…更多詳情
除咗大三巴仲有咩景點好去？
去得大三巴，就一定要去埋附近離大三巴僅7分鐘路程的「瘋堂斜巷」！瘋堂斜巷因以往一間麻風病院取於上址而命名，係一條極具葡式風格嘅街道，街道上的所有建築外牆都非常色彩繽紛，主要顏色是黃色和紅色，好有建築特色。連路燈也改成歐式街燈，周圍…更多詳情
