大阪
大阪

機票全攻略 大阪 KIX 淡季最平$2,370

旅遊

廣告

大阪 一向捧場客眾多,機票叫價硬淨,甚少有明顯的劈價潮,近年雖有廉航加入,不過論服務、論舒適程度,傳統航空始終領先一籌;趁著日匯低水,今回集中火力拆解傳統航空的撲飛心得;慳多一千幾百都好,夠去當地食返餐豪!

Round 1: 大阪 機票移動平均線

即使為旺季月份,選擇閒日或紅假正日出發,價錢都可相差數百元,入貨前可參考一眾格價衍生工具如KAYAK.com,查詢個別出發日子的歷史價位。

大阪 機票 攻略 06
以上價格以出發日前3個月訂票為準、須另加稅項及雜費約$430。

Round 2:大阪 航班逐個秤

除了價錢、班次的考慮外,值得留意的是全日空竟逆市提供23kg 的免費寄艙行李兩大件,都算抵玩。而有興趣環遊日本幾個城市的玩家,就一定要留意有壓倒性open jaw 優勢的國泰!

大阪 機票 攻略 05

都係國泰最抵!
ANA的航班主力服務日客,周不時爆棚;印航雖然時間靚,但班機先從印度來港、再飛大阪,一但delay就無後備機,博唔過,不如坐廉航!反而國泰只係貴幾百,依然值得推介;坐凌晨機、6:00am落地,玩足咁多日㗎!

Round 3:針對性平飛部署

其實單憑關西的叫座力, 大阪 航線已經唔憂做,航空公司自然天生一副硬骨頭、好少劈價。例如國泰,長年企硬$3,300已經叫做「平咗畀你」;若然有心去玩,早早購入「期貨」相信係唯一選擇!

大半年前要計劃!(9 months)
數據顯示,三間航空公司都會喺出發日期前約4個月暗暗加價(相信係已收客七七八八,於是吊高嚟賣);唔想同人鬥抬價,9個月前就要做準備,而家已經要展望櫻花季嘞!

fanfares價$2,200!(last minute)
無做功課者,想低位入手就要吼實國泰fanfares,上年全年共賣過18次 大阪 ,最盡插到$2,200,不過出發日子往往近至下個星期,請唔請到假就閣下自理。

台北轉機$2,500!(transit)
無準備又無運氣,Plan B是買長榮、華航的轉機機票,雖然轉折,但有效期達14日、更可以在台北停留一次,變相成為雙城遊,機票都不過係$2,500左右,每天各有3班!

數據點樣嚟?

由窮遊大學生Alvin同友人主理,自2012年成立的格價網,每日守株待兔轉發劈價資訊,資料來源包括航空公司網站及討論區,數據庫儲落價格資訊超過2萬條,網站更收錄「教科書式」機票比拼。網址:flyday.hk( 搜尋「平飛攻略」)

下回預告:大阪廉航解密
廉航方面,HK Express、Peach同Jetstar都有大阪航線,到底應該幾時買、點樣買先算抵,下期同你詳細拆解!

 

延伸閱讀:
埃航靠得住?!$1,600 紅葉季平飛 東京
Private: 【東京】$3,244全包價 限定優惠飛 東京 掃貨

新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8
Android:https://play.google.com/store/apps/details?id=com.weekendhk.newsstand2&hl=zh_HK

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!
see first template