東京迪士尼
東京迪士尼

東京迪士尼推探險系列新品!絕美米奇星空夜燈+精美文具

旅遊

廣告

今年是東京迪士尼海洋公園的18周年,當然要推出新品,來讓Fans破產!今次新品以探險及麥哲倫為主題,推出一系列的精品,包括:絕美米奇星空夜燈、精美文具、毛公仔吊飾及Tee等等,款款都好靚!各位迪士尼的Fans準備好破產未呢?即睇記者推介以下精品!

撰文:eun|圖片:dtimes

東京迪士尼探險系列新品

今次東京迪士尼的新品主題是探險及麥哲倫,不同的卡通人物例如:米奇、米妮、大鼻及鋼牙都會化身成為探險家,卡通人物穿上探險服後,感覺比之前多一份帥氣!當中最吸引記者的是米奇星空絕美夜燈,星光夜燈以米奇老鼠頭為造型,星光燈內設星星,只要一開燈就會折射到天花板,好靚同好浪漫啊!

另外,仲有一系列的文具套裝,包括:膠紙、Folder。除了文具之外,當然仲有大人、小朋友都喜歡的毛公仔吊飾,吊飾上的卡通人物有米奇、米妮、大鼻及鋼牙,以上的卡通人物都來個大變身,不再穿著之前的衣服,反而穿上深藍色的探險服,探險服上還有金色流蘇作點綴,風格既帥氣又帶點高貴。大鼻及鋼牙的服裝更有太陽及月亮作裝飾,再加上大鼻及鋼牙呆頭呆腦的樣子,好可愛啊!

至於Tee方面,設計就走奢華風格,同樣以月亮及太陽作裝飾,再加上有米奇、米妮、大鼻及鋼牙做主角,各位迪士尼Fans豈有不買的理由?