早鳥優惠!57折搭全新 郵輪 遊歐洲

2017年貶吓眼就到,係時候度定出年旅遊大計,25/11前預訂仲可享早鳥優惠,慳返成半咁多,長假期一於來個 郵輪 歐遊啦!今次做特價係公主 郵輪 的歐洲航線,TRAVEL佳仲幫你格埋價!

七千唔使遊希臘

第一個筍盤係7天希臘群島來回雅典,原價$12,239減到$6,935起,57折接近半價,每人七千蚊都唔使就可以嘆郵輪,係咪抵先?坐上最新嘅盛世公主號,由希臘雅典出發,暢遊奧林匹亞、愛琴海群島及土耳其,當地風光如畫就唔使講,有美景有歷史,4月至8月天氣舒服怡人,係最佳旅遊季節,仲有特價實在好難得!

歐遊四國有七折

另一個拍心口推介筍盤係歐洲航線7天遊,一次過去勻西班牙、英國、法國同意大利四國,地中海出名風景靚海鮮正,同樣坐盛世公主號,坐住 郵輪 舒舒服服嘆世界,原本每位$11,342起,而家早鳥優惠價7折每位$7,832起,分分鐘平過自遊行!5月至8月出發,當放個暑假去歐遊都咪話唔爽!兩款套票已經包晒所有稅項及附加費,一定要11月25日前預訂,好快快搶完準備請假!

食勻四粒米芝蓮星

兩個行程最正係有得搭2017年最新 郵輪 盛世公主號(Majestic Princess),屬船隊中第三隻帝王級 郵輪 。最新的懸臂式空中走廊SeaWalk、表演娛樂固然吸引,但我最關心係有咩好食。盛世公主號更是在華運營的航線中,唯一一艘同時擁有兩間米芝蓮級數餐廳的 郵輪,由法國三星總廚Emmanuel Renaut主理的La Mer,及由北美唯一一星米芝蓮中菜廳主廚Richard Chen的觀瀾軒中餐廳(Harmony),海上fine dining夠晒正。盛世公主號於4月首航,完成環歐之旅後就會出訪亞洲,更將於6月27至28日途經香港,想一睹呢艘豪華 郵輪 英姿,就要密切留意喇!

行程資料
7天希臘群島 – 來回雅典(比雷埃夫斯)
船隻:盛世公主號或皇家公主號
出發日期:2017年4月30日|6月10日|7月8日|8月26日
途經港口:希臘 – 塔科隆(奧林匹亞)、沃洛斯、羅德島、希俄斯 | 土耳其 – 古薩達斯(以弗所)
船票:$6,935起

7天盛世地中海 – 巴塞隆拿 至 羅馬(奇維塔韋基亞)
船隻:盛世公主號或皇家公主號
出發日期:2017年5月14及27日|6月24日|7月22日|8月12日
途經港口:西班牙 – 卡塔赫納 | 英國 – 直布羅陀 | 法國 – 土倫(普羅旺斯)| 意大利 – 熱那亞、佛羅倫斯/比薩 (利沃諾)

船票:$7,832起
以上價錢以雙人房每位計算,已包括政府稅及其他附加費用

訂購按此:https://goo.gl/qhxYga

澳洲美食靚景之旅

等唔切去玩?年尾或年頭不如去一轉澳洲先!公主 郵輪 今明兩年重點發展澳洲航線,行程方面我就鍾情近年大熱的塔斯曼尼亞,由悉尼出發,除途經美食之都墨爾本,更會到菲欣納國家公園觀光,全球最美白沙灘之一酒杯灣,水質清澈如玻璃的大蠔灣,當地海鮮美食都享負盛名,真係諗起都流口水!

13日「郵」盡紐西蘭

7日唔夠喉要玩到盡?呢個玩足13日的紐西蘭之旅就啱晒!紐西蘭出名山明水秀,自然風景隨便點影都靚,途經威靈頓、奧克蘭等大城市,亦會到著名觀光勝地峽灣國家公園、阿卡羅阿、島嶼灣等多個港口。一家大細梗係揀農曆新年出發,情侶就唔使諗2月去啦,船上度過浪漫情人節,你實識揀!

行程資料
7/8天 塔斯曼尼亞航線 – 來回悉尼
船隻:翡翠公主號或黎明公主號
出發日期:2016年12月12日;2017年1月2#日及29 日+
途經港口:澳洲 – 墨爾本 | 澳洲 (塔斯曼尼亞)- 酒杯灣及大蠔灣、霍巴特、亞瑟港

船票:$9,080起
#此為8天行程,並於墨爾本停留一晚。行程次序或有不同。
+此為7天行程,並以伯尼取代酒杯灣及大蠔彎,及於霍巴特停留一 晚。行程次序或有不同。

13天紐西蘭航線 – 來回悉尼
船隻:翡翠公主號或黎明公主號
出發日期:2016年12月9日 | 2017年1月3日及16日;2月5日及 18日;3月3日及18日
途經港口:紐西蘭 – 峽灣國家公園、但尼丁(伽默港)、阿卡羅阿、威靈頓、納皮爾、陶加蘭、奧克蘭、島嶼灣
船票:$13,328起
以上價錢以雙人房每位計算,已包括政府稅及其他附加費用

訂購按此:https://goo.gl/JoSDtV

公主郵輪
查詢:2952 8086
網頁:www.princess.com

最新吃喝玩樂資訊