【冬奧】日本花式滑冰王子 羽生結弦｜ 10個令人心動的瞬間＋賽後動向
text：Cynthia | photo：官方圖片、Twitter、YouTube 截圖、朝日新聞
超唯美！羽生結弦花式滑冰
今次好多網友都大讚佢無論係外貌、身形，定髮型，都似足漫畫入面嘅男主角，而且有實力、學歷，絕對係王子殿下，一於先睇睇羽生結弦的比賽靚相先啦！
#01 小熊維尼狂迷
好多fans 都知道，羽生結弦係小熊維尼的粉絲，見到維尼就有安心的感覺，出門前會同維尼講「我出發啦！」比完賽仲會同維尼鞠躬！
羽生結弦每次比賽都會帶著小熊維尼紙巾盒入場，但因為今次比賽怕太明顯的卡通角色會有廣告嫌疑，所以無帶到上陣。
ㅤ⠀༊*·˚ #羽生結弦 #YuzuruHanyu ˘³˘ ↳ HES TALKING TO HIS POOH HES PRECIOUS pic.twitter.com/Ya21FXhiTN
— yuzuru softbot ! (@yuzuwus) February 21, 2018
不過羽生結弦比賽之後的訪談就話，其實今次帶的蛋糕紙巾套，原本都係小熊維尼來的，只不過拆咗上面的維尼同小豬，真係超可愛！
#02 超暖師弟控
平昌冬奧的花式滑冰男子組，冠亞軍都由日本奪得，亞軍是羽生結弦的同門師弟宇野昌磨，2009年兩個人同台領獎的時候，羽生已經好照顧師弟，向師弟微笑握手。
而今年又同師弟一齊獲獎，羽生結弦對師弟寵溺地摸頭一幕更被好多網友cap圖，充滿兄弟愛！
最近羽生結弦接受訪問的時候，被問到與宇野昌磨的關係時，羽生更加話宇野「真的好可愛好可愛」，仲話比起弟弟，反而當佢係可愛的小狗，可見兩人的關係真的很好！
二人同場的時候，更加可以見到羽生結弦對師弟的寵溺，幫佢捲手袖、整理獎牌等，係愛啊！
#03 不搶其他運動員鏡
作為媒體爭相採訪的焦點，羽生結弦完全唔會搶曝光率，反而因為師弟要做採訪，寧願低調地在地下爬，唔想干擾採訪，非常貼心。
#04 捐出粉絲送的禮物
自2014年開始，羽生結弦的fans就會好有默契地，每次比賽完後會掟入小熊維尼送畀羽生，而今次冬奧的量更加係前所未有的多，就好似落了一場維尼雨！
羽生結弦會將今次收到過百個小熊維尼，再捐番畀韓國平昌當地嘅兒童福利組織，將fans的愛分享出去！
i dont know who's the bigger winner tonight
yuzuru hanyu or disney pic.twitter.com/rbYpJfanp2
— Linda🍎big fan of traitors (@iCrystalization) February 16, 2018
#05 私下個性超可愛
比賽期間唯美的姿勢迷倒不少人，而私下的個性同樣可愛！日本節目「ゴン中山＆ザキヤマのキリトルTV」，就拍攝了他比賽前會聽One Ok Rock的完全感覺Dreamer放鬆，邊行邊大熱唱的樣子超可愛！
日本多個官方IG上，放上了羽生結弦的相片，都係表情多多動作搞怪！上節目時，更加因爲宇野昌磨坐唔到張凳而笑到停唔到，相信私下都係個開朗又貪玩的男仔！
#06 多次負傷不放棄
對於羽生結弦的成功，好多人都會以「天生選手」去形容，不過其實歷年來經歷了多次受傷，今年參加冬奧前亦曾經因傷消失幾個月，而被外界猜測會退賽，好在最後都成功衛冕。
而最經典的一次負傷比賽，就是2014年的Cup Of China LP，當時頭同下巴都受傷要縫針，就算教練要佢退賽都拒絕，堅持上陣，果然好令人佩服！
#07 自傳版稅全數賑災
來自日本仙台的羽生結弦，曾經經歷了311大地震，而他出版的個人寫真集及自傳，所有版稅都捐給了災民，果然除咗有實力，更加係好有善心！
#08 運動員兼學霸
作為一個出色的運動員，羽生結弦完全可以以體育上的成就入大學，不過佢就係憑自己的努力，成功考到好成績，入到早稻田大學，修報人類情報科學，雖然因學分不夠要延畢，不過佢已經好努力！
#09 《東京喰種》忠實讀者
同好多差唔多年紀的年輕人一樣，羽生結弦都好喜歡睇漫畫，而佢私下更加係《東京喰種》的忠實fans，連作者石田翠，都係Twitter上畫了一張羽生結弦的漫畫肖像！
— 石田スイ (@sotonami) February 18, 2018
#10 經常大跳戀舞
雖然羽生結弦一直無公布戀愛生活，不過佢嘅前隊友織田信成，就喺節目中，公開新垣結衣係羽生結弦的理想型，之前更多次被拍到大跳戀舞！
比賽完結 最新動向
比賽完結後，相信好多人都會想知道羽生結弦的動向，編輯部就收集了最新的相關資訊，大家可以緊密follow 一下！
隨即投入練習
朝日新聞近日刊登了羽生結弦比賽後，即投入練習的照片，即使已經贏了比賽，依然不鬆懈！
日媒Nikkansports 呢兩日，就影到羽生結弦在比賽後，為了冬奧表演的練習片段，見到佢一完比賽就非常放鬆，同其他選手玩得好開心，期待佢之後的演出！
日本郵局 推出紀念郵票
為了紀念羽生結弦及宇野昌磨兩位運動員獲獎，日本郵局特別推出紀念郵票，據日本朝日新聞的採訪報道，2月19日出售當天，有大量日本民眾排隊搶購，有日本人更加排足3個鐘，為的就是可以買到郵票收藏！
郵票的售價是一套¥1,400，由今日起至3月31日，都可以在網上(www.shop.post.japanpost.jp/shop/g/gKT22238/)購買，有興趣想收藏的話，記得唔好錯過啦！
多本雜誌封面 粉絲必收藏！
向來都是日本媒體寵兒的羽生結弦，一贏到比賽就成為唔少雜誌封面，fans 身在日本的話，不妨買一本珍藏！
「AERA増刊 羽生結弦～連覇の原動力～」（定価980円）できあがりました！
明日から店頭に並びます。ぜひご覧ください。 pic.twitter.com/c3BEhralfd— AERA (@AERAnetjp) February 21, 2018
日本仙台 將舉行遊街
早於2014年的時候，仙台市已為羽生結弦的獲獎，舉行遊街活動，當時已經有大約9萬人參加。而今次同樣會舉行遊街活動，不過時間就未定，想親眼見到冰王子，不妨留意一下！
