旅行 Apps
旅行 Apps

旅遊記者心水推介!4 大旅行好用 Google Apps

旅遊

廣告

以前去旅行定必大陣仗,刨旅行書、印地圖、度行程⋯⋯邊似依家說走就走?手機養懶人,單是Google Map已經夠令人依賴!今次集齊幾個旅行會用到的 Google Apps ,由旅遊記者實試狠評,有讚有彈,唔睇走寶!

文 : 字旅航間

01|Snapseed執相快過Photoshop?

Snapseed是較少人知道的Google推出的修圖App,細緻程度可媲美Photoshop!

有分工具和濾鏡兩個層面,當中局部執相的功能最為強大,輕易可以將主體從背景勾出,再調校亮度、對比或飽和度等,操作簡單,用手機都可補救背光死症!

除了基本的微調旋轉外,更有水平及垂直變形,相片四角會自動填補。而濾鏡偏向電影感,最後加用暈影、結構和銳利等多重步驟,手機絕可調出相機質感!

旅行 Apps

即睇效果圖:

旅行 Apps

竅門:用局部功能,一點就可以分割主體及背景,超簡單!之後再調校光度,亦可以推強顏色飽和等等。

IMG_7707

02|Google地圖功能 Call埋Uber

無論在日韓台泰、歐洲還是澳洲,Google的公共交通網絡都很齊全,而且會按實時的行車班次,邊條街塞都有通知,定出最快捷的路線。

不過缺點是巴士上車站的位置不準確,乘地鐵的話又不會列明最近的出口。

因此,好多人都寧願特地下載當地的交通App,如地鐵亂如蜘蛛網般的東京,必用「乘換Navitime」,列車出發和到著時間、轉車月台都一目了然。

但Google Map值得一讚的是,上年3月起整合了其他Call車App(包括Uber、曼谷的Grab、英國的Hailo等),車輛等待時間和預算車資都有顯示,比逐個App去格價方便得多!

旅行 Apps

03|Google Trips越嚟越好用!

初期推出的Google Trips,雖然是主打整理旅行雜項,但試用過後覺得實用性稍遜,只能夠一次過從電郵自動匯入酒店和機票資料,雖有TripAdvisor的景點和餐廳介紹,但勁少人寫評分。

但近來 Google Trips 更新越嚟越多,可以直接在 App 內搜尋附近景點計劃行程,唔怕即時諗唔到景點!而且可以用嚟紀錄整段行程,過後可以睇返當時去旅行的回憶。

旅行 Apps Google Trips 除了可以入機票、酒店,仲可以搵附近景點。
Google Trips 除了可以入機票、酒店,仲可以搵附近景點。

04|Google Translate離線翻譯 唔嘥數據?

每次去日本和韓國點菜都好頭痛,滿頁都是看不懂的外星文。相信大家都有善用Google的翻譯功能,但似我長用日文和韓文翻譯的話,不妨預先下載字庫,不用數據都查到解釋!

若果遇著泰文、法文、西班牙文等語言,Google提供即時翻譯,連拍照功夫都慳返,高舉手機,畫面便會出現原本的影像及已翻譯的文字,查找路牌省時快捷。

最新吃喝玩樂資訊