一Pass任玩新加坡 17個人氣景點即睇回本攻略@TRAVEL佳

Feb 13 2017

(Presented by 新航假期)

2017年短線遊，阿佳今次有星級推介！聽聞唔少朋友都鍾意間中請日假連住個weekend，飛新加坡嚟個三日兩夜短線遊，鍾意佢有唔同種類嘅特色景點，同埋超多勁正嘅地道美食，同朋友或者一家大細去都咁啱玩。最近，喺電視劇《一屋老友記》入面飾演三寶嘅張穎康就帶埋老婆Angie同囡囡小豆去獅城玩咗轉，佢同阿佳推介咗個超抵嘅旅遊pass，話唔駛$500就可以喺24小時內任玩近乎所有獅城景點，好似新加坡環球影城、Gardens by the Bay、新加坡動物園等，仲連餐飲券、免費交通同手機預付卡，齋聽已經覺得好抵玩，睇埋張穎康醒你嘅回本攻略，我諗你會想即刻同老闆攞假！

$499一Pass通行

講到咁抵玩嘅呢個Pass，就係新航假期獨家嘅新加坡旅遊Pass「獅城全景通」，由新加坡航空同新加坡旅遊局聯手推出，分24小時內有效嘅一日票（成人 HK$499、小童 HK$268）同48小時內有效嘅兩日票（成人 HK$939、小童 HK$528），只要買任何新航假期套票就可以用以上價錢加購，憑Pass可以任玩獅城近乎所有景點，包括新加坡環球影城、新加坡摩天觀景輪、Gardens by the Bay、聖淘沙魚尾獅塔、新加坡夜間野生動物園等，仲可以換到餐飲券、免費任搭行駛主要旅遊點嘅「新航隨意行巴士」，同包一張M1手機預付卡（憑卡可以買上網數據），個Pass總值超過HK$2,430！張穎康話，如果用一日票計，基本去兩至三個景點已經回到本，不過佢咁醒，就梗係諗計玩到盡啦，睇下佢點玩法先！

一日票玩2日

一Pass在手，點可以玩到盡？張穎康話第一招係時間掌握，以一日票為例，生效期係24小時，但就無限制你要同一日用完，所以佢就諗到第一日中午後先開始用個Pass，咁第二日朝早仲可以去多一、兩個景點，變相一日票可以玩2日！

新加坡親子行程推介

佢哋第一站先去牛車水美食街換餐飲券，醫一醫肚，跟住就坐「新航隨意行巴士」出發去唔同景點，沿途可以吹下風，睇下城市風光，都幾爽架！張穎康建議趁日間可以去啲有靚景嘅景點，好似坐新加坡遊船、新加坡摩天觀景輪、河川生態園、新加坡環球影城、裕廊飛禽公園、Gardens by the Bay等，藍天白雲下影多啲靚相，喺Gardens by the Bay留到入夜，仲可以睇埋好科幻嘅燈光特效表演；晚飯後可以去愛來魔相藝術館影3D fake art或者上新加坡摩天觀景輪睇夜景，再去地道馳名文東記歎個海南雞飯宵夜，大滿足呀！第二日中午前，仲可以坐新加坡纜車或者去新加坡動物園，玩足咁多景點，計一計，最多可以慳到7成旅費㗎！