空姐
空姐

搭飛機 ~ 遇危難,請相信「 空姐 」!!!! @ 杜遊珍

旅遊

廣告

阿珍對喪屍片無乜興趣,但近排湯漢斯嘅《薩利機長》就即刻睇咗, 空姐 姊妹話飛機急降緊急著陸咁大吉利是唔多老黎,希望飛機上唔會播,不過阿珍行走江湖咁耐以來,幸好都無遇過咩咩九霄驚魂、飛機引擎脫落、飛機爆胎、機翼撞車等嚴重事故,托賴有一班專業機師之外,空姐其實都好緊要。

撰文及圖片 : 杜遊珍

咪以為空服員在航班上只照顧乘客三餐一宿同埋廁所壞咗嘅排泄物流管理,佢哋嘅專業訓練仲包括遇上危急情況時如何指示乘客逃生,training 包括如何人手打開逃生門、點樣在危急關頭動真氣丹田叫乘客做抱頭brace position,瀡逃生梯更要指示乘客咪亂衝以免撞埋一堆阻延黃金時間,絕對唔係你睇safety video 入面笑住口著救生衣咁簡單!

請相信「 空姐 」珍人示範 機艙逃生

阿珍Touch wood 飛行紀錄良好,仲有幸參觀過Aeroflot同維珍嘅教學總部,試過一啲逃生教學,唔係講笑,堅專業!

1. 保持冷靜

逃生時機艙可以好黑暗、煙霧瀰漫,我都知好難calm down,但一定要聽空姐指示,咪掛住影相啦!

2. 聽候指示

緊急著陸後唔係即刻可以疏散,空姐會先了解外面情況先打開逃生門,記住唔好帶手提行李走!

3. 瀡梯要直

一個跟一個抱胸跳出去,速度好快,記住身體要直,著地時就可以保持平衡立即遠離滑梯畀下一位乘客逃走。