釜山
釜山

【掃街王】香脆巨人炸雞+街頭小食! 韓妹帶路掃食 釜山 4大美食

旅遊

廣告

掃街王今次衝出香港,帶大家去韓國釜山掃街!釜山相對首爾就無咁多地方血拼購物,不過美食就絕對唔會輸比首爾。記者Katie今次仲有韓國女孩帶路,去到南浦洞食巨人炸雞、芥末豬腳、辣炒年糕和黑糖餅。每款美食大份又唔貴,即刻同大家掃食韓國釜山4大美食。

 

1. 釜山 三大炸雞之一!巨人炸雞

有釜山三大炸雞之一之稱的巨人炸雞,叫得巨人炸雞,份量一定有返咁上下。店內用的雞肉是1.3kg的巨型國產雞,炸好一碟都有成30幾件雞,份量十足!雞肉是自家調味醃製,再以280度高溫將雞肉油炸兩次,令雞件外脆內嫩。店內有兩款炸雞,原味(16000won)(約106港元)和調味(17000won)(約113港元),大家亦可選擇叫晒兩款,每款要一半(17000won)(約113港元)。記者當日就選了原味配調味,每碟都有大約30件,3-4人食絕對無問題。

調味炸雞

調味炸雞,以特製醬汁調味,酸甜中帶點辣,雞皮脆口,多肉無咩骨,會不自覺地食好多件。

釜山 調味炸雞
調味炸雞

原味炸雞

原味炸雞用了咖喱粉和油炸粉落油炸,聞落好香咖喱味。雖然望落有點乾身,但食落外脆內嫩。

釜山 原味炸雞
原味炸雞

雞件份量都不少,3-4人食絕對不是問題。

釜山 掃街王 巨人炸雞

記者當日只係等位都等了大約一小時,不過又唔係好多人等位,只係店內食客一般都坐得比較耐,而呢度又唔會限時你食幾耐,所以想食就要喺出面坐陣等下先。等候期間,可以望望門口出面會有三大盤油,以280度高溫將雞肉油炸兩次,將雞件炸至外脆內嫩。

釜山 掃街王 巨人炸雞

釜山 掃街王 巨人炸雞

巨人炸雞 거인통닭
地址:釜山廣域市中區富平洞2街11-2(顯示地圖
營業時間:星期一至六:12:00-22:00;星期日休息
電話:051-246-6079
交通:地鐵札嘎其站(Jagalchi)3號出口

2. 芥末汁惹味不嗆鼻!元祖釜山豬腳

釜山除了豬肉湯飯、海鮮等,涼爽豬腳也很有名。位於南浦洞的一條豬腳街,入面的元祖釜山豬腳,所賣的豬腳爽口之餘,重點是他們特製的芥末汁,微辣而不嗆鼻,用生菜或者紫蘇葉包埋海蜇、青瓜絲等配料,味道清新不油膩,好好味!加上開到好夜,宵夜來食也不錯。

釜山 芥末豬腳(大)40000won
芥末豬腳(大)40000won(約265港元),4人食用份量適中。
釜山 沾了秘製芥末汁的豬腳,肉質爽口有彈性,味道微辣而不嗆,好好味!
沾了秘製芥末汁的豬腳,肉質爽口有彈性,味道微辣而不嗆,清新又不油膩,好味!
釜山 可以生菜或者紫蘇葉,包埋海蜇、青瓜絲、泡菜等,加埋芥末豬腳一齊食。紫蘇葉微微的香料味,令豬腳味道變得幾特別,清新而不油膩。
可以生菜或者紫蘇葉,包埋海蜇、青瓜絲、泡菜等,加埋芥末豬腳一齊食。紫蘇葉微微的香料味,令豬腳味道變得幾特別,清新而不油膩。
釜山 配菜方面有冷麵,可用來拌豬腳。
配菜方面有冷麵,可用來拌豬腳。
釜山 所有配菜都可以任添。
所有配菜都可以任添。
釜山 豬腳有四個份量,小份30000won;中份35000won;大份40000won;特大份50000won
豬腳有四個份量,小份30000won;中份35000won;大份40000won;特大份50000won(約199-332港元)

釜山 掃街王 元祖豬腳

釜山 掃街王 元祖豬腳

元祖釜山豬腳부산족발
地址:釜山中區富平洞1街35-5(顯示地圖
營業時間:星期一至日:09:00-02:00
電話:051-245-5359
交通:地鐵札嘎其站(Jagalchi)7號出口

3. 超煙韌辣炒年糕!李家辣炒年糕

這間辣炒年糕店,排隊人數係圍住間舖繞了一圈。多人排隊的原因,就是要試試他們的辣炒年糕。這年糕的辣椒醬蒜味濃郁,唔會好辣,惹味為主。口感方面,相對上海年糕會硬身少少,但好煙韌彈牙。除了年糕,還有炸物、熱狗和魚糕串。

釜山 掃街王 李家辣炒年糕

釜山 辣炒年糕 3000won/5條。店員會將年糕剪到好似手指公咁大。
辣炒年糕 3000won/5條(約20港元)。店員會將年糕剪到好似手指公咁大。
釜山 熱狗 1000won。
熱狗 1000won。(約7港元)

釜山 掃街王 李家辣炒年糕

李家辣炒年糕
地址:釜山中區富平洞1街40(顯示地圖
營業時間:星期一至日:11:00-18:00
電話:051-245-0413
交通:地鐵札嘎其站(Jagalchi)3號出口

4. 街頭人氣甜甜小食!元祖黑糖餅

食完年糕,出返去BIFF廣場,個度有唔少小食檔,其中黑糖餅真係要試下。麵團以砂糖、花生、肉桂粉製作,再加黑糖,放在鐵板上煎,煎到金黃色之後,店員會將糖餅剪開,加入葵花籽、花生粉和果仁。暖呼呼的餅,外層鬆脆,吃起來甜甜的,而且葵花籽和果仁好有咬口,逛街逛累了吃一口真的不錯。

釜山 黑糖餅 1200won
黑糖餅 1200won(約8港元)
釜山 入面有葵花籽、花生粉和果仁。
入面有葵花籽、花生粉和果仁。
釜山 店員會將糖餅剪開,加入葵花籽、花生粉和果仁。
店員會將糖餅剪開,加入葵花籽、花生粉和果仁。
釜山 其實附近幾檔都有黑糖餅,而這家真的好多人排隊。
整個街頭都有不少小食檔,而賣黑糖餅的就是那黃色燈箱的那一家。

元祖黑糖餅
地址:釜山中區BIFF廣場(顯示地圖
交通:地鐵南浦站(Nampodong)1號出口

特別鳴謝,兩位韓國女孩,Seungmin和Rachel帶我和朋友掃食釜山美食!감사합니다~

釜山 掃街王 韓國

想知更多吃喝玩樂資訊,快啲Like Katietong Facebook啦!

KATIETONG

最新吃喝玩樂資訊