廉航 加飛曼谷 暑假搶住新酒店 【曼谷】

好消息！HK Express 將於7月20日推出飛曼谷的新航線，日後又多個平價選擇！每天一班，單程票價 $520起，連稅來回約 HK$1,500，暑假價錢比另一 廉航 AirAsia 平10-20%，而香港航空亦剛推出了曼谷特價機票，計過兩者票價相若，但HK Express不時有劈價，趁平才入手都未遲。要是有心想去，更可試住 Amara 曼谷呢間新酒店，屬新加坡同名的5 星酒店集團，於4月才試業，地點較近 Silom 和 China Town。酒店共有 250間客房，以簡約型格設計，標榜以泰國新銳藝術家作品裝飾。值得期待的是酒店設有6間 Cabana 客房，可獨家享用兩個室外 Jacuzzi，預計第三季啟用。試業期間，於6月30日前入住，每房 THB2,588/HK$597起，暑假入住，每房也只是THB3,188 /HK$735起，除了包早餐外，更包洗衣及一日 mini bar 服務，幾抵玩。