年度公審 我的麻煩旅伴調查報告

旅遊

廣告

新一年,又是計劃旅程的好時機。

有心出走的話,旅費亦豐儉由人,但誰是同行者一定是世上最難的抉擇!正所謂「相見好、同住難」,十問九個旅人總能分享到一次半次「我錯判、我恐懼」的災難旅程。今次擔演插畫師的謝曬皮亦話揀錯旅伴確係大鑊,輕則全程黑面鬧交反晒眼,嚴重者分手絕交都有知!為免大家中伏,現在就將麻煩旅伴的公審結果逐!項!數!再由我這個與各式人腳頻頻出差的旅遊記者,醒你幾招對策!

 

Illustration: 謝曬皮

*資料來源:由《新假期》主辦的「第14屆最佳旅行社」選舉將於本周公布結果,同場亦會公布「2014旅遊調查報告」。為更深入了解香港人和旅伴的行為習慣,我們於10月27日至11月16日期間進行「我的麻煩旅伴」問卷調查,最終超過4千人透過網絡完成訪問。

Q1:你旅行嘅經驗當中,有冇遇過好難頂嘅旅伴?

 

記者點評:咪噓住!結果都幾近五五波!不管你幾醒,未遇上好難頂旅伴,但相信麻煩旅伴事例梗有遇過一打半打,睇埋落去,有你著數!

Q2:以下邊項會係你最經常與旅伴爭執嘅問題?

記者點評:無他,就算是與極了解自己的好友同行,行程上一定會有意見分歧之時,唔肯遷就都幾弊!計我話,不妨大膽試試搵日分開玩,各自如願之餘,人都獨立啲!

Q3:你最討厭以下邊類型旅伴?

公主/王子病型 42%
記者點評:好的旅伴當然是有福同享,有行李便一齊搬,但要是宿命安排你遇著公主/王子病旅伴,選擇忍氣吞聲的話,將會慘成奴隸,由事前安排、粗重搬運、挽袋挽鞋、搵路找方向都會由你包辦,一切都是「老奉」的。每天去邊食乜玩什麼?攪錯!仲未諗好? 除非你心愛呢種人,否則唔鬧唔得!

渴睡型 20%
記者點評:懶洋洋唔係罪,歎Resort就話,若然要趕行程地一周橫跨幾國、或去吳哥、緬甸等地睇人生必看的日出,旅伴賴床至日落,或每日例遲令精密行程瓦解,都咪話唔嬲!如遇上渴睡者,我寧願事前貼心講明遲到唔緊要,會先行,但歡迎他/她睡醒後再約你。

冷淡型 19%
記者點評:無論當地有咩新玩意、新地標、新食法,遇著巴閉旅伴率先在網上睇過片和相,結果冷淡型旅伴做乜都會反高潮叫悶、催你走,唔想無癮?接受呢種去到邊都反應一般的人吧,自得其樂更好,安排對方幫你影相問路,比佢叻晒囉!

喪買型 11%
記者點評:遇上購物狂,說好的豐富行程都無故消失,都算!同行的你陪買時還要俾意見已夠累,更隨時因此買到晚飯都忘了而餓親,慘!來到東京、大阪等outlet重鎮就更易中伏!唔想陪買,還是分開玩比較好,約食飯時間見咪算!

自戀型 8%
記者點評:遇上自戀型旅伴,全輯相肯定是大頭照,無差別到以為全都在香港拍,亦唔駛旨意忙碌的他/她幫你旅途照!想改善情況,帶備自拍神棍吧,起碼wide啲,點都會影到同行的你同個景,當地人亦勁LIKE呢種合照!

Q4:最討厭旅伴係旅行期間做啲咩?

A. 無時間觀念,以致送車尾甚至送機尾 46%
B. 飲醉酒,仲要你抬佢返酒店 13%
C. 做出失禮行為(如:犯其他國家嘅禁忌、亂講說話),令場面尷尬 33%
D. 買咩嘢都要講價 8%

記者點評:無奈又無奈,遇上唔睇鐘的旅伴,為免爆血管,最好你自己都放棄趕忙,是但啦,算數啦,乜都變得無所謂!

下頁續:下一版嘅麻煩旅伴特徵,真係仲精彩!

Q5:你最怕你嘅旅伴有以下邊樣怪癖?

A. 扯鼻鼾 38%
B. 夢遊 21%
C. 裸睡 12%
D. 唔沖涼 29%

Q6:如果旅伴同你嗌交,你會點處理?

A. 主動求和,避免影響旅遊心情 44%
B. 繼續行程,但同對方零溝通,全日面阻阻 20%
C. 協議分開行程,大家冷靜下 30%
D. 拒絕讓步,一走了之……全日玩失蹤 6%

Q7:你覺得避免同旅伴爭執嘅最佳方法係?

A. 約法三章,事先講明自己嘅規矩 24%
B. 保留一定嘅自由時間俾自己同旅伴分開行 24%
C. 互相忍讓 42%
D. 自己一個人去旅行 10%

Q8:最完美嘅旅伴人數係幾多?

A. 1人 27%
B. 3人 40%

C. 5人 14%
D. 5人或以上 11%
E. 自己一個人去 8%

Q9:你會選擇以下邊種朋友作為旅伴?

A. 相識多年嘅老友 28%
B. 旅途中認識志同道合嘅朋友 12%
C. 男/女朋友 36%
D. 無特定,最緊要夾到時間 24%

Q10:以下有咩技能係成為好旅伴必須呢?

A. 功夫(好夠安全感呀) 5%
B. 影相(所有相由佢包辦) 17%
C. 自動導航(包保唔會迷路) 29%
D. 行程安排(食咩玩咩完全交俾佢) 41%
E. 擔得抬得(幫手拎野一流) 8%

 

最後,究竟你中咗邊幾隻呢?你嗰個旅伴又有幾難頂呢?又或者呢個調查又有無違漏邊一隻「非典型難頂旅伴」呢?大家不妨喺下面留言板分享下,下次將呢種旅伴踢入調查名單裏面吧!