蕎麥麵
蕎麥麵

富士山咁大座蕎麥麵?! 挑戰成功好感動

旅遊

廣告

日本橫濱市有成座富士山咁高嘅蕎麥麵,名為富士山もり(富士山盛),只售¥500(約HKD$36)!喺香港,$36港紙分分鐘連去茶餐廳食個飯都找唔到數,一係就只可以食到個攝牙罅都唔夠嘅快餐。但偏偏喺日本就有價格平、份量多嘅美食,真係羨慕死香港人!

「味奈登庵」就係售賣呢款巨型蕎麥麵嘅店鋪,接近有47年歷史,於橫濱共有16家分店。店鋪嘅招牌蕎麥麵分別有「普通盛」(約320克)、「大盛」(約550克)、「富士山盛」(約1000克)。

「富士山盛」重量達1kg,只要畀¥500就可以食哂成座山落肚。可能你會諗「有冇咁大隻蛤乸隨街跳?」睇過日本各網民嘅評價,似乎真係無花無假,性價比極高。

 

「富士山盛」以高聳嘅身型壓倒性征服食客嘅胃口,日本網民都讚味道同口感佳。


蕎麥麵仲可以配附設嘅醬油一同享用,賣相唔止驚人,都幾吸引。

#富士山盛り #味奈登庵 #馬車道 DOさん(@doudeshou68)張貼的相片 於 張貼


「富士山盛」當然無成座富士山咁高咁誇張,但外形真係有幾分相似。即使無成座山咁高,都一定夠哂飽。

fuji

 

富士山高海拔3776米,每年都有數萬人攀登富士山,但只有約有一半人能夠登頂成功。挑戰唔到真嘅富士山唔緊要,因為係無奇不有嘅網路世界中,仲有樣嘢叫「富士山盛Challenge」。只要你食得完1kg號「富士山盛」,就等同成功登頂,大家都爭相以最快嘅時間登上富士山頂。立即睇下日本YouTuber如何登峰造極啦!

 

大家咪以為齋食個蕎麥麵好簡單,話晒都成1KG重,今次嘅挑戰者仲要有天掃羅作伴,飽到嘔指數極高。如果大家都想接受富士山盛Challenge,謹記量力而為!睇嚟登頂都唔係話咁易。

登頂 挑戰 富士山盛
食完之後,真係飽到癲咗