古巴
古巴

《在那遙遠的地方‧古巴》洪永城 3次最貼地的經歷

旅遊

廣告

洪永城(Tony)啱啱去完當地拍新一輯《在那遙遠的地方‧古巴》,趕上尾班車,在古巴變天前走返一日轉。雖然Tony升呢做男一,不過他的旅遊方式依然好貼地。今次Tony 繼續走進當地人生活,入住民宿之餘,仲搭埋泥鯭的,實行與當地人零距離溝通。話晒之前在北韓咩都唔講得,今次去到古巴,當然要捉住當地人傾返夠本。

洪永城發現美國已經不再是古巴的禁忌,不少年青人更愛。
洪永城發現美國已經不再是古巴的禁忌,不少年青人更表示喜愛美國。

古巴 泥鯭的情越雙白線

夏灣拿街頭有不少古董老爺車,絕大部分都是的士,舉起相機隨手一拍就有一張靚相。Tony 說:「睇相好復古好浪漫,一到埗見到周街古董車都好興奮,但其實企得耐,就覺得引擎聲好嘈,廢氣又多。不過一場來到古巴,又點可以唔體驗坐吓。單程市區的士索價約港幣$90,見遊客更有機會獅子開大口,記得議價後先上車,當地唔興跳錶計。」但當地人平均收入不高,如果出入想坐的士代步,呢口價都幾肉赤!不過你有張良計,古巴人就有自己一套慳錢搭車法!「想坐泥鯭的(Máquina)要有熟人帶路,因為無特別標誌識別,泥鯭的似小巴有固定路線,沿路隨手截車就得。途中不斷有陌生人上車落車,當中訪問到位女乘客,佢話她正正係坐泥鯭的時認識自己老公。我聽到都好想即刻識個當地靚女,不過遇到的多數係阿叔和大媽!」

古巴 洪永城 13
坐泥鯭的去指定範圍地方,一個人一律約收3元港幣。
古巴 洪永城 14
話明零距離,Tony亦特登抽時間同當地小朋友玩。

古巴 的士 洪永城

古巴 3
洪永成另外也有在當地駕駛老爺車,但佢自己就擔心會整壞人地部車啦
古巴 4
試駛老爺車期間有小意外,懷疑壞車,好在只是虛驚一場

漏水安樂蝸

傳 聞古巴水電供應不穩定,不過Tony 今次入住當地民宿卻沒有遇到呢個問題,「雖然試過沖沖吓涼無熱水,沖涼水仲會漏出廳。不過古巴當地資源唔多,都唔會預算有五星級設施啦!住民宿勝在可以跟 屋主溝通,雖然他們唔識英文,但超好客熱情,每朝會煮埋早餐。黑豆飯、三文治、凍肉日日轉吓款,而且價錢不算貴,一個人一晚30元美金。」

古巴 洪永城 15
屋主親自下廚,炮製古巴家常小菜
古巴 洪永城 16
古巴人平日要利用糧簿,每月領取限額食用品。如果想招呼客人加餐,都可以到肉店和雜物店購買。
古巴 洪永城 17
Airbnb去年加入古巴,現已有超過300間民宿,一晚價錢由20到400美金不等。
古巴 2
洪永城找到了當地的古巴肥媽Maria幫手帶路買菜,好好了解民情。
古巴 1
古巴政府有糧食補助,剛好拍攝當時就沒有意粉供應

老翻愛作戰

別以為古巴好封閉, 其實他們一樣會煲韓劇!Tony說:「古巴唔似北韓,禁止接觸外國文化。我去到一個專賣老翻的商場,好受當地人歡迎,好賣到個老闆由小販做到開舖。外國音樂好似Lady Gaga、Justin Bieber 都有,仲有美劇和韓劇!一套戲港幣2蚊,把檔案放入USB 帶走!不過香港電影選擇唔多,得成龍武打片,我都有推介佢睇《張保仔》!」

古巴 洪永城 19
連《星星》都教授都有!
古巴 洪永城 20
Tony本想搵TVB劇,不過無!
古巴 洪永城 18
夜晚無得上網,去到海邊同當地人開P吹水,飲酒打發時間最好不過。
《在那遙遠的地方·古巴》
播放日期:4月11日起,星期一至五(10:30pm)
頻道:翡翠台
延伸閱讀
每個人心裡都有一pair最佳拍檔 – 黃翠如洪永城
洪永城 膽搏膽入 北韓 (上集)
【12個笑位】當Do姐遇上農夫翠如

最新吃喝玩樂資訊