Upgrade
Upgrade

成功例子! 國泰、港航2大航空公司 搭飛機 Upgrade 大法

旅遊

廣告

搭飛機想 upgrade ,坊間傳聞不外乎着靚少少、早啲去check-in等等,不過最近香港航空同國泰航空都各自推出咗 upgrade promotion,GOtrip編輯部今次仲向兩間航空公司查證,千真萬確,唔好再在Check-in櫃位話自己生日、啱啱結婚去Honeymoon喇!

香港航空:Online check-in隨時獲升等

廚叉(HX)1個月前在facebook出過一個post,話原來乘客只要在港航個APP或者網頁做Online Check-in,就有機會可以免費升級至商務艙!!!

編輯部向香港航空查詢,公關小姐話今次呢個Campaign係千真萬確免費 Upgrade 畀乘客嘅,而且無附帶條件,只要上網做Online check-in就得!雖然不少網民都在facebook留言話港航個網勁難做Online check-in、又只對應部分手機介面,不過3星期前HX再出Post,力證Free upgrade 成功的乘客得獎相片:

公關回應:暑假期間都Upgrade得到!

問返港航公關部,佢哋話最初個 Upgrade 活動預算做到8月8日,但現在並沒有落實幾時完,暑假期間都仲有,而且每日都有幸運兒,而且由只限長途機延伸至台北、曼谷等短途都有機會,想免費坐商務艙,今個暑假搭港航記得做Online check-in喇!

Upgrade 港航App相對網站容易做預辦登機。
港航App相對網站容易做預辦登機。
Upgrade 留意返,港航預辦登機的時間是起飛前48小時至2小時。
留意返,港航預辦登機的時間是起飛前48小時至2小時。

國泰航空:暗盤出價博 Upgrade

因航最近Relaunch多年前曾經推出、畀乘客暗盤出價競投 Upgrade 嘅「智選升級」服務,呢個並唔係免費 Upgrade 嘅辦法,而係要真金白銀畀錢競投,目的當然是填滿啲Premium Econ同商務機位,咁即係意味着免費 Upgrade 呢支歌仔就嚟變成絕響!

港客最愛搲Upgrade,早前地勤員工上電視節目揞名爆了不少趣聞。
港客最愛搲Upgrade,早前地勤員工上電視節目揞名爆了不少趣聞。

暗盤Upgrade係咩玩法?其實呢,Upgrade bid 並唔係新鮮事,不少外國航空公司例如新加坡航空、德國漢莎、加拿大航空等都有,畀乘客出發前以一個心儀又平過直接買Premium Econ/ Business機票嘅價錢,獲得高級的服務,又可以畀航空公司賺多啲,win-win situation嚟嘅!

國泰「智選升級」剛剛再開放畀乘客博 Upgrade 。
國泰「智選升級」剛剛再開放畀乘客博 Upgrade 。

臨出發成功中標! 埋單平足三分一

記得幾年前國泰都有類似暗盤價競投 Upgrade,行家S喺網上訂國泰機票,填信用卡資料畀錢時,彈出一個暗盤競投選項,提示可用$1,000-$3,000 逐程 Upgrade,出發前收到email通知成功,結果埋單$6,000 就可以坐商務來回首爾,平足三分一有多!

Upgrade 國泰去年10月始將Prem Econ同Business機位都放入fanfare平賣,也是平坐商務的辦法。
國泰去年10月始將Prem Econ同Business機位都放入fanfare平賣,也是平坐商務的辦法。

升級航點 包括歐亞中東

咁今次「智選升級」又係點玩法?根據國泰網頁,現時可以出價 Upgrade 嘅航點包括:阿德萊德、阿姆斯特丹、曼谷、布里斯班、宿霧、清邁、芝加哥、科倫坡、峇里、杜拜、加德滿都、羅馬及首爾,日本、台灣都無份!

Upgrade 成功Up上商務客艙,就可以試下呢款國泰Betsy Beer。
成功Up上商務客艙,就可以試下呢款國泰Betsy Beer。

在官網買機票時,又或者買完機票後登入網站,甚或特選乘客會收到電郵邀請,於出發前7日或之前都可以暗盤落標,出價時要連埋信用卡資料,至出發前2天會收到電郵通知是否成功,不成功不收費,成功就會立即過數,順利Upgrade。

競價Upgrade是每航段計,留意要拉勻嚟計唔可落錯Bid貴過正價啊!
競價Upgrade是每航段計,留意要拉勻嚟計唔可落錯Bid貴過正價啊!

落Bid前注意!只能升一級!

記住!Upgrade玩法只限1 level up!即係如果你買經濟,就只可以Bid特選經濟(PEY);如果你買的機票是PEY,先可以暗投商務客位,架機如果無PEY,係可以直上Business Class!但係行李限額、可儲的里數同原本畀錢買的機票等級相同,至於機場Lounge就只有Up上商務的乘客才可享用。

Upgrade 玉衡堂商務貴賓室可供成功Up上商務艙的乘客使用。
玉衡堂商務貴賓室可供成功Up上商務艙的乘客使用。

延伸閱讀:

成功例子! 國泰、港航2大航空公司 搭飛機 Upgrade 大法

延伸閱讀:

成功例子! 國泰、港航2大航空公司 搭飛機 Upgrade 大法

最新吃喝玩樂資訊