的士
的士

台灣紅爆的士! 打住的唱K |台灣|

旅遊

廣告

記者好鍾意唱卡啦OK,去到邊都要唱,前排網上瘋傳一名香港靚女喺台北的士大唱王菲的《容易受傷的女人》,搞到記者都牙癢癢,決定飛到台北,搵返呢架咁特別嘅K 房的士,以保K 后地位。經記者起底,得知呢位台灣司機名為涂清涼,自封「歡樂老爹」,因為太鍾意唱歌,佢個女幫佢响乘客位加設咪高峰、擴音器同電視,而最重要係車上的歌聲亦會同步放送給車外,強迫路人欣賞。當日記者打去預約就OK,涂師傅準時接我之餘,亦有禮問想唱咩,絕對揀咩歌都可以!

開計程車已近20年,12年7月把的士改裝成K 房,估計已有4,000位乘客享用過唱K 服務!
開計程車已近20年,12年7月把的士改裝成K 房,估計已有4,000位乘客享用過唱K 服務!

 

的士 CAP4拷貝
K后記者:「司機好好人,記者普通話不靈光都沒有取笑我,還大讚我人靚聲甜,好開心!
的士 2262_1拷貝
K后記者:「涂師傅唱歌以外的絕技,就係左手揸軚盤,右手揸電話拍片,乘客坐車後都可經Facebook問佢拎返條片!」

 

1512101 香港新假期記者她也來一首小幸運

Posted by 涂清涼 on Friday, 18 December 2015

 

 

的士 涂師傅為人熱情,不時與乘客大玩自拍!
涂師傅為人熱情,不時與乘客大玩自拍!

 

恭喜她! 從台灣紅到大陸!紅回香港 !有香港網友希望 !再看到她的影片 !我再PO一次……

Posted by 涂清涼 on Thursday, 3 December 2015

 

 

不過揀歌系統相當「人肉」,只係用手機上網搵MV,再即時駁線過電視播,即可唱得!拎起有線咪,試唱Hebe 嘅《小幸運》音響都幾環迴立體,仲有LED 閃燈!惟接駁手機同電視嘅電線經常鬆脫,有窒機情況發生。司機有追加服務,會一邊單手揸車,一邊用手機幫客人拍片(其實幾危險),再秒速上載到佢臉書!如 果知你係單身,仲會公開幫你招親,服務好貼心!最緊要係,呢項唱K 服務完全免費,只需付相應車資即可,最啱坐去桃園機場嗰程,一個鐘車程想唱幾多首都OK!除非太難聽啦,涂師傅就試過有個客唱到五音不全,唱完一首歌後即 沒收咪,叫佢轉台睇戲!好彩記者都成功唱到2首歌,證明我唱功都未太差!

的士 唔唱K,都仲有大把選擇,睇波睇電影都得!
唔唱K,都仲有大把選擇,睇波睇電影都得!
的士 司機不時力Sell 呢枝咪, 話台灣歌手動力火車都用過。
司機不時力Sell 呢枝咪,話台灣歌手動力火車都用過。

最新吃喝玩樂資訊