Protected: 4大北上文青新蒲點｜江邊吹海風歎手工咖啡＋打卡古街復古美景！

Q: 有到日本旅遊前要了解的實用資料嗎？

日本是香港人最愛的兩大旅遊地點，去旅行前必看 5大旅遊保險保障新冠肺炎的比較 ，另外為你推介 日本10大好用電話卡 ，亦可參考 日本8大Wifi蛋推介 。當然亦要事先了解 日本地區天氣、電壓、電源插頭、入境簽證要求及大使館電話 。

Q: 日本已開放自由行，有最新的旅遊景點推介嗎？

想要行程推薦的可以參考以下資訊： 大阪自由行攻略 、 富士山28大景點 、 福岡自由行懶人包 及 東京自駕遊路線 。

北上文青新蒲點｜淨係北上飲飲食食太悶？記者為你精選4大新蒲點，帶你走進文青世界～由舊倉庫變身嘅河畔藝術區、到融合嶺南風情嘅文創街。無論係打卡、睇展、飲咖啡定感受文藝氣息，都一定有你心水！ 4大北上文青新蒲點｜江邊吹海風歎手工咖啡＋打卡古街復古美景！ AlipayHK北上旅遊優惠 -日日搶高達$160旅遊禮券，於所有旅遊平台買高鐵、酒店、門票等用AlipayHK支付即享！按此 北上文青新蒲點｜1. 廣州太古倉 廣州太古倉原本係珠江邊嘅舊貨倉，經過活化之後，變成集餐飲、藝術展覽、手作市集同音樂表演於一身嘅創意碼頭。最大賣點係沿江而建嘅長廊步道，黃昏時分可以一邊歎咖啡一邊吹海風，睇住夕陽染紅江面。假日仲會有獨立樂隊表演同藝術裝置展，充滿文藝氛圍。 唔少情侶會揀喺江邊餐廳食晚飯，配埋珠江夜景超浪漫；文青朋友則可以慢慢行晒啲畫廊、古着店同設計小店，搵到好多特別嘅手作好物。夜晚燈光亮起，舊倉庫外牆映照落水面，影相打卡效果滿分！ 北上文青新蒲點｜2. 廣州永慶坊 AlipayHK北上旅遊優惠 -日日搶高達$160旅遊禮券，於所有旅遊平台買高鐵、酒店、門票等用AlipayHK支付即享！按此 永慶坊位於廣州荔灣區，是一條將嶺南傳統建築與現代文創完美融合嘅老街。街區保留咗青磚灰瓦、騎樓長廊同石板路，配上各式咖啡店、設計品牌店同藝術展覽空間，行落去好似穿越時光隧道。 除咗打卡文創小店，仲可以順道參觀李小龍故居，感受一代武術巨星嘅成長故事；去月亮橋欣賞典雅嘅嶺南水鄉景致；再入粵劇藝術博物館睇下廣東戲曲文化嘅珍貴展品，絕對令你行得有料到。 鍾意影相嘅人一定會愛上呢度，每個轉角都有驚喜：牆上彩繪、窗邊手作、掛在騎樓嘅燈籠，都充滿故事感～復古感瞬間加倍！ 北上文青新蒲點｜3. 珠海富華里 珠海富華里係集時尚、文創、藝術展覽同餐飲於一體嘅高顏值商圈，外觀設計靈感源自歐陸小鎮，色彩繽紛嘅外牆加上異國拱門長廊，隨便行都好似去咗歐洲旅行。 商圈內有好多主題咖啡館同小眾設計品牌，手作皮具店、香氛工作室、藝術畫廊應有盡有，啱晒鍾意慢逛嘅文青。中庭廣場不定期舉辦藝術市集同音樂演出，氣氛輕鬆自在。夜晚亮燈後，整個富華里搖身一變成浪漫小鎮，非常適合情侶約會或者同閨蜜影OOTD！ 北上文青新蒲點｜4. 深圳華僑城創意園 華僑城創意園（OCT-LOFT）由舊工業廠房改造而成，被譽為深圳最有靈魂嘅文藝區。園區遍佈藝術展館、攝影工作室、黑膠唱片店同獨立咖啡館，一年四季都有音樂節、攝影展同創意市集，文藝氣息濃厚。 保留咗工業風嘅紅磚牆、鐵窗框，加上色彩鮮艷嘅塗鴉牆，隨便一拍就好有雜誌感。你可以揀喺露天咖啡座曬太陽飲杯手沖，或者慢慢探索各間特色小店，感受本地藝術家嘅創作能量。夜晚燈光映照下，園區又變得浪漫悠閒，適合行到唔捨得走。

Protected: 4大北上文青新蒲點｜江邊吹海風歎手工咖啡＋打卡古街復古美景！

人氣搜尋文章

最Hot飲食情報