進擊的巨人
進擊的巨人

全面淪陷! 進擊的巨人 新展率先睇【大阪】

旅遊

廣告

《 進擊的巨人 》電影仲未落畫,唔理演員太老、角色還原度唔高、CG 太假等等的劣評,《進擊2 》已經排住隊今周六(19/9)港、日同步上映!在巨人未殺入香港之前,大阪上周率先宣布淪陷,所講的是上星期移師大阪Grand Front 舉行的 巨人 展!

乘電影攻勢,大阪站 巨人 展攻勢超猛烈,仲全方位入侵當地人生活。 巨人 除了在梅田、難波街頭出沒,連地標大阪城都搵到 巨人 腳印蹤跡,最估唔到連JR 廁所都唔放過!在車站設立期間限定主題廁所,搞到「人心惶惶」,連辦大事都要忙住影相打卡!其實繼東京、大分之後,今次是日本巡展的第三站,除了keep 住有1:1超大型 巨人 模型打卡位,仲有作者原稿展覽和360o 體感影院等。展方亦特別搞搞新意思,增設 巨人 cafe ,可以柯打艾倫、兵長等角色的主題美食,在之前的 巨人 展都無㗎,只此一家!

進擊的巨人 大阪 進擊的 巨人 展 10
男、女主角本周二(15/9)到港出席全球首映禮,勢必掀起新一波「 巨人 熱」。

原畫露出 道具任摸

大阪的 巨人 展內容改動不大,keep 住1:1超大 巨人 模型,等粉絲可以影相打卡;場內仲有兩間體感影院,以及大量《 巨人 》原稿和角色道具展出,絕對是《 巨人 》粉絲的朝聖地!

進擊的巨人 大阪 進擊的 巨人 展 07
場內仲有不少漫畫出現過的道具,兵長長刀任你摸!
進擊的巨人 大阪 進擊的 巨人 展 06
大量《 巨人 》原畫、原稿,當中仲有未出場新角色劇透!
進擊的巨人 大阪 進擊的 巨人 展 08
1:1超大型 巨人 模型依然咁鬼嚇人。
進擊的巨人 大阪 進擊的 巨人 展 09
經典的《 巨人 》場面一一活現眼前。

café拎限定杯墊

巨人 展今次搞埋美食噱頭,跟會場1樓「CAFELab. 」合作推出全新限定《 巨人 》餐單。雖然呢,睇唔出這幾道菜除了菜名和 巨人 有什麼關聯,但作為漫畫死忠,要儲齊大阪限定送出的6款杯墊,都係乖乖科水啦!

進擊的巨人 大阪 進擊的 巨人 展 05
兵長至like 薄荷茶 ¥680/HK$44
進擊的巨人 大阪 進擊的 巨人 展 04
巨人 咖喱煙肉薯仔飯 ¥2,980/HK$190

野生 巨人 出沒!

要爭風頭,連 巨人 都要密密發動進攻,在大阪市內周圍都貼滿不同地區主題的 巨人 海報;又跟JR 大阪環狀線合作,進擊他們的廁所,實行要無孔不入滲入宣傳,引到一班人類爭住「自投羅網」!

進擊的巨人 大阪 進擊的 巨人 展 02
JR 5個站的洗手間都有 巨人 出現。
進擊的巨人 大阪 進擊的 巨人 展 01
3米高的「超靚仔」 巨人 在大阪出巡,搞到成班路人爭住畀佢食!
進擊的巨人 大阪 進擊的 巨人 展 03
月初大阪城發現野生 巨人 腳印,不過日前已經消失。

進擊の巨人展WALL OSAKA @Grand Front Osaka北館
日期:即日至10月18日
地址:大阪市北區大深町3-1(顯示地圖
門票:成人¥2,000/HK$129,小學生¥1,000/HK$65
開放時間: 11am-7pm(星期一至五)、10am-8pm(星期六、日及公眾假期)
CAFE Lab.營業時間:8am-11pm(每日)
前往方法:JR大阪站步行2分鐘
網址:mbs.jp/kyojinten_osaka

 

延伸閱讀:
環球 哈囉喂 回歸 簽生死狀先有得玩!【大阪】
8月開幕!潮遊 京都 新店 歎富士山水刨冰【 京都 】