【旅遊危機】去旅行都要心慌慌…酒店房門免匙卡2秒即打開

撰文：Evita | 圖片：YouTube截圖

酒店房門免匙卡2秒即打開

去旅行最怕唔安全，特別身在異地，畀人偷財物就真係會嚇到心慌慌。近日一名來自美國華盛頓嘅律師就喺YouTube上傳一條片，指新年期間同妻子入住嘅酒店極之唔安全，原因係唔使用房門匙卡就可以輕鬆打開房門！

如果住到間房咁易畀人「爆門」，真係咪話唔得人驚！大家下次去旅行入住酒店或旅館時，記得都要Check清楚房門！

住酒店防偷拍 10招

想住酒店住得安心，唔想自己嘅一舉一動都被監視，就要睇睇以下10式，每次去旅行住酒店，都要check邊啲地方，同埋要點樣保護自己啦！

#01煙霧感應器最高危

煙霧感應器位於天花板，通常住客不會留意，加上中間一般是暗黑的設計，好多人都掉以輕心。但感應器中間的陰暗空隙，正正就是最適合安裝針孔鏡頭的位置，最要小心！

#02 天花板要檢查清楚

好多人去旅行，都會漏咗抬頭check天花板，除了煙霧器，天花板上的燈位、感應器、透風口等，都是高危位置，千萬唔好因為太高而懶得檢查！

#03 燈掣、叉電位要留意

唔少燈掣、叉電位都是安裝在床邊或對正床頭，位置十分適合偷拍住客，電掣的空隙處，都是收藏勁細針孔鏡頭的好地方。

#04 牆角、空隙位置

牆角、櫃與牆壁之間的空隙地方，同樣很容易被忽略，最好在開燈檢查一下角落等的陰暗地方，以免中招。

#05 圓形Logo望真啲

另外一個無咩人會注意到的地方，就是有圓形Logo的設備，例如英文的「O」等，因為犯人會利用圓形的字形作掩飾，用來收藏鏡頭，千萬要小心！

#06 電視都好危險

中山的案例，就是在電視位置發現了偷拍鏡！唔想換件衫都會畀人裝，記得望真啲電視上的掣位、喇叭位啦！

#07 防盜眼好易漏

大門上的貓眼位，可以隨時睇住出面有無奇怪人，但都係放針孔鏡的好地方，唔想畀人24小時望住，記得唔好check 漏！

#08 檢查鏡面

去旅行一定會花好多時間照鏡，鏡面睇落正正常常，可能都隱藏陷阱，其實是一塊雙面鏡！最簡單的檢查方法是把手貼在鏡面，看看手與鏡之間是否存在距離，有的話就不用擔心，但如果手與鏡面影像完全緊貼，就好可能是雙面鏡了！

#09 關燈檢查奇怪光源

市面一般的針孔攝影機在錄影的時候，都會發出奇怪的紅光或綠光，建議可以將房間的燈全部關掉，留心查看四周是否有奇怪的光線來源，即有可能是被偷錄中！

#10 瞓覺最好關晒燈

好多人瞓覺都會怕黑而開床頭燈，但如果真係不幸入住了被裝攝錄器的酒店，就會提供了充足的光線被偷拍！因此夜晚最好都係關晒燈，就算被偷拍都會漆黑一片，咩都影唔到。

網民分享 酒店防盜法！

早前亦有網友分享過「最強自製酒店防盜鎖」，而材料只需要一個衣架和一張有椅背的椅子！

原理是外面推門，衣架會同時推動門的上扣，並緊緊扣實門的下手柄，估計伸腳要重達 50lbs，才可把門踢開。至於椅背要 45 度斜放在門下方，對方表示只有 SWAT team 才可衝入來！這個感覺超級安全，又不用帶多樣物件在行李裡面呢！

網友：膠杯防盜法 ！

亦有網友分享，只要把一隻膠杯放到酒吧房門的手柄上，只要有人闖進來，膠杯就會掉在地上並發出聲響，從而讓自己知道有人闖入，並嚇走入侵者。

不過這個方法就只適用於沒有地氈的酒店房間。

網友：用椅子頂住大門！

有網友分享指，其實只要用椅子頂住房間的大門和露台的門口，就可以防止賊人闖入。

做好酒店防盜可以令你的旅程更安全，而CIA員工的最後寄語是「事先計劃！」（Plan ahead!），計劃的重要性可見一斑。以後計劃行程的時候除了留意食玩買的情報外，還要收集當地的資訊，留意天氣變化等，這樣一來就能保證開開心心上路，平平安安回家了！