「你睇，叮噹嚟啦！」多啦A夢香港出巡全記錄！

[清晨] 尖沙咀天星碼頭

當大部份香港人依然在家安然熟睡時，多啦A夢已經一早起床，並到達今日行程的首站：尖沙咀天星碼頭。

到底他到這裡做什麼？他是為每天風雨不改、天濛光就要工作的報販打打氣！別以為多啦A夢只是企在旁邊無做嘢啊，他是身體力行幫報販運送報紙！

多啦A夢完成任務後與報販哥哥姐姐合照，大家亦非常感謝多啦A夢來探望他們。清晨派完報紙，多啦A夢又忙著去別的地方啦。

[早上]九龍公園

大概是22世紀的人都不愛晨運，而大雄又成日賴床，莫講話晨運了，連返學都成日遲到，早少少起身都唔得。因此多啦A夢來到九龍公園，見到一班婆婆整齊地做早操，覺得好興奮，仲話要做埋一份！

唔好睇多啦A夢肥肥地，原來佢耍起18式都有文有路，絕不馬虎！不過多啦A夢耍咗一陣就覺攰啦。可能佢日日耍的話便可以減肥，不過我想大家還是喜歡肥肥的他吧。所以多啦A夢你都係唔好再耍啦，我唔要你變瘦呀！

[上午]深水埔街坊福利會小學

說時遲，那時快，多啦A夢去完晨運就去左深水埔街坊福利會小學探學生啦。佢話唔想香港小朋友都好似大雄咁懶，所以為咗鼓勵學生們勤力讀書，因此預備了多啦A夢最愛的豆沙包，小朋友答啱問題就有得獎。

下頁續：多啦A夢在銅鑼灣

[中午]銅鑼灣百德新街

中午時間，好多打工仔都放lunch，於是多啦A夢趁呢段時間親親銅鑼灣的打工仔。想不到多啦A夢一到銅鑼灣就成為哄動，這個人流極多的鬧市瞬間集合了大量人群在百德新街。

【小插曲】正當多啦A夢回到小貨車附近時，警察叔叔發了張告票給多啦A夢。記者覺得警察叔叔一定是以發告票來接近多啦A夢，好奸啊～！

大家放心，多啦A夢並沒有感到掃興，不過下次還是把車收返入百寶袋就好了～

[下午] 願望成真辦事處

吃過午飯後，勤勞的多啦A夢又出發到下一個目的地，願望成真辦事處，探望一眾康復中的願望兒童，願望成真辦事處是一間全球性的非牟利機構，幫助一些患有嚴重疾病的小朋友達成願望。一眾喜愛多啦A夢的小朋友見到多啦A夢都非常興奮，開心返埋黎！

多啦A夢辛勞的一天就再小朋友的歡笑聲裡結束。雖然之後多啦A夢都未有時間再走到街上，不過他亦有不定時用隨意門到訪於銅鑼灣希慎廣場的「Stand By Me期間限定店」，大家好彩的話一定會撞到多啦A夢啊！

 
下頁續：同場加映！多啦A夢和小貨車的小介紹

同場加映！多啦A夢和小貨車的小介紹

這隻超得意多啦A夢，是根據2月於香港上映的多啦A夢大電影「Stand By Me」特地製造，與其他公仔不同的是，多啦A夢可以有不同的表情，如單眼、眯起眼睛大笑等，非常過癮！

而多啦A夢身邊的小貨車也是為pop up store 特地製造，由設計至落實再落地花了不少時間和心血啊！

雖然小貨車沒有牌照，不能在香港路面行駛，但小貨車將會放置在銅鑼灣的「「Stand By Me」pop up store，大家屆時都可以在希慎門前與小貨車合照！2月3日見！