韓國大熱 唧唧裝 益力多沙冰 方便食用又消暑 |韓國|
韓國大熱 唧唧裝 益力多沙冰 方便食用又消暑 |韓國|

韓國大熱 唧唧裝 益力多沙冰 方便食用又消暑 |韓國|

益力多大家由細飲到大,以前小學小食部只喺賣$2/支,絕對喺小息嘅必備飲品。到夏天,我們仲會將益力多放入冰格雪凍變成 益力多沙冰,食起上嚟凍冰冰,消暑一流呀!最近韓國益力多就利用同一個Concept,推出新產品 益力多沙冰,仲有分唧唧裝和「倒轉裝」,賣相設計有創意,方便食、呃到Like,又夠消暑!

潮流大熱! 唧唧裝 益力多沙冰

最新推出嘅呢枝唧唧裝 益力多沙冰,一改以往嘅經典錫紙蓋膠樽包裝,改用連吸管嘅唧唧裝,外型非常吸引,令到大批韓國人喺Instagram不停洗版!壞消息是⋯⋯香港未有得賣,想試就要去韓國7-11買喇,又或者留意下香港有無水貨舖有賣喇!

ᴷ____ᴶᵁᴿᴵ 강쥬리🌵(@k____juri)張貼的相片 張貼

食起嚟同自己喺屋企整嘅其實無乜分別。勝在用力一唧,啲沙冰就出晒嚟,得意又方便!

노다솜(@s2_9yads)張貼的相片 張貼

大家食之前都會影返幾張自拍,佢已經成為咗韓國相機食先、呃like好物!

yum🌸(@dovely_chu)張貼的相片 張貼

 

김예슬(@yyesseulkim)張貼的相片 張貼

仲有一個解暑方法!食之前仲可以先擺上額頭敷一敷解下暑,玩完戶外活動飲就啱喇!你睇下片中嘅男仔食得幾過癮!

정광자(@kwangja1004)張貼的影片 張貼

益力多唧唧裝沙冰 售賣點:韓國 7-11

倒過來的 益力多沙冰

如果將舊包裝嘅益力多放入冰格製成沙冰,會因為樽口太細而好難用匙羹食到沙冰,所以有諗頭的韓國人就出咗一款倒轉的 益力多沙冰。新包裝將以前底部變成開口,樽口大咗,食起嚟就方便得多啦,而且容量仲比普通版多!不過暫時只有韓國有售咋!

益力多沙冰
益力多沙冰 包裝將舊包裝底部變成樽口。(圖片來源: gigcasa)
益力多_02
買嘅時候仲會附上膠匙羹,都幾貼心!(圖片來源: gigcasa)
益力多_03
而且新包裝嘅容量亦多過普通嘅益力多好多!(圖片來源: gigcasa)

益力多樽裝沙冰 售賣點:韓國 7-11,GS 25

同場加映益力多軟糖

除咗消暑嘅飲品外,韓國7-11仲推出咗益力多軟糖。包裝設計成同益力多樽一樣,呢款軟糖外型有啲似平時食嘅可樂糖,但佢就係黃色色調,更cute亦更迷你。

세븐일레븐 공식 인스타그램(@7elevenkorea)張貼的相片 張貼

 

세븐일레븐 공식 인스타그램(@7elevenkorea)張貼的相片 張貼


同益力多沙冰一樣,益力多軟糖都受到韓仔韓妹加冕,喺Instagram洗版,我哋真係恨唔到呀!仲有網友話,1,200圜就買到一包益力多軟糖,圍返港紙都只係$8咋!

🌸🅿️🅾🅿️🌸(@poppiiro)張貼的相片 於 張貼

@sseoku 張貼的相片 張貼

韓妹都讚好味,乳酸味嘅益力多糖,點諗都唔會伏啦!

 

정예지(@j.yejijiji)張貼的相片 張貼

延伸閱讀:

1300K 韓國潮流文具雜貨店! 10大平靚正必買

最新吃喝玩樂資訊