Glamping
Glamping

聖誕好去處 ! 嘆住靚景 Glamping 玩足兩日+ 暖笠笠燒烤 @ Travel佳

旅遊

廣告

冬天一到,節日多節目多,梗係想一大班朋友食到暖笠笠,嘆住靚景玩返晚!不過,邊有咁多假出國去旅行喎……我Travel佳就話,香港旅行都一樣得!趁住周末,不妨去試下外國流行 Glamping (豪華露營)啦! 對住靚沙灘食住燒烤大餐,一大班朋友歎住暖氣豪華營屋,夜晚開埋漫天星星燈談心,氣氛夠晒warm,幾凍都唔怕!

住邊?大型野營屋 豪華配套設暖氣

主要提供露營服務嘅浪高長岸,有不同大細嘅野營屋。野營屋內設床褥(可另要求鋪床鋪),有分4人6人及8人營屋,野外開Party、玩通宵都一流。營幕除咗可以打開同大自然全接觸,怕凍怕蚊嘅話亦可以拉低帳篷,享受營內豪華設備 – 睡墊、吊燈、冷暖氣,有埋充電頭,玩兩日身心同手機都充爆電!設備咁齊全,露營時唔會汗流浹背,唔怕寒風刺骨,更加唔怕手忙腳亂。適逢聖誕,野營屋仲有聖誕佈置,加埋藍白色嘅星星燈,有節日感覺之外,夜晚談心更溫馨!

Glamping 營屋空間大,室內傾計有暖氣,唔怕寒風。
營屋空間大,室內傾計有暖氣,唔怕寒風。
Glamping 5a1f4099-9267-48c0-9fc5-35e95b8aa73d
一大班朋友開聖誕Night Party,開埋星星燈,特別歡愉。
Glamping 11
冷暖氣四季供不停。
Glamping 12
獨立洗手間都走園林風格。
Glamping 19
營地內亦附吊床,午睡一流。

 

Glamping 小朋友亦可親親大自然。
小朋友亦可親親大自然。

營地範圍大,散步亦可。

有咩食?暖胃燒烤慢慢歎!

套票包食包住包玩,燒烤由店主為你提供豐富燒烤晚餐。食材包括: 法式麵包、凱撒沙律、雞翼、德國大肉腸、豬排骨、厚切鹽燒牛扒、魷魚、魚蛋、紅腸、粟米以及金菇等,又食又玩,兩手fing fing就可以輕鬆玩兩日,勁抵!

Glamping 燒雞翼,人人鐘意食!
燒雞翼,人人鐘意食!
Glamping 6
套餐各款食物齊備。

點比錢?兩日一夜抵過出面任食燒烤 !

講咗咁耐,究竟燒烤加Glamping收費點計?最近冬日套票做緊優惠,同朋友除開每人收費$380 – 624,價錢隨營屋大小而定。呢個價錢已包括燒烤同當晚住宿及任玩中心遊樂設施,計計吓,兩日一夜仲抵過出面幾百蚊任食燒烤幾個鐘啦,性價比高!

Glamping 7
聚餐加露營體驗,實屬大人小朋友旅行之選。

仲可以玩啲咩?桌球耍樂+ 長沙泳灘水上活動

營地嘅服務中心新增遊樂設施,一大班朋友可以去桌球枱上一決高下,爭做桌球天王!另外,營區設有滑梯、彈床,唔怕凍既朋友們仲可以進行水上活動,So Easy!除咗滑浪板、人體沖浪板,仲有印第安獨木舟和滑浪風帆等!更有現時非常流行嘅巨型Monster SUP(7人單槳直立板)及沙板,玩到黃昏睇埋日落,美景呀!冬天凍到震,營地仲貼心設有熱水淋浴設施,唔洗擔心玩完海水之後身體又凍又「立黐黐」。

Glamping 4
服務中心內設桌球設施。
Glamping 8
園內亦有兒童遊樂設施。
Glamping 9
彈床夠大,大小朋友都玩得!
Glamping JENG
冬天係凍,但無阻玩水上活動!
Glamping SS
睇埋日落仲得!

同場加映:營區附近配套多!士多+異國風情餐廳樣樣齊

其實長沙泳灘有各式嘅餐廳、士多、特色小食店,極具異國風情,除左有各式日用品賣之外,仲有唔同嘅零食,買定夜晚充飢都好方便。Glamping一早起身食咩好?可以去營地嘅服務中心旁,充滿地中海風情嘅Long Coast CAFE歎個美式早餐!唔啱口味?港式早餐,公仔麵、三文冶、各色小食樣樣有! 而近長沙泳灘咁多間餐廳之中,小記就覺得Lantana by Brian最有特色,食物水準頗高之餘,仲可以對住個沙灘嘆返個午餐又或sunset dinner,簡直置身外國一樣!

Glamping Long Coast CAFE,美國風情!
Long Coast CAFE,美國風情!
Glamping 美式早餐,對住個海食勁好feel!
美式早餐,對住個海食勁好feel!
Glamping Lantana by Brian ,對住海景食意菜。
Lantana by Brian ,對住海景食意菜。

 

Glamping 任揀一間餐廳,行兩步就係靚沙灘,美景美食加埋無得彈。
任揀一間餐廳,行兩步就係靚沙灘,美景美食加埋無得彈。
Glamping 15
附近士多各式貨物齊備,入定貨,深宵肚餓都唔怕。

 

d


浪高長岸
地址:香港大嶼山長沙下村29號
營業時間:星期一至五:上午十時至日落;星期六、日及公眾假期:上午九時半至日落
價錢: $380-624/每人
預定電話:2980 3222/ 8104 6222 預定電郵 :[email protected]
網上預定:http://bit.ly/2h4VwFi
網址:http://longcoast.hk/?lang=zh-hant

 

最新吃喝玩樂資訊