韓、日短線! 3大 水上樂園 濕身迎夏
韓、日短線! 3大 水上樂園 濕身迎夏

韓、日短線! 3大 水上樂園 濕身迎夏

睇吓街上面的背心短褲,就知道夏天返嚟啦!超怕熱的記者老早就收埋冷衫大褸,搵返櫃底件泳衣出山。不過嫌留喺香港沙灘乾蒸太悶,要刺激好玩嘅,留意返鄰近日韓的 水上樂園 已經陸續開放。就等記者搜羅各地玩水套票抵玩之選,實行要濕身玩水入夏!

原文:新假期周刊

1. 韓國京畿道-激玩人氣漏斗滑梯

各位刺激愛好者,單睇圖已經很想去吧!在京畿道龍仁市的加勒比海灣,號稱全韓最大水上樂園,去年新增設超巨型水上滑梯Mega Storm,一推出就話題性十足。坐上泳圈在全長355米的滑梯左轉右轉,加埋最尾在大型漏斗轉足3圈,刺激度爆燈,不少玩家玩完都大讚!雖則樂園唔算新,不過由首爾市中心坐巴士不過1個鐘車,三不五時又會推出新設施,請埋韓星加持,所以一直都是後生韓仔韓妹夏日玩水熱點!
韓國 京畿道水上樂園 Mega Storm 夏天 大型漏斗

樂園室內池全年開放,不過要玩室外水上設施,就要等到4月30日後啦!
樂園室內池全年開放,不過要玩室外水上設施,就要等到4月30日後啦!
離地37米高,1分鐘極速急降,心血少啲都玩唔到,正宗又要威又要戴頭盔!
離地37米高,1分鐘極速急降,心血少啲都玩唔到,正宗又要威又要戴頭盔!
園內有超過30款水上設施,玩一日都玩唔完,包括垂直落跳樓滑梯Aqualoop!
園內有超過30款水上設施,玩一日都玩唔完,包括垂直落跳樓滑梯Aqualoop!
Megastorm推出即贏得World Waterpark Association的設計獎項。去年樂園更因為新設施太受歡迎,延後一個月才閉園!
Megastorm推出即贏得World Waterpark Association的設計獎項。去年樂園更因為新設施太受歡迎,延後一個月才閉園!

韓星加持
加勒比海灣歷年都搵過唔少紅星加持拍廣告,最經典是請到少女時代和2PM拍埋音樂廣告特輯,型到爆!

少女時代 & 2PM
少女時代 & 2PM
PSY
PSY
劉在錫
劉在錫

滑梯資料:全長 355m、漏斗直徑 18m、最高速 50km/h、最勁急降 40℃、離地 37m、全程玩足 60s!
加勒比海灣(30/4起室內外全開)
票價:全日W42,000/HK$284(成人)、W33,000/HK$223(小童);半日W36,000/HK$244(成人)、 W28,000/HK$190(小童)
地址:京畿道龍仁市浦谷面前垡里310三星愛寶樂園(顯示地圖)
電話:+82(0)31-320-5000
營業時間:9:30am-6pm(星期六、日)、10am-5pm(星期一至五)
網址:everland.com

交通:由江南站乘5002號巴士,至愛寶樂園站下車,車程約50分鐘

2. 日本九州-180cm濕身跣出去

諗起上年在香港參加 Slide the city 排到驚,記者玩得超唔盡興,見到同期九州豪斯登堡「水之王國」推出全日本最長的滑水道,即刻飛去玩埋一份! 全長180m,跣出去要成半分鐘先停,超級過癮。今夏水之王國將於7月開放,繼續有滑水道之餘,仲新增海上障礙設施,十足《筋肉擂台》考反應和平衡力。雖則樂園門票今年又加價,不過依然吸引記者心郁郁再玩多轉。

日本 豪斯登堡 水上樂園
180m滑水道會開足成個夏天,日日都有得玩,唔使排餐懵。
NEW!今年水之王國會增設一個全日本最大海上玩水設施,望落已經好吸引啦。
NEW!今年水之王國會增設一個全日本最大海上玩水設施,望落已經好吸引啦。

豪斯登堡 (水之王國1/7-11/ 開放)
地址:長崎縣佐世保市豪斯登堡町(顯示地圖)
營業時間:9am-10pm
網址:www.huistenbosch.co.jp
交通:JR「豪斯登堡」站直達
電話:+81(0)570-064-110
一日任玩券:成人¥6,500/ HK$466、中學生¥5,500/ HK$393、小學生¥4,100/ HK$293

即報名!怒擲10萬水彈 WaterRun 2016
嫌九州豪斯登堡未夠濕身,可以即刻報名今年Water Run!活動將於今年7月尾,分別在東京、大阪、名古屋和九州四地舉行。活動當日有扔水彈、水槍戰和喪屍濕身追逐戰等環節,包你全日由頭濕到腳趾。

東京 • 舉辦日期:7月23、24日
大阪 • 舉辦日期:7月30、31日
名古屋 • 舉辦日期:未公布
九州 • 舉辦日期:未公布
日本 豪斯登堡 水上樂園 日本 豪斯登堡 水上樂園

日本 豪斯登堡 水上樂園
WaterRun 2016
•網址: waterrun.jp/

3. 澳門- 住酒店玩股惑激流

唔似普通酒店豆腐膶細的泳池,去年新開的澳門銀河二期專吸玩水客,主打的水上樂園「天浪淘園」面積超大!(超過75,000平方米)園內有離地9米的空中激流和3條滑水梯,激流速度不算快,但勝在影相一流,加上只限免費開放入住銀河旗下酒店住客,唔使同阿豬阿狗一齊逼,一落酒店即刻有得玩,非常就腳。銀河二期酒店之中,百老匯酒店房價最親民,星期六出發一人唔使一千,兩日一夜玩水兼掃街狂食都幾划算!

天浪淘園早在3月已重開,現時入住已經有得玩!全長575米的激流不算激,慢速最適合影相吹水慢慢浮。
天浪淘園早在3月已重開,現時入住已經有得玩!全長575米的激流不算激,慢速最適合影相吹水慢慢浮。
透明水管是最佳打卡位,仲可以跟管下的行人打招呼,相當「股惑」。
透明水管是最佳打卡位,仲可以跟管下的行人打招呼,相當「股惑」。
打對台! 同樣位於路氹的新濠影滙,熱帶主題河道「綠野游蹤」於5月1日先開。
打對台!
同樣位於路氹的新濠影滙,熱帶主題河道「綠野游蹤」於5月1日先開。

Package!
$899起周末出發!百老匯酒店2日1夜套票
住宿:1晚百老匯酒店Broadway大床客房
已包:港澳來回金光飛航船票 2套
出發日期:6月30日前
稅項及附加費:$40
備註:2人同行價 ,不適用於5月1-3日;平日出發只需$599起。
查詢:2311 8948 搵房2

搶報玩水團!

唔少外國水上樂園都並非位處市中心,唔想煩交通轉車,帶住一家大細都係跟團好。今個星期天氣熱返少少,不少旅行社都搶閘推出玩水團。睇睇以下記者第一時間搜羅精選,玩水之餘仲順手濕平觀光,由兩日到九日團有平有貴任你揀!
1. 韓國釜山 -亞洲規模最大玩水樂園(尖叫度:5星!!!!!)

  1. 在釜山水上樂園留足一晝,唔使一落水就要走。
  2. 樂園去年增建9條滑水梯,刺激度大增。
  3. 由釜山市內乘地鐵再轉巴士先去到樂園,勁轉折,跟團方便好多。

  1. 4晚搬3次酒店,煩。

韓國釜山 亞洲規模最大 玩水樂園
$2,999起釜山、慶州、大邱5日4夜團[ PSU05-MZZ]
航班:大韓/釜山航空
酒店:1晚大邱 Prince Hotel、1晚慶州Kolon酒店、2晚釜山4星酒店
日期:即日至2016年9月14日
稅及雜費:$500
查詢:2108 8888 康泰
2. 曼谷芭堤雅-細路至Like卡通水上樂園(尖叫度:2星!!)

  1. 主打的Cartoon Network Amazone水上樂園開幕未夠2年,keep住有新設施推出
  2. 一日芭堤雅自由活動,可以自己出島玩水都得。
  3. 價錢跟套票相若,跟團仲唔使煩交通。

  1. 焗行老餅蜂蜜海味手信店,悶。

曼谷芭堤雅 卡通水上樂園 Cartoon Network Amazone

$1,799起曼谷、芭堤雅「水上樂園」5天抵玩團[ BBWW05 ]
航班:國泰/泰國東方/泰國/香港航空
酒店:3晚Sun Beam Pattaya或同等四星芭堤雅酒店、1晚The GrandFour Wing Convention Hotel或同等5星曼谷酒店
日期:即日至2016年8月31日
稅及雜費:$388
備註:2人同行及網上訂購價
查詢:8200 2299 美麗華
3. 吉隆坡-童心爆發!玩晒3大樂園(尖叫度:2星!!)

  1. 雙威水上樂園唔算新,不過勝在夠大,玩水之餘,仲可以玩埋碰碰車和ATV。
  2. 一次過玩埋Legoland、Hello Kitty Town和Thomas Town,影相都影到手軟。
  3. 住宿靚,包1晚住水中屋和2晚5星酒店。

  1. 由北玩到南,由迪臣港玩到馬六甲、新山,狂搭車。

吉隆坡 3大樂園 埋Legoland、Hello Kitty Town Thomas Town
$3,899起吉隆坡3大樂園5天團[ AMKUU05V]
航班:國泰/馬來西亞航空
酒店:1晚狄臣港 Lexis Port Dickson水中高腳屋、
1晚4星新山酒店、2晚吉隆坡5星酒店
日期:即日至2016年6月30日
稅及雜費:$875
查詢:2928 8882 永安
4. 廣州長隆-2日快閃平玩強國水樂園(尖叫度:3星!!!)

  1. 呢口價包二百蚊人仔樂園門票、1晚酒店和三餐,抵。
  2. 今年新開溫水區,初夏玩水都唔怕凍親。

  1. 內地玩水地方唔多,可以想像撞正高峰期,應該逼過沙甸魚。
  2. 隨時遇到面堅尼大媽和驚嚇美人魚。

廣州長隆 快閃平玩 水上樂園

$469起長隆水上樂園2日純玩團[ 22128]
酒店:1晚廣州匯麗花苑或同級酒店
日期:即日至2016年6月30日
稅及雜費:$120
備註:5-6月出發一位需$499起;星期五、六出發需另加$30-40不等。
查詢:6284 4992 大航

最新吃喝玩樂資訊