機票
機票

機票 入手全攻略 台北淡季$580 可入貨

旅遊

廣告

周時聽見三姑六婆吹水,話撲到乜乜超平 機票 ,千零蚊就去到邊度邊度,係咪好鬼羨慕?其實機票同股票一樣可升可跌;入市時機出錯、無做功課,咪注定高追摸貨!今回編輯部破天荒聯同「機票產品聯席分析機構」Flyday.hk,連載披露熱門航點價格走勢;以平均價列出,大家只需記住一個入手價,就可知道你買的機票抵唔抵,第一回率先送上最受歡迎的台北機票攻略指南!

Round 1:台北機票移動平均線

AIRLINE 1

• 機票價格可升可跌,就算3、9月交投相對淡靜,但若踩正復活節、中秋長假期,個別日子可抽升至$1,500 !入貨者宜參考一眾格價衍生工具如skyscanner、Kayak等網站。
•以上價格以出發日前3個月訂票為準,並未包括稅項及燃油附加費。

數據點樣嚟?

由窮遊大學生Alfred同友人於3年前創辦的旅遊格價網提供,資料來源包括航空公司網站及討論區,數據庫儲落價格資訊超過2萬條,網站更收錄「教科書式」機票比拼。 網址:flyday.hk( 搜尋「平飛攻略」)
由窮遊大學生Alfred同友人於3年前創辦的旅遊格價網提供,資料來源包括航空公司網站及討論區,數據庫儲落價格資訊超過2萬條,網站更收錄「教科書式」機票比拼。
網址:flyday.hk( 搜尋「平飛攻略」)

Round 2:台北航班逐個秤

了解完台北航線的全年走勢,現在再來深入分析,將不同航空公司的優劣秤一秤。由於台北線航程短,座位空間同娛樂設備變得相對次要,而且價位落差都係一千幾百,於是本刊於航班時間同餐膳著手,同你逐點分析性價比!

航空公司:國泰航空、港龍航空

cathay

淡季入手價(未連稅): $880
每天航班數:有聯營優勢,每天來回各19班,幾乎30分鐘一班 (WIN!)
餐膳:睇彩數,得正餐時段有飯食,其餘以麵包為主

航空公司:中華航空

china AIRLINE

淡季入手價(未連稅): $680
每天航班數:每天來回各10班,約每小時一班
餐膳:傳統熱食同麵包的出現率50/50

航空公司:長榮航空

eva AIRLINE

淡季入手價(未連稅): $780
每天航班數:每天9班往、8班回,約1.5小時一班
餐膳:供應傳統熱食,亦有得揀素食、海鮮或兒童餐 (WIN!)

航空公司:香港航空

hongkong airline

淡季入手價(未連稅): $580 (WIN!)
每天航班數:每天來回各4班,約4小時一班
餐膳:十居其九得個頹包、加杯水

Alfred點睇:長榮贏性價比!

Alfred
台北機票聯席分析員 Alfred

1. 飛安紀錄同準時程度拍得上國泰,但價錢較平
2. 航班數雖不及大堆頭的國泰軍團,但早去晚返一樣有選擇
3. 堅持提供傳統熱餐、更可捕捉Hello Kitty班機,不另加錢

Round 3:針對性撲飛攻略

分析過大市走勢、比較完航班優劣,如果你仍然死忠某一航空、或者有特定出發時間,你就要更進一步,了解個別公司的優惠策略,進行針對性部署,方可增加撲得平飛之機會!

國泰/港龍: 3個月前要計劃
針對台北航線,這兩間航空公司策略相對保守,甚少出現last minute或早鳥劈價,優惠通常於出發日前90日至45日出現,要預早準備。

華航、長榮: 周末推出著數

按往績台系航空公司最喜歡於周末突擊減價,出發日期可以近至兩個月內,減幅超過兩、三成;建議大家可以星期五、六下午開始捕住各大旅遊page。

港航:長期計劃最啱使
雖然經常被詬病誤點多,但港航的機票特別多遠期平貨,以正推出的台北優惠為例,出發日期就長至2016月3月,最啱約成年先約得成嘅家族大旅行。

延伸閱讀:【 首爾旅遊 】三清洞、仁寺洞 9大韓食 文青 蒲點

$158食 Jamie’s Italian 10款下午茶菜式 【銅鑼灣】

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線