曼谷spa
曼谷spa

骨精召集 | $77蚊有交易! 8大必試特色 曼谷Spa |泰國|

旅遊

廣告

利申:典型中女一名,對節慶已提不起勁,新年願望更加開不了口,像我這樣的中女,雞年沒有雄圖大計,要迎接新一年,最需要的反而是排走鬱悶,放空身心、做 spa 叉電,讓疲憊的心靈好好休息!正所謂「舊嘅唔去,新嘅唔嚟」,今次索性揼到粉身碎骨,然後重生做人、繼續上路,展開一趟洗滌心靈的 曼谷spa 之旅才是正經事啊!

文:阿妹今晚去旅行 @GOtrip

01 | 超hit滴蠟Spa……試過一次便愛上!

由泰國紅星Sririta開設的Organika,最初旨在開間私伙按摩店招待圏內朋友,質素自然有保證,光是療程就有10款以上,講到皇牌一定是滴爉香薰按摩,開初聽到玩滴蠟,個心不禁寒寒地,幸好按摩師解釋品牌使用的香薰爉燭乃自家團隊研發,燒熔的爉油暖而不燙,爉燭不含化學物質,按後皮膏寧舍滋潤。香薰爉燭設5款味道選擇,有熱情果、香茅、薰衣草、玫瑰及茉莉花,選好後,技師先將熱熔的爉油倒在手上試溫,然後再推油,擁有超過8年經驗的技師,會用陰力按穴位,肩頸膊猶其到位,按後個人即刻鬆晒!

環境:★★★★☆

服務:★★★★☆

手勢:★★★★☆

價錢:★★★☆☆ (平均消費:THB2,000/HK$438)

曼谷spa
Organika Aromatic Candle Massage (90分鐘) THB2,500/HK$547 技師點起茉莉花爉燭,房間隨即馥鬱芳香,感覺relax!
曼谷spa
(左)芒果熱情果排毒奶昔 THB245/HK$54、(右)士多啤梨THB255/HK$56
曼谷spa
Organika以cafe+spa一條龍作招徠,一室綠意猶如在溫室內進餐,感覺寫意!

Organika Secret SPA

地址:5th Floor, Building A, Piman49, Sukhumvit49, Wattana, North Klong-Ton,Bangkok
電話:+66- (0)-2665-1898
營業時間:10am-10pm
交通:從市中心乘BTS到Phrom Phong站,步行約20分鐘即抵
網址:www.organikahouse.com

02 |排毒瘦身 爆熱保濟丸砂浴

泰國人有幾迷日本?沉迷到把原裝的鹿兒島獨有的砂浴都搬到去曼谷!砂浴是透過熱力來加快新陳代謝,有排毒瘦身之效,不過曼谷玩日本砂浴「係咪呃人先?」。原來老板與日方合作,先將九州指宿受地熱覆蓋的高溫砂堆製成小夥粒,然後運送至泰國,咪睇小佢成粒保濟丸咁,聚砂成塔,壓到埋身,無論重量和熱度也相當到位, 而那池小砂粒的浴缸也非一般,老闆特別從日本購入遠紅外線發熱床配合使用,與在指宿做的地熱砂浴一樣,熱到我爆血管呀!

環境:★★★☆☆

服務:★★★☆☆

手勢:★★★★☆

價錢:★★★☆☆ (平均消費:THB1,100/HK$240)

曼谷spa
Japanese Sand Bath (40分鐘) THB1,200/HK$263 「砂砂砂燒滾我,I’m on fire。」,未夠10分鐘,寒底的我已開始感到心跳加速,尾龍骨亦有汗珠滑過,要大口大口呼吸,感覺似做緊劇烈運動,
曼谷spa
砂浴環節大約半小時,技師接著用砂粒進行按摩,令毒素排出體外,完事後會感到個人容光煥發。
曼谷spa
每次使用前都會做足消毒工作,好衛生!此外,每顆沙粒成本極高,老闆呼籲客人不要將沙粒帶走呀!

The One Sand Bath Therapy

地址:319 Srinakarin Road, Nongbon Prawet ,Bangkok
電話:+66- (0)-2185-6364
營業時間:12nn-10pm
交通:從市中心乘BTS到Bang Na站,轉乘的士約15分鐘即抵
FB專頁:The One Sand Bath

03 |觀音坐蓮大龍鳳210分鐘養顏Spa

Divana於Sukhumvit Soi11開設的新店,設有小花園的新店裝潢效參考泰國古代木屋,以象徵聖潔及神聖及蓮花作主題,店內不乏蓮花裝飾。新店獨家療程Longevity Phikate Bua全長210分鐘,長壽人氣療程以養顏作賣點,4節療程已包涵了足浴及牛奶浸浴、身體磨砂、桑拿及穴位按摩。話明以有抗衰老功效的蓮花為主題,基本上療程每個環節都有用到,當中以磨砂部分最誇張,技師先將蓮花瓣及蓮花粉灑在背上磨砂,花香撲鼻,接著再將骨膠原混入蜜糖及米酒塗在背上稍作按摩,奢侈又矜貴!桑拿部分同樣出色,先利用草藥球將牛奶塗滿全身,再焗個20分鐘,皮膏隨即變得水潤光滑,勁開心。不過分店勁常full booking,有心做記得提早預約啊!

環境:★★★★☆

服務:★★★★☆

手勢:★★★★☆

價錢:★★★☆☆ (平均消費:THB4,200/HK$920)

曼谷spa
最驚喜是連房內浴缸都與蓮花有關,竟然是個巨型蓮花盆!蓮花缸浸牛奶浴都夠特別,加上大量花瓣,感覺grand到不得了。
曼谷spa
皇牌treatment光是磨砂就勁大陣仗,用上蓮花瓣、蓮花粉、骨膠原、蜜糖及泰國米酒,感覺矜貴。
曼谷spa
Longevity Philkat Bua(210分鐘) THB5,250/HK$1,150 蓮花是療程的核心部份,利用花瓣及蓮花粉磨砂,個身全日都香噴噴!

Divana Nurture Spa

地址:71 Sukhumvit 11, North Klongloey, Wattana, Bangkok
電話:+66- (0)-2651-2916
營業時間:11am-11pm
交通:從市中心乘BTS到Nana站,步行約20分鐘即抵。
網址:www.divanaspa.com/NurtureSpa

04 |漂浮水療!減壓腦筋急轉彎

在歐美國家非常流行的漂浮水療,紅到NBA籃球明星Stephen Curry每星期都要最少做一次。漂浮水療既可放鬆肌肉亦有助整理思緒,早前更已靜悄悄地在曼谷插旗,不過唔識游水的我聽到密室漂浮已好想skip咗佢,但負責人Annile說︰「你出差壓力大,水療有助我鬆鬆個腦,唔識游水都一定浮得起。」最後我唯有乖乖就範。漂浮水療是利用高濃度的鎂鹽水營造無重狀態,而療程會在漂浮機內進行,漂浮機有點似膠囊旅館的房間,關門後室內漆黑得伸手不見五指,主要目的是讓人走入意識深處,以另一角度思考日常問題,腦袋更是前所未有的活躍,想得多也想得深入。唔識游水點都會緊張,我就唔多覺肌肉有放鬆到喇!

環境:★★★★☆

服務:★★★☆☆

手勢:不適用

價錢:★★☆☆☆ (平均消費:THB2,375/HK$520)

曼谷spa
Float treatment (60分鐘) THB1,950/HK$427 漂浮機內設顏色射燈,怕黑的人都浮得!
曼谷spa
唔識游水的朋友都會浮得起,強烈建議帶頸枕以防飲水!
曼谷spa
如身體有任何傷口,記得要於傷口塗上凡士林,被鹽水「毑」到爆粗就唔好啦!

Theta State Float Center

地址:88/1 Avenue 24 Mall, 1st Floor, A4/A5/A6, Sukhumvit Soi24
電話:+66- (0)-2261-7943
營業時間:10am-10pm
交通:從市中心乘BTS到Phrom Phong站,步行約10分鐘即抵
網址:www.thetastatefloat.com

05 |溫泉泰式按摩 $77有交易

唔講唔知原來曼谷都有溫泉浸,設男女浴場的湯之森(Yunomori Onsen)每星期會從泰國西部北碧府運來地下泉水,其硫磺味弱,雜質不多,難怪深得當地人歡心。除了溫泉,店方的泰式massage更是驚喜,價錢一小時按摩只要HB350/HK$77,按足1日都唔肉赤!唔好以為平嘢冇好,每位技師均有六年以上經驗,由前Harnn的Spa經理田村誠一郎培訓,性價比極高。

環境:★★★★☆

服務:★★☆☆☆

手勢:★★★★☆

價錢:★★★★★

曼谷spa
溫泉入場費:THB450 / HK$ 98.5 浴場近三個足球場大,分男女溫泉,入浴前要洗白白,坦蕩蕩浸浴,跟足日式風呂規矩!
曼谷spa
每位技師均有六年以上經驗,由前Harnn 的Spa 經理田村誠一郎培訓,性價比極高。

Yunomori Onsen & Spa

地址:A Square Sukhumvit soi 26, Bangkok
電話:+66-(0)-2259-5778
營業時間:9am-12mn
溫泉入場費:THB450 / HK$ 98.5
交通:Phrom Phong BTS站轉的士前往約5分鐘
網址:www.yunomorionsen.com/2015/bangkok/

06 |四手按摩 深層休息

Spa精對Oasis Spa一定不陌生,在曼谷Sukumvit 51的泰式大宅内更設有荷花池畔,猶如置身野外。講到品牌皇牌非The Voyage of Golden Lanna莫屬,以四手按摩加音樂治療,邊按摩邊播放泰北蘭納音樂、西藏的鍾聲、僧侶的誦唱,讓人忘卻壓力。

環境:★★★★★

服務:★★★★☆

手勢:★★★★☆

價錢:★★★☆☆

曼谷spa
The Voyage of Golden Lanna (90分鐘) THB5,900 / HK$1,292 技師將加入金箔的精油倒在身上後進行四手按摩,四手動作一緻,按壓側腰,好舒服!
曼谷spa
不想再躲在恒溫的陰沉水療室按摩焗桑拿咁悶,Sukumvit 51冇得輸。

Oasis Spa

地址:88 Sukhumvit 51 Road Wattana, Bangkok

電話:+66-(0)-2262-2122

營業時間:10am-10pm

交通:從市中心乘BTS到Phrom Phong,轉乘的士約10分鐘即抵。

網址:www.oasisspa.net

07 | 記者私心推 超relax精油按摩

講到平靚正首選,旅遊組同事首推Asia Herb Association,品牌由日本人創立,稟承日本人細心周到的服務態度,由前枱到按摩師都無得彈!記者強推精油按摩,技師手勢純熟到家,舒服到幾乎瞓著,建議起碼按90分鐘,超疏肝!

環境:★★★★☆

服務:★★★★☆

手勢:★★★★★

價錢:★★★☆☆

曼谷spa
Blend Oil Body Massage (90分鐘) THB1,400/HK$307 推油按摩通淋巴和去水腫效果明顯,正!
曼谷spa
陽光透過黃色玻璃窗映照室內,襌咪十足,讓人更容易投入療程。

Asia Herb Association

地址:50/6 Sukhumvit Soi 24, Klongton, Klongtoey, Bangkok
電話:+66-(0)-2261-7401
營業時間:9am-2am
交通:從市中心乘BTS到Phrom Phong站,步行約10分鐘即抵。
網址:asiaherbassociation.com

08 |閏密必check!鬧市中的水療別墅

聽過住Spa房未?曼谷寸金尺土,住得入Grand Hyatt鬧市中的奢侈水療別墅,不難想像客人都是貴婦及明星。一住往往就3整日足不出戶的瘋狂按摩!別墅客房有齊一般水療設備,水療護理室、按摩床、磨砂床及桑拿房全配備,按摩師更會隨傳隨到,爽到爆。索價$5,199一晚客房,包一次60分鐘按摩、香薰蒸氣及牛奶浴,追加按摩最平約THB2,600起,維起5百幾蚊,慳返腳骨力及時間,同閏密豪一次都抵嘅!

環境:★★★★★

服務:★★★★☆

手勢:★★★★☆

價錢:★★☆☆☆ (平均消費:THB4,200/HK$920)

曼谷spa
房間設有磨砂床及蒸氣房,瘋狂做spa無難度!
曼谷spa
別墅坐落於幽靜花院內,感覺寫意。

Grand Hyatt Erawan Bangkok

地址:494 Rajdamri Road, Lumphini, Pathum Wan, Bangkok
電話:+66- (0)-2254-1234
房價:水療別墅客房每晚THB23,741/HK$5,199
交通:從市中心乘BTS到Ratchadamri站,步行約10分鐘即抵
網址:bangkok.grand.hyatt.com