日本食 黑熊白熊?! 熊控記者 九州 直擊@天才女行社
日本食 黑熊白熊?! 熊控記者 九州 直擊@天才女行社

日本食 黑熊白熊?! 熊控記者 九州 直擊@天才女行社

阿菌我是一等一「熊控」,今次 九州 震後採訪不忘搜尋熊仔蹤跡,不過就非直闖課長Kumamon 家鄉熊本,而是一探鹿兒島!吓?鹿兒島唔係出名黑豚肉咩?其實當地「白熊冰」與「黑熊鍋」超有名氣,分別是煉奶刨冰及豚肉Shabu-Shabu,我特意去勻兩間本店朝聖,一冰一火極hyper!離開時更意外地遇上Kumamon 列車, 無得坐都有得影,嘩哈哈天助我熊也!

撰文:菌|圖片:菌、Tommy、Yee、Katsuo5252、aokinguuu

熊控記者 九州出沒注意

今次無緣坐Orange鐵道Kumamon列車,好 彩都撞到,大家要來往鹿兒島川內至熊本八代 肥薩線可以坐下呢!(www.hs-orange.com)
今次無緣坐Orange鐵道Kumamon列車,好彩都撞到,大家要來往鹿兒島川內至熊本八代肥薩線可以坐下呢!(www.hs-orange.com

日本_九州_熊控8

原來車長哥哥都係熊粉,更提 醒我途中會遇上Kumamon列車,記得留意車上廣播。
原來車長哥哥都係熊粉,更提醒我途中會遇上Kumamon列車,記得留意車上廣播。

萌到融化白熊冰

一去到天文館白熊冰本店已被門口大北極熊吸引,不少人排隊自拍!店家為1949年誕生之阿爺級刨冰,有成20間分店。原本只是簡單淋上自家製煉奶,現則改良至放滿14種水果、啫喱糖,入口細滑又不似台式棉花冰咁易溶,奶香十足,更有超多新款口味,布丁熊、咖啡熊、黑糖熊……望著熊仔大聯萌,我心都溶喇!

白熊冰忠於最初設計,只用提子乾及櫻桃做「熊樣」,季節限定之柑橘黃熊冰可愛得多啦!
白熊冰忠於最初設計,只用提子乾及櫻桃做「熊樣」,季節限定之柑橘黃熊冰可愛得多啦!
大白熊冰¥676/HK$51
大白熊冰¥676/HK$51
本店附近大量刨冰店,認明門口萌爆大北極熊至為正貨喇,打卡先!
本店附近大量刨冰店,認明門口萌爆大北極熊至為正貨喇,打卡先!

天文館むじゃき

地址:鹿兒島縣鹿兒島市千日町5-8(顯示地圖
電話:+81-(0)99-222-6904
交通:JR鹿兒島中央車站乘的士約10分鐘
網址:mujyaki.co.jp

日本第一黑熊鍋

一步入南洲館就見到桌上放了霸氣十足的黑熊鍋,咦,何解上面刻著「熊襲鍋」?原來直徑70cm 巨鍋源於當地原住民熊襲族,店家幾年前試下用此鍋食正宗薩摩黑豚肉Shabu-Shabu,並命名為黑熊鍋,更勇奪「國民文化祭火鍋競技會」冠軍!薩摩黑豚肉飼料嚴選土產地瓜,一放進口即被清甜香味攻陷,黑熊同黑豬原來咁friend,真係同撈同煲喇。

套餐有五花肉及肩肉、蔬菜、拉麵等,每桌都有專人服務,擺放相當講究。(每位¥3,200/HK$243)
套餐有五花肉及肩肉、蔬菜、拉麵等,每桌都有專人服務,擺放相當講究。(每位¥3,200/HK$243)

日本_九州_熊控3

當地吉祥物ぐりぶー突然現身,佢其實正正係我享用緊嘅薩摩豬……
當地吉祥物ぐりぶー突然現身,佢其實正正係我享用緊嘅薩摩豬……

南洲館

地址:鹿兒島縣鹿兒島市東千石町19-17(顯示地圖
電話:+81-(0)99-226-8188
交通:JR鹿兒島中央車站乘的士約10分鐘
備註:須預先訂位
網址:www.nanshukan.co.jp

延伸閱讀
「扮工」解悶必備!6大搞怪實用 日本文具

最新吃喝玩樂資訊