尋找 Kumamon 爆笑故事!香港直飛熊本縣行程推介
尋找 Kumamon 爆笑故事!香港直飛熊本縣行程推介

尋找 Kumamon 爆笑故事!香港直飛熊本縣行程推介

早兩個星期,香港市面熊蹤處處,由港九旺區以至大埔屋村,都見到Kumamon部長身影,每次出現都引來不同年齡層的男男女女尖叫歡呼。架勢出巡之餘,仲不忘跟粉絲抱抱玩壁咚,部長咁辛苦出賣色相,都係為咗宣傳今個星期直飛 熊本的航班啟航。不過他的所到之處人頭湧湧,見不到真身,又趕不及年尾出發的話,不妨選擇雨年初出發,追熊之餘,仲可以追埋櫻!
kumamon_熊本_01

出張!落區全紀錄!

12月初的香港,邊個會估到氣溫直逼30度?大概這位熊本縣營業部長亦預料唔到,粉絲的瘋狂程度跟氣溫一樣爆標!「港九大巡遊」這天,早上11點記者已開始在中環碼頭守候,當時已經聽到排隊「熊粉」揚言跟足三個站,大家的意志力也夠驚人!原訂巡遊路線本來計劃由中環乘天星小輪渡過維港,不過主辦單位發現無預早Mark位無法硬闖,只能放棄計劃決定以Van仔運送部長去到五枝旗杆,沒有圍欄的情況下,雖然場面臨近失控但 Kumamon 依然交足戲,尾站去到銅鑼灣東角道行人專用區,人潮比得上六四塞入維園的氣勢!記者定過神看看排隊人群,果然搵得返早上見過的一班忠實粉絲。

熊本直航班次
香港>熊本 HX686 11:00-15:00(一) 12:00-16:10(五)
熊本>香港 HX687 16:00-19:05(一) 18:10-21:00(五)票價:HK$4,750(正價)/ HK$2,300(上月限時優惠價)
詳情:www.hongkongairlines.comkumamon_熊本_02

直擊大鬧香港街頭!

話說回來,肥熊出沒所為何事?其實就係為了今個 星期香港首度開航的「熊本線」造勢,Kumamon 粉絲數目眾多,記者今次還是首度見識,為影偶像跟足全程6個鐘、有人更不惜衝出馬路護航,場面哄動過 Godiva 買一送七。不過部長都好識做,郁身郁勢報答Fans,大騷Pat Pat夠過癮,一見小朋友就瞓身凸起肚腩做座墊,偶然仲玩下「壁咚」、揭下裙底貫徹咸濕本色,認真有求必應,抵畀佢咁招積!

kumamon_熊本_03
當日氣溫直逼30度,一班忠實粉絲依然無懼 大熱天氣,由中環碼頭跑到尖沙咀海旁,最後走埋落銅鑼灣行人專用區。

kumamon_熊本_04

kumamon_熊本_05
路人經過都忍唔住排隊,齊齊野生捕獲熊本熊,導致未開始影相已經要截龍的情況!
kumamon_熊本_06
每逢有B仔埋身,部長都會將身體變做 梳化兜住細路,能屈能伸,好親切!
kumamon_熊本_07
熊本熊應援會:之前在熊本熊的一田活動認識,大家志同道合鍾意熊本熊,你千祈唔好同我提梳乎蛋!
kumamon_熊本_08
手作布公仔
kumamon_熊本_09
Leica X 熊本熊相機 & 相機蓋
kumamon_熊本_10
劉小姐:上次住Garden Hotel送咗有熊本熊嘜頭的書簽、糖和文件 夾,旅程途中仲巧遇部長真身,一齊逛美術館,十級幸運!
kumamon_熊本_11
東京遊客 Mio & Ryoto:來中環觀光竟然撞到熊本部長,湊熱鬧之餘想拎啲紀 念品。
kumamon_熊本_12
Crystal & Fiona:鍾意熊本熊肥嘟嘟、個樣夠蠢,扮佢個人好活潑!
kumamon_熊本_13
Apple & Justin:未去過熊本,但幾乎所有熊本熊收藏品都會買,譬如餐紙、杯墊、烏冬等,知道港航開直航就好想親身去一趟。
kumamon_熊本_14
Vicky & Tam:10月剛去完熊本,已盤算下年3月再去,單純為咗追「熊」星!
kumamon_熊本_15
Jennifer:專誠來中環找熊本熊,結果截咗龍好失望,惟有紙板都唔放過!

街頭民調Fans心聲!

有份參加排隊的,都是稱職的Kumamon死忠,當中不少人甚至實地去過熊本縣,大家對部長的印象到底如何?本刊訪問了多位Fans,睇下 大家心目中的部長魅力何在?

Q1:點樣形容Kumamon?

網絡謠傳飾演熊本熊的其實是個工作壓力好大的「咸濕」大叔,誓估唔到FAN屎只睇到可愛的一面,仲讚佢活潑搞笑!殺死人!

調查結果:

卡哇依 32%
遲鈍 15%
肥 15%
活潑好動 15%
搞笑 15%
咸濕 8%

Q2:部長邊條Video演出印象最深?

熊本熊向來出位,上山(笨豬跳)下海( 浸溫泉)從來難佢唔到!但粉絲最愛反而是整麻糬和跌落車站月台的蝦碌片,「瀨嘢王」不失霸氣!

熊本熊好好笑!但我想睇佢揼到隻肥手多啲 xp=====================新假期食玩報料:[email protected]歡迎Instagram / facebook 使用#weekendhk 報料,資料一經選中會為你公告天下!

Posted by 新假期周刊 on Tuesday, 7 July 2015

 

跌落車站月台25%

整麻糬失手25%

kumamon_熊本_18
笨豬跳 17%

 

熊本熊學人浸溫泉 攻擊記者再周囡囡玩水【熊本熊】熊本熊學人浸溫泉 攻擊記者再同囡囡玩水熊本熊竟然……唔怕濕!?=========================【日本美食】Tower’s Diner!在東京鐵塔享用免費WI-FI悠閒下午茶地址攻略: www.weekendhk.com/home/?p=83385【銅鑼灣】露天酒吧 $188一次過試6大威士忌掃街詳情:www.weekendhk.com/home/?p=93084

Posted by 新假期JetSo on Monday, 27 July 2015

 

浸溫泉17%

 

bookwwbanner_generic-1024x536

3月限定熊本縣追櫻推介

直飛熊本航班今個月就啟航,還未來得及請假,可以考慮選擇在3月底出發九州賞櫻。未計福岡、長崎等,單數熊本縣就有不少賞櫻勝地,更包攬「日本百大賞櫻名所」其中三位。講到交通最方便的,首選市內的熊本城;車程較遠的,水俁市湯の児海岸和「球磨郡 」市房水庫均是當地人熱門的賞櫻地。

kumamon_熊本_20

最方便!熊本城夜櫻

熊本城內有約800棵櫻花樹,數目雖然數不上最多,但配合雄偉的古城,古樸盎然。開花期間,熊本城會開放至晚上11點,點燈讓遊客欣賞夜櫻。對遊客來說,位置最為方便,鄰近購物街「上通町」,睇完夜櫻去買手信都仲得!

地址:熊本市中央區本丸1-1

交通:市電「熊本城.市役所前」站下車步行5分鐘

kumamon_熊本_21

數目最多!環抱水庫萬棵櫻

位於球磨郡的「市房水庫」四 周栽種了近萬棵櫻花樹,是縣內櫻花樹數目最多最集中的地方。不過位置鄰近宮崎縣,地點較為偏遠,由熊本市自駕車程都要2個小時!但能夠走在連綿不絕的櫻花隧道,花咁多時間都是值得的!

地址:熊本県水上村湯山
交通:球磨川鐵道「湯前」站,乘「湯山温泉行」巴士約25分鐘,於「船着場」下車即達

kumamon_熊本_22

私心最like!「一心行の大櫻」

如果想欣賞沿街漫天櫻花,記者最喜歡的「一心行の大櫻」就未必係你杯茶啦!因為此地最有名的是400年樹齡的「一本櫻」,14米高 一枝獨秀屹立在油菜花田中央,滿開時剛好配合金黃的油菜花,十分搶眼。

地址:熊本県南阿蘇村中松3226-1
交通:南阿蘇鐵道「 中松站 」步行15分鐘

kumamon_熊本_23
在熊本縣最常見到染井吉野櫻,亦即是日本最普遍粉紅色五片花瓣的品種。

kumamon_熊本_24

粉絲Must Do!市內追熊蹤

作為粉絲,平日只可以在電腦前睇片,望吓可愛的 Kumamon 止渴。難得去到他的故鄉,當然想野生捕獲真身合照。不過 Kumamon 貴為日本吉祥物界的男神,人氣拍得住發 哥,絕非等閒人士可以埋身!我們想撞發哥,可以行山碰個運 氣;想遇Kumamon真身,就要去到熊本市的專用劇場「Kumamon Square」,他會在固定時間現身表演歌舞,仲有握手、抱抱時間,冧死人啦!如果撞唔正表演時間,市內到處可見熊蹤,或者租一輛Kumamon主題車自駕,都可以FF男神陪自己一齊去玩嘅!

kumamon_熊本_25

親訪辦公室掃紀念品

兩年前設立的Kumamon Square 是粉絲必到朝聖地,除了有部長辦公室參觀任影,定期仲有真身歌舞表演。劇場免費入場,但每次只可容納100名觀眾,想睇就要提早到啦!

Kumamon Square
地址:熊本市中央區手取本町8番2號テトリアくまもとビル(鶴屋東館)1F (顯示地圖
電話:+81-(0)96-327-9066
開放時間:10am-7pm
網址:kumamon-sq.jp
交通:市電「 水道町 」站下車直達
備註:建議事先於網站上查詢 Kumamon 真身的登場時間

kumamon_熊本_26

攬住Kumamon瞓!

入住Kumamon主題房,床單、枕頭、浴簾都印有熊樣,仲有十幾隻大大小小的造型公仔。有男神陪瞓,自然特別搶手,網上查過3、4月的空房已經所餘無幾。

ANA Crowne Plaza Kumamoto New Sky
地址:熊本市中央區東阿彌陀寺町2番地(顯示地圖
電話:+81(0)96-354-2111 Kumamon Design Room
房租:$19,440/HK$1,223起
網址:anacpkumamotonewsky.com

kumamon_熊本_27

自駕得戚出遊

租車自駕,指定Kumamon五座位主題車,只要 ¥5,400/HK$340抵到爛!望住路人羨慕的目光,我覺得自己好似揸住架幾千萬的法拉利。不過主題車數量只有2部,建議提早預約!

Eki Rent-a-car
電話:+81-(0)92-282-1200
網址:jr-rp.jp
備註:須至少提前3天預約,只限熊本站取車

kumamon_熊本_28

呃like熊本甜品

熊本市內不少餐廳食肆都以Kumamon造型美食作招徠,蛋糕店「Patisserie Cuore」的造型曲奇特別受歡迎,除了相似度夠高、夠可愛,每塊曲奇都有不同的表情,單眼、心心眼都有㗎!

「パティスリークオーレPatisserie Cuore 」
地址:熊本県熊本市中央區新町2丁目7番地1マ(顯示地圖
營業時間:9:30am-9pm
電話:+81(0)96-352-0908

網址:patisserie-cuore.com
交通:市電「洗馬橋」站下車步行3分鐘

kumamon_熊本_29
登上熊本城的天守閣俯瞰市內景色,仲可以見到熊本信用金庫本店外牆的熊本。

城下食買玩!

與名古屋城及姬路城齊名,熊本城是粉絲必到的地標。睇景遊古城之餘,城外仿照幾百年前的城下町建成的「 櫻之馬場城彩苑」,仲有試穿和服的服務,以及超過廿間特產店和食肆,食、買、玩一次過搞掂!

kumamon_熊本_30

kumamon_熊本_31

日歸提案 玩埋熊本近郊!

Plan A 時令水果食到飽

11am熊本站出發>11:30am 農園摘士多啤梨>2:00pm名人飯堂食拉麵

kumamon_熊本_32

齋留熊本市影相打卡,女士玩夠三日兩夜當然未夠喉,但可憐一班男士實悶到喊!其實近近地,即日來回近郊都有不少令男女都滿意的活動行程,好似距離市中 心約30分鐘車程的「吉次園」觀光 農園,一年四季都有不同水果採 摘。12月至4月中士多啤梨當造,園內50分 鐘 任 食 不過$1,400/ HK$88。齋食水果唔夠喉,去埋附近超有名的拉麵店「大黑ラーメ ン」,店內掛滿名人簽名加持,連偶像組合 KAT-TUN 都幫襯過!

kumamon_熊本_33
放題未夠喉,仲可以另外加錢帶走,每100g由$160至260/HK$10-17不等(按月份收費)。

kumamon_熊本_34

kumamon_熊本_35
自家製士多啤梨雪糕 $380/HK$24
農園自家水果炮製的雪糕夠真材實料,味道鮮甜之餘,仲有果肉粒。

吉次園觀光農園

地址:熊本県熊本市北區植木町木留543(顯示地圖
開放時間:9am-5pm
電話:+81(0)96-273-2544
交通:熊本站乘鹿兒島本線(鳥栖行)約15分鐘至植木站下車,再轉乘5分鐘的士
網址:kichijien.jp
備註:建議提前預約

kumamon_熊本_36
招牌拉麵$600/HK$38
拉麵店「 大黑ラーメン」人氣爆燈,招牌大黑拉麵豬骨湯底濃郁,充滿蒜香味,麵身彈牙,令人食過返尋味。

大黑ラーメン拉麵店

地址:熊本市北區高平1-1-14 (顯示地圖
開放時間:11am-10pm(逢星期四休息)
電話:+81(- 0)96-352-7418
交通:由吉次園出發約20分鐘車程

Plan B 蒸氣火車去溫泉鄉

9:45am 熊本站乘蒸氣火車出發>12:15pm 坻達人吉>12:30pm 鰻魚飯醫肚>2:00pm 漫遊老街及神社>4:00pm 行到攰浸溫泉>5:30pm 乘1.5小時車程的JR特急回熊本

kumamon_熊本_37

遠少少可以選擇到訪有「熊本小京都 」之稱的人吉市,由熊本市乘坐全九州唯一一輛蒸氣火車「 SL 人吉號 」前往,2.5小時的車程就可以漫遊逾百年歷史的老街「鍛冶屋町通」,感受江戶時代的古早味。

JR人吉
票價:熊本至人吉 $2,570/ HK$164
行駛時間:全程約2.5小時
備註:於網上留意運行日程,進行提前預訂
網址:jrkyushu.co.jp/trains/slhitoyoshi/

kumamon_熊本_38
行到攰,可以去當地的溫泉旅館「あゆ の裏 」,大堂旁已經可以免費任歎 100% 天然溫泉水足湯,50蚊港紙可以入埋大浴場慢慢浸。

あゆの裏

地址:熊本県人吉市九日町30人吉溫泉(顯示地圖
電話:+81(0)966-22-2171
日歸溫泉價:$800/HK$50(成人)、$400/HK$25(小童)
網址:ayunosato.jp

kumamon_熊本_39
於806年創建的青井阿蘇神社被評為日本國寶級建築,是遊人必到影相打卡之地。

青井阿蘇神社

地址:熊本県人吉市上青井町118(顯示地圖
電話:+81(0)966-22-2274
開放時間:8am-5pm
交通:JR 人吉站步行約5分鐘
網址:aoisan.jp

kumamon_熊本_40
鰻魚飯(竹)$2,678/ HK$170
60年老店「しらいしうなぎ 」採用秘製醬汁,未入口已經汁香撲鼻,炭燒的鰻魚外脆肉彈牙,令人胃口大增。

しらいしうなぎ

地址:熊本県人吉市紺屋町126(顯示地圖
電話:+81(0)966-22-2450
營業時間:11am-3pm、5pm-9pm,逢星期日休息

一家親親小動物!

11:00am牧場騎乘玩馬>1:00pm Aso Farm Land午餐+ Check-in>3:00pm 親親萌爆小動物>8:00pm 歎火山溫泉>翌日10:00am Check-out 出發阿蘇火山

kumamon_熊本_41
26幢「 波波屋 」有恐龍、西瓜、士多啤梨等可愛設計,但最搶手當然是人氣王 Kumamon 啦!

阿蘇有全球最大的火山口,可以睇景之餘,市內仲有大大小小的 牧場,親近不同小動物,玩夠兩日一夜,包保小朋友、老人家都滿足得到。朝早去到距離市內阿蘇神社約15分鐘車程的「El Patio Ranch 」牧場,跟經驗騎馬師體驗草原騎馬,新手都可以玩!晚上選擇入住「ASO Farm Land」童話風格的「Dream Zone 」波波屋,當 中最矚目的當然首選 Kumamon;園內仲設有多間餐廳、商店、溫泉和動物園區,有水豚、草泥馬等超過二十種小動物,可以任摸任餵,萌度十足,絕對足夠玩足一日!

kumamon_熊本_42
熊本熊小屋最多可供4人入住,並附有獨立浴室連廁所。
kumamon_熊本_43
園內有手工體驗館,提前預約可以園內有手工體驗館,提前預約可以學製音樂盒、壓花和蠟燭等,完成之後仲可以帶走做紀念品。
kumamon_熊本_44
「波波屋」旁邊就係動物園,一瞓醒出門口就可以同水豚玩,仲任摸唔嬲!
kumamon_熊本_45
阿根廷長耳鼠比較罕見,樣子就似微型版小鹿,舉止活潑好動,最識氹小朋友開心。

ASO Farm Land

地址:熊本県阿蘇郡南阿蘇村河陽5579-3(顯示地圖
電話:+81(0)967-67-2100
Kumamon Room:大人2名 + 小童1名 $98,510/HK$6,270 (包早午晚三餐、溫泉、元氣之森及動物王國入場費)
網址:asofarmland.co.jp

kumamon_熊本_46
園內有驢仔和小馬,最受小朋友歡迎。

エルパティオ牧場 El Patio Ranch

地址:熊本県阿蘇市一の宮町三野2305-1(顯示地圖
電話:+81(0)967-22-3861
費用:20分鐘騎馬睇景課程$4,000/HK$253
交通:JR 豊肥本線「宮地」站轉乘15分鐘的士
網址:epr-r.com
備註:建議提前預約

kumamon_熊本_47
去北京必到長城,去熊本同樣必定要去一 次阿蘇火山,欣賞世界最大的火山口!

阿蘇山索道

票價:$1,200/HK$76(成人來回)、$600/HK$38(小童來回)
網址:kyusanko.co.jp/aso/

Non-stop九州航班懶人包

連同今周開航的熊本市直航,香港至日本九州的航點正式加至4個,東南西北都各有選 擇,識得揀不定時推出的單程優惠,甚至可以環遊大半個九州,「不走回頭路」!

kumamon_熊本_48

九州航班選擇

福岡:
HK Express,價錢HK$628起,每日一班
港龍,價錢HK$4,070,每日一班

熊本:
香港航空,價錢HK$4,750,每周兩班,14 Dec 2015開航

宮崎:
香港航空,價錢HK$5,260,每周兩班,28 Mar 2015開航

鹿兒島:
香港航空,價錢HK$3,650,每周三班,30 Mar 2014開航

航班:香港航空(熊本直航)
住宿:2 晚Hotel Sunroute Kumamoto或ANA Crowne

kumamon_熊本_50
首航當日將會送出水壺、月曆 和證書,飲頭啖湯係唔同啲!

kumamon_熊本_51 kumamon_熊本_49

$2,839起熊本3天套票

Plaza Kumamoto New Sky
出發日期:2016年3月31日前(逢星期一、五出發)
稅項及附加費:約 $190
備註:此價格必須2人同行
查詢:安運滿 Fun 遊 3913 6000

$5,799起5天直航熊本團

出發日期:1月4、11、18、25日及2、3月指定日子
行程:熊本、豪斯登堡、山口縣非洲野生動物園等
住宿:3 晚玄海皇都溫泉酒店或同等酒店、1晚豪斯登堡日航酒店
航班:香港航空(熊本直航)
膳食:包11餐
稅項及附加費:$1,072
查詢:東瀛遊 3692 0888

最新吃喝玩樂資訊