大王再戰Ben師傅!公公面前火拼金句集

李錦聯(Ben師傅)同安德尊(大王)星期一又喺節目度上演一場精彩嘅都市兄弟廚房Show,即使有公公出宮嘅演員做嘉賓,包括視帝視后,但Ben師傅同大王教煮嘅「金鈎遼參小黃瓜」,簡直搶哂焦點,又搶哂火。一班公公出宮嘅演員睇佢哋兩個鬥嘴,都睇到拍哂手掌。

都市兄弟:《德尊廚房迎公公》feat. 李錦聯 (字幕版)【都市兄弟】《#公公出宮》眾星駕到,#今晚食乜餸《德尊廚房》載譽歸來。「大王」#安德尊 與 #李錦聯 師傅再次合作󾌴,一對都市孖寶攜手為眾星下廚,炮製名貴菜式「金鈎遼參小黃瓜」󾮗。大王󾆥:「師傅D火候󾓶,辣得住就辣得住,辣唔住就辣唔住架喇!󾌾」Ben師傅󾆝:「我勒得住你就得啦!󾭞」#都市閒情 #海參碎了 #公公鴛鴦鏟 #咪咪姐亂入 #幾時攞最佳節目主持字幕製作:Jackz影片來源:TVB (2016.03.21 -《公公出宮》眾星駕到)http://mytv.tvb.com/tc/cat_lifestyle/ed_tvblifestyle/pleasureandleisure/242814————————————————————————————都市兄弟:《德尊廚房迎猴年》feat. 李錦聯 (字幕版)https://www.facebook.com/jackzblog/videos/1258513760830799/都市兄弟:《德尊廚房》大合集 feat. 李錦聯 (字幕版)https://www.facebook.com/jackzblog/videos/1179956712019838都市兄弟:《德尊廚房慶中秋》feat. 李錦聯 (字幕版)https://www.facebook.com/jackzblog/videos/1179600448722131都市兄弟:《過冬番外篇》feat. Annie師傅 (字幕版)https://www.facebook.com/jackzblog/videos/1220841327931376都市兄弟:《最佳拍檔》feat. 宋芝齡 (字幕版)https://www.facebook.com/jackzblog/videos/1197632186918957都市兄弟:大王《網絡挑機》李錦聯https://www.facebook.com/jackzblog/videos/1211248922223950都市兄弟:大王《街霸》李錦聯https://www.facebook.com/jackzblog/videos/1213745181974324

Posted by Jackz on Tuesday, 22 March 2016

1. 公公鴛鴦鏟

Ben師傅一開始就借公公出宮套劇,要大王今日做公公,使出公公鴛鴦鏟。
Ben師傅:今日唔洗用無敵鴛鴦鏟啦喎。
大王:火氣重呀!
Ben師傅:今日用公公鴛鴦鏟,畀你做住公公先啦。

2. 開火啦開火啦

將蝦乾落鑊,啱啱一開火畀大王炒蝦乾,Ben師傅已經向大王開火,一班公公出宮演員終於見識到兩人厲害之處。
大王:駛唔駛開大火呀?
Ben師傅:猛火慢火係由我控制嘅,唔係你。
演員:聞名不如見面~
Ben師傅:無敵鴛鴦鏟,但係又唔分莊閒。

3. Ben師傅心碎了

當大王使出「公公鴛鴦鏟」炒埋啲海參後,Ben師傅唔係幾滿意佢嘅手勢。
Ben師傅:嘩,你炒完之後⋯⋯好似碎屍案咁樣真係。
大王:(嘻嘻)
Ben師傅:呢啲就叫我參(心)碎了喇!

4. 大王終於駁番轉頭

Ben師傅一直係咁講大王個鴛鴦鏟唔掂,又話大王做公公,曹永廉(細雞)仲問食唔食得架⋯⋯講到大王終於出口反駁啦!
Ben師傅:喂,你真係⋯⋯好唔掂喎呢期啲鴛鴦鏟。
Ben師傅:做完公公之後,手軟腳軟嘅好似。做乜你今日做完公公之後咁嘅,點解變成⋯⋯

細雞:啲材料就靚啦,但唔知大王炒完,食唔食得者?
大王:呢啲嘢食唔食得呢,唔關我事,係買果個事。
細雞:熟唔熟呀?
大王:熟唔熟就要師傅決定喇。師傅啲火候有啲辣得住就辣得住,辣唔住就辣唔住架喇。
Ben師傅:我勒得住你就得啦!

5. 蝦乾定蝦公,乾定唔乾

碟「金鈎遼參小黃瓜」差唔多埋尾,大王想將全部材料炒埋一齊,但被Ben師傅制止咗,要繼續炒。
大王:啲蝦乾乾曬啦喎!
Ben師傅:蝦乾就係要炒到佢乾吖嘛!

好啦好啦,最後終於將全部材料落鑊,大王可以收尾啦。(睇下大王個姿勢,就知無敵鴛鴦鏟靠得住啦)
大王:(擺定好Pose)
Ben師傅:好犀利喎你,好似蝦公咁喎真係。

6. 火都嚟埋咁上碟

可能時間真係好趕,大王不斷問Ben師傅得未,問到Ben師傅火都嚟埋。
大王:好喇,差唔多啦師傅。
Ben師傅:你話架咩?
Ben師傅:你又將個火扭大,真係火都嚟埋。我收細,你又扭大個火,真係⋯⋯
大王:得未呀?得未呀?得未呀?
Ben師傅:得未都係由我話架姐。
大王:嗱,睇到啦大家。知道咩叫受氣,聽到嗎?

最尾上碟仲要提起番啲上欄下欄嘢。
大王:係咪落得未呀師傅?
Ben師傅:呢啲野(上碟)我做架嘛!你果啲下欄嘢就做咗先。
Ben師傅:呢啲上欄嘢就⋯⋯
細雞:攞番個尾彩,師傅!
Ben師傅:乜都你做埋,我咪唔洗做?

咁又有新一集德尊廚房,大王同Ben師傅呢對都市兄弟真係合作無間,帶畀大家無限歡樂呀!
延伸閱讀:
Miffy登陸銅鑼灣! 8款得意精品+2大影相位逐個睇|銅鑼灣好去處|
《大陽的後裔》基情曝光?!?! 宋仲基愛的是李光洙…

最新吃喝玩樂資訊