為青春地攤燒烤｜深圳全自助串燒店！新鮮即切即串肉類＋免費養生花茶任飲
廣告
為青春地攤燒烤｜很多燒烤店都標榜即叫即燒，但如果想自己親手燒，又有無選擇呢？深圳「為青春地攤燒烤」，所有食材都已經預先調味好並處理成一串串，客人只需將串燒放喺爐上面就會自動轉圈平均燒熟！即睇詳情！
為青春地攤燒烤｜深圳全自助串燒店！新鮮即切即串肉類＋免費養生花茶任飲
「為青春地攤燒烤」每枱均配備全自動式嘅燒烤爐，客人淨係需要將串燒放上去，燒烤爐就會自動360°轉動食材，保證燒得均勻之餘仲十分輕鬆！
為青春地攤燒烤｜工業風裝修
餐廳裝修走工業風配合木紋橫樑及水泥磚，整體感覺非常有開放感又夠光猛。而且每一台都配備抽煙機，唔使擔心食完成身油煙味～餐枱提供4-12人枱，啱晒一大班朋友過嚟食飯吹水！
食材款式豐富
餐廳外面為食物自助吧，客人可以慢慢挑選自己鍾意嘅串燒。食材款式亦都相當豐富，除咗有齊各種調味嘅豬、牛、雞、羊、海鮮、丸類、蔬菜之外，亦都有一啲特色小食例如：煉奶烤年糕、海鮮、東北冷麵等等！
每一款都明確列出價格同埋烹調方法，最便宜的蔬菜類約¥1-2就有一串，而且客人可以透過中間嘅開放式廚房睇到員工處理串燒嘅過程，員工們帶齊手套口罩同頭罩，衛生有保證！店舖宗旨亦保證肉類唔會留隔夜並且現切現穿，乾淨企理又新鮮，CP值相當高！
為青春地攤燒烤｜免費養生花茶任飲
餐廳除咗有各類汽水、椰汁、楊梅汁同檸檬茶之外，亦都非常貼心提供咗免費嘅養生之選，菊花、紅棗乾、冰糖同檸檬片等，客人可以自行調配鍾意嘅味道，健康之餘更可以消滯解膩！
| 為青春地攤燒烤＠羅湖店詳情 | |
| 地址 | 深圳市羅湖區江背路2-1號瑞豐大廈1樓 |
| 營業時間 | 星期一至日：下午5時-凌晨3時 |
| 前往方法 | 深圳地鐵9號綫向西村站A2出口歩行約8分鐘 |
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
撰文：Yuki Lee圖片來源：是Liz不是荔枝@小紅書, 林俊傑的小仙女@小紅書, 莫跳@小紅書, 食一@小紅書, 為青春攤燒烤@小紅書
