全球10大最值得試飲品！港式鴛鴦榜上有名
以下排名不分先後：
1. 來自摩洛哥的薄荷茶
薄荷茶是由薄荷葉、水和大量糖而製成，每當有客人去屋企作客，主人家的第一位男丁就會負責調製飲品俾客人，以示好客及歡迎客人的到來。如果客人飲少過三杯薄荷茶的話，就表現得無禮貌。
（圖片來源：網上圖片）
2. 來自俄羅斯的淡啤酒
淡啤酒採用黑麥發酵而成，有時為增加甜味或風味仲會使用一些水果和薄荷。在俄羅斯，淡啤酒稱得上是一種國飲，泡沫細膩，麥芽味香濃。儘管人們根本不將淡啤酒視為酒精飲品，但它確實是含有酒精的。而且這種飲品可以在街邊買到，價格又平（大約港幣5蚊一杯），如果有機會就一定要試下！
（圖片來源：網上圖片）
3. 來自墨西哥的 Sangrita
Sangrita在西班牙語中的意思是第一滴血，即係話，呢杯飲品係血紅色的。望落就已經好刺激，點知飲落仲刺激，因為呢杯飲品係包含甜，酸，辣三種味道，因成份有橙汁、檸檬汁、糖漿及辣醬。呢隻飲品唔一定要係墨西哥先飲到，網上都有人教大家點樣係屋企整Sangrita或佢嘅唔辣版。
（圖片來源：網上圖片）
4. 來自馬來西亞和印尼的拉茶
未飲過拉茶都唔好同人講你去過馬來西亞！茶與煉奶融合程度取決於師傅嘅沖茶技術。因為拉茶中的“揪”是一種藝術形式 – 任何人在拉茶時，兩個水罐的距離少於一米，將被視為業餘！師傅們可以將拉茶表演到出神入化，而且杯中嘅茶係完美地落到另一個杯，呢個唔單止係味覺享受，仲係視覺嘅享受添！
（圖片來源：網上圖片）
5. 來自香港的鴛鴦
相信都唔駛多作介紹，以前又會有邊個諗到，原來奶茶加咖啡係會咁好飲！唔講唔知，鴛鴦原來係代表中國傳統智慧入面的陰陽：茶代表陰，啡代表陽，合起嚟就成為唔少人去茶餐廳必點嘅鴛鴦。
（圖片來源：網上圖片）
6. 來自加拿大的「馴鹿」
每年2月，在加拿大魁北克市舉行嘅冬季嘉年華，必定會有呢杯「馴鹿」嘅出現。佢混入白蘭地、伏特加同雪利酒，而且佢可以作為熱飲添！仲有，喺多種烈酒混合下，令飲咗呢杯飲品嘅人都會比較暖，所以係冰天雪地下唔少得嘅飲品。
（圖片來源：網上圖片）
7. 來自土耳其的愛蘭
愛蘭係一種乳白色的飲品，由三分之一的酸奶和三分之二的鹽水攪拌而成，上面仲會有一堆泡泡，外表可愛，不過製作工序就比較繁複。愛蘭酸酸嘅味道可以令人開胃啲，飲品入面嘅奶又可以中和土耳其食物中嘅辣，所以呢款飲品係土耳其係非常受歡迎。
（圖片來源：網上圖片）
8. 來自智利的「地震」
呢款係一種甜甜嘅雞尾酒，裏面有白酒以及酸酸甜甜的菠蘿雪糕，聽到就覺得好好飲！呢款飲品通常係用飲管品嚐，第一口，會好似飲緊果味奶昔，之後就會飲到甜白酒pipeno嘅味道，再會飲到酒嘅微微苦澀。
（圖片來源：網上圖片）
9. 來自荷蘭的Anijsmelk
呢款飲品係用熱牛奶混入茴香種子，再加入糖漿而製成的，係荷蘭人不可或缺嘅一款飲品。在寒風過後飲一杯Anijsmelk，係一件樂事。荷蘭人通常會配以koek（一種蛋糕）或olliebollen（甜甜圈）一拼享用。通常荷蘭小朋友都會飲呢款飲品，因為佢體現 gezelligheid嘅真正意義上，一個獨特的荷蘭字詞，意思係樸素。
（圖片來源：網上圖片）
10. 來自泰國的Siam Sunray
Siam Sunray 喺2009 因旅遊局宣傳活動而邀請著名調酒師Surasakdi Pantaisong調配而誕生，飲品混合咗冬蔭公嘅材料及糖漿，再加上伏特加和青檸，酸酸辣辣嘅味道正正代表正宗嘅泰國風味。可能大家都會覺得呢隻雞尾酒飲落會好奇怪，但一邊飲，一邊係泰國嘅沙灘曬太陽，的確Siam Sunray會令旅客對技國留下美好而又深刻嘅印象。
