【一App跨境玩樂】唔使唱錢！用AlipayHK App輕鬆玩轉內地同澳門

Jan 15 2023

平時大家去內地或者澳門旅遊前，可能都會預先兌換當地貨幣，除咗會遇到手續費高嘅問題，帶大量現金出遊又會有風險。AlipayHK聆聽到大家嘅心聲，現提供Alipay+全球跨境數碼支付和營銷解決方案。而家只要有AlipayHK App，去內地同澳門就可以直接以港幣付款，唔使再唱錢，亦唔使蝕手續費！只要一App在手，無論「衣、食、住、行」，都可以輕鬆搞掂。

即睇點用AlipayHK App 消費＋搭車，順便拎埋跨境優惠劵！

去內地澳門直接港幣埋單匯率即時更新兼0手續費

而家AlipayHK App用戶只要出發前先喺App完成綁定香港銀行賬戶／信用卡、增值餘額，或完成身份認證，就可以喺內地同澳門跨境進行支付，付款流程同喺香港俾錢一樣，交易均以港幣結算，而當地合作商戶會隨即收到自動兌換後嘅貨幣。匯率即時更新，可以喺App內「Alipay+ Rewards」嘅目的地專頁入面嘅「匯率換算」查閱。用AlipayHK App過境玩，唔使唱錢，唔使畀手續費，更加唔使帶現金，一個App就可以輕鬆玩轉內地同澳門！

回到目錄

AlipayHK覆蓋內地所有城市澳門近九成店舖

喺內地，AlipayHK已經覆蓋所有城市，數以百萬計嘅商戶店舖！所以大家去人氣商店購物或飲食，無論係去食海底撈、飲奈雪水果茶，定係去羅森、全家、沃爾瑪等便利店，又或者去Uniqlo、H&M等等商店消費，只要見到「支付寶」或「Alipay+」標記，統統可以用AlipayHK以港幣付款！

而喺澳門，接近九成商戶都接受AlipayHK付款，包括人氣景點大三巴，熱門住宿例如澳門金沙度假區、澳門永利渡假村等等，甚至去鉅記、咀香園買手信，只要見到「Alipay+」標記就用得！一App應付到大家旅遊時嘅需求，通行內地及澳門！

只要在內地見到「支付寶」或「Alipay+」標識，或在澳門見到「Alipay+」標識，即可直接用AlipayHK App以港幣付款。

回到目錄

搭地鐵公共巴士Call的士都用得

搭車用AlipayHK都一樣簡單方便。AlipayHK覆蓋嘅交通工具非常廣泛，包括跨境直通巴士、深圳地鐵、滴滴出行、澳門噴射飛航，廣州、中山、佛山公共巴士等。真係「衣、食、住、行」每一環都可以經AlipayHK辦妥，超方便！

教埋大家點用AlipayHK喺內地俾車資，只要喺AlipayHK App首頁「應用中心」入面嘅「交通服務」搵返「跨境乘車碼」，揀你嘅目的地，跟住App嘅指示即可完成開通當地公共交通工具「乘車碼」。例如你開通咗深圳地鐵嘅「乘車碼」，搭深圳地鐵嗰陣只需喺出入閘對準掃瞄器，掃瞄相應「乘車碼」，就可以以港幣畀車費！