濟州眼已冤 2大 情侶打卡 勝地|韓國濟州

撰文：Yuki@港女講旅行　攝影:Mark

1）免費任影唔嬲！彩虹學校

著情侶衫自拍婚攝靚相

想省錢影婚攝，韓國情侶都會自己帶埋腳架，在靚景面前自拍婚紗相。在這間位置頗隔涉的「彩虹學校」，在課餘時間開放公眾免費入場，任影唔嬲。我就見到至少3對拍婚紗相的準夫婦，未結婚的就著晒情侶衫，情到濃時就錫錫，無眼睇！問過他們，他們閒閒地都會在小學留兩三個鐘影相打卡，亦都有附近的居民帶小朋友到草地操場席地野餐。

港女也很想拍吧……

港女們想帶埋男朋友影沙龍？男士會問，在這裡影相之外，仲有甚麼可以做？我可以答：沒有，只得影相。附近只有民居和蚊形食堂，除非自駕或包車，可以順道去埋十分鐘車程的涯月邑海邊，否則帶住唔鍾意影相的港仔男友到場，實被呻爆。跟閨蜜來吧！眼見韓妹約埋閨密襯好衫拖喼到場，帶齊道具花圈腳架，這個畫面真的很有愛！

「彩虹小學」애월초등학교 더럭분교장

地址：제주특별자치도 제주시 애월읍 하가로 195（濟州道濟州市涯月邑下加路195）
開放時間：平日6pm-日落；星期六1pm-日落；星期日及公眾假期9am-日落
入場費：免費
交通：由濟州市乘970號巴士，於더럭분교下車，車程約40分鐘，下車行1分鐘即達

2）住進七彩小屋！瑞士村民宿

入住七彩小屋民宿

今年3月才開幕的瑞士村民宿，正正是濟州今期最流行的打卡地方。同樣是七彩繽紛，19幢小屋外牆髹上紅、黃搶眼顏色，老遠都睇得見，不怕找不到路。小屋沿暗斜小路依山而建，地下是當地人設計的特色手作小店和cafe，樓上兩層則是民宿房，走入去就似置身歐陸小鎮。韓仔韓妹唔住，都會專誠來影相放閃，或者逛逛不定期舉行的手作市集。

遊客值得住嗎？

想貫徹睇靚景，仲想住埋靚屋，瑞士村民宿都值得考慮。外表呃like之餘，房內的裝潢都好骨子，風筒、沐浴用品、汽水茶包、熱水壺都有齊，與酒店房沒有分別。入住Deluxe房最平₩130,000/HK$872，更有埋對正彩色小屋路的露台，可以在房繼續影過夠本；房內有私家浴室廁所和煮食爐，可以留在房煮飯仔。不過瑞士村的位置不就腳，離機場約40分鐘車程，出入不太方便，建議包車自駕旅行先好住。

Swiss Village

房價：Standard房₩110,000/HK$738起；Deluxe房₩130,000/HK$872起；Suite₩160,000/HK$1,073起
址址：濟州道濟州市朝天邑卧山里1584-1（제주특별자치도 제주시 조천읍 와산리 1584-1）
電話：+82（0）64-744-6060
網址：swissvillage.modoo.at
備註：於Agoda訂房有不少優惠，基本房最平一晚HK$428起