櫻花
櫻花

日本追櫻前必備App!! 全國櫻花開花情況一次過睇晒!

旅遊

廣告

臨近復活節又係出走嘅好時機。適逢三至五月都係日本賞櫻期,日本氣象局就設計咗個App俾大家,隨時隨地都可以check到邊度有櫻花睇。不論iPhone定Android用家,都可以免費下載呢個App「桜のきもち」,非常好用,就算唔識日文都好快上手。雖然日本全國有成千個櫻花點,但呢個App都可以覆蓋晒北海道至鹿兒島嘅地方,仲會列出櫻花盛放階段同開花期,絕對係稱職嘅賞花指南。

可惜呢個App只係得日文版,唔想嘥時間理解點用,就跟實新假期,嚟個賞花App速成班。

Step1. 首先當然要下載個App!(iPhone用家/Android用家

Step2. 入到主頁,先click「1」號欄。

Step3. 日本成個版圖都係橙色座標,如果唔想慢慢搵自己喺邊,就㩒右下角「定位」制啦!

點set先至最快睇到賞花期?

Step4. 㩒入你想去嘅賞花點,就會見到呢個地方嘅櫻花生長狀態,同預計開花及滿開日。

Step5. 你亦可以將櫻花點加入My list,咁就唔使次次開App慢慢搵個地方。

Step6. 如果想睇My list,可以出返主頁click「2」號欄。

Step7. 月曆上嘅粉色點愈深色,代表𠴱個地方的櫻花愈接近滿開期。

呢個App雖然叫做簡單易用,但次次都要拉大個地圖搵櫻花點,確實有啲麻煩。如果可以有個搜尋器,直接輸入目的地再搵賞花期就好。建議大家如果到步用到wifi,就到時先定位再睇下附近有咩櫻花點⋯⋯唔係就有排搵。

延伸閱讀

日本電器可否在香港直接使用?! 10大購買日本電器注意事項

威士忌成絕響?! 4大抵飲日本好酒