KKday東莞2日1夜住宿套票｜龍鳳山莊觀光、來回直通巴士接送、非遺表演

KKday 呢個獨家推出嘅東莞嘉輝會麗呈華廷酒店 2日1夜套票，就係一定啱你心水～由香港出發巴士直達，住得舒服又玩得豐富，無論係情侶、朋友或帶埋小朋友家庭去，都一樣可以盡興兼無後顧之憂！

KKday 獨家優惠2日1夜超值套票｜$1,050起雙人; $1,765起兩大一小入住東莞嘉輝會麗呈華廷酒店 連來回交通、自助早餐、龍鳳山莊全日觀光票…

• 高級客房一晚（連自助早餐／兩大一小套票額外包自助晚餐）
• 來回直通巴士
• 龍鳳山莊日場觀光＋夜遊演藝觀光票
• 大廳吧星巴克咖啡
• 沁然湯泉單次門票
• 更多詳情

入住東莞嘉輝會麗呈華廷酒店（龍鳳山莊店）

呢間酒店坐落於 東莞鳳崗鎮龍鳳山莊核心位置，鄰近深圳口岸，交通非常方便，距離深圳市區及蓮塘口岸只需約 30 分鐘車程。
房間有齊智能客控、多種規格電源插座、免費WIFI及國際長途電話～細節位都照顧周到，住得更輕鬆自在！

建築面積過 30,000平方米，等酒店有齊多種設施：健身房、兒童室內波波池及遊樂場，住客於住宿期間可無限次使用，無論想做下運動定俾小朋友放電都非常合適；另外亦提供免費自助洗衣房，方便家庭旅客處理日常衣物，唔使擔心衣物汚糟冇得替換～

KKday獨家：永東巴士直達往返車票

旅途最煩嘅一環往往係交通安排，今次 KKday 嘅套票係市面獨家咁包埋永東巴士香港直達「香港 ↔ 東莞嘉輝會酒店」來回車票，唔使自己煩搭飛機、搭高鐵、再轉車，同時對於唔熟悉內地交通嘅家庭或者第一次去東莞嘅旅客都特別友善。

你只需要持電子憑證同護照，到指定永東巴士站上車，等巴士載你直達酒店，整個旅程安心又順暢。

除左套票之外，KKday亦好貼心咁準備咗人均只要 $268 就可以即走嘅2日1夜套餐。包括咗東莞嘉輝會酒店高級房一晚同永東巴士香港來回酒店車票，一次過搞掂交通同住宿，適合想行程靈活有彈性，希望到時先隨心選擇自己想玩嘅項目嘅朋友仔們！

龍鳳山莊全日門票從早上玩夜晩

今次套票已包龍鳳山莊全日觀光門票，龍鳳山莊係一個結合觀光、休閒同親子元素嘅大型主題園區，園內環境寬敞佔地38萬平方米，設有多個打卡景點同休憩空間，可以見到歐式風格嘅皇室古堡、玫瑰禮堂，亦有充滿中式味道嘅清明上河街同博物館，配合大片花海同花仙谷等自然景觀，無論影相定慢慢行都相當受遊客歡迎。

夜晚時段，園區仲會安排 3D 燈光秀，配合傳統文化特色嘅 非遺打鐵花及火壺表演，火花四射，光影交錯，將園區變成一個夢幻又熱鬧嘅夜間觀賞空間，無論係情侶、家庭定朋友團體都會玩得好開心。

整個龍鳳山莊遊覽過程，由白天到夜晚都安排得恰到好處，無論係影相打卡、親子放電或者感受傳統表演文化，都可以一次過體驗到。

《境在功夫》沉浸式夜遊演藝大秀

套票最大亮點之一係可以欣賞到「境在功夫·實景演藝大秀」，係以「功夫精神」為核心並融合東方美學同現代科技。

整個演出大約40分鐘左右，於山谷沉浸式劇場進行，設有 360° 全景舞台、機械旋轉舞臺、全息幻影森林秘境、水火特效、裸眼3D光影效果，包你視覺同聽覺都感受到超強戲劇性同震撼感。

無論大人定小朋友都好易投入，夜晚行山莊之外再睇一場精彩演出，絕對係個唔一樣嘅度假體驗。