2025暑假旅遊攻略：台北、吉隆坡、杜拜七大最新景點大公開！｜內含精選機票優惠
台北：大巨蛋商圈＋文青美食新體驗
台北係香港人嘅短途旅行首選，4小時航程，週末快閃超方便！2025年台北新景點層出不窮，集美食、文化同潮流於一身，保證玩到唔捨得走！而當中最大嘅亮點一定係「大巨蛋商圈」。呢度交通方便，鄰近國父紀念館捷運站，捷運板南線行幾分鐘就到。不同於過往經常聽到嘅「小巨蛋」，「大巨蛋」呢個全新地標當然係大得多—— 以4萬座位嘅室內體育館為核心，結合周邊嘅美食街同購物中心，成為年輕人同家庭出行嘅新寵。
商圈內設面積達3.6萬坪嘅遠東Garden City百貨，分4大區域，目前正陸續開幕，未來將成為台北市中心最大嘅購物商場！另外不得不提，「遠東Garden City」內新開嘅餐飲廣場「潮美食公園」，集合咗14間主題餐廳滿足唔同口味。當中嘅必訪首選一定係Threads嘅熱話—— 全球首創嘅電子酒精交易所：「SPORTS NATION 運動主題餐廳」。SPORTS NATION將運動、潮流同娛樂完美融合，設有360度環形螢幕，畀運動迷們沉浸式體驗賽事，同朋友一齊為心愛隊伍吶喊助威，氣氛火爆！另一邊，話題爆棚嘅「電子酒精交易所」更加係超級創新，提供20款特色酒精同無酒精飲料，價格仲會隨住銷售量即時升跌，玩味十足！
建議可以預留一日玩盡大巨蛋商圈。朝早搭捷運去市政府站或者國父紀念館站，先去松山文創園區（又稱松菸）行吓，呢度有好多展覽同文創市集，仲有大片草地可以影靚相，超有文青 feel！行攰咗就去附近嘅百貨公司，例如微風松高或者新光三越搵嘢食，嗰度嘅美食街有齊各式台灣小吃如牛肉麵、滷肉飯等。食完可以去大巨蛋周邊行街，未來仲有棒球賽同演唱會睇添，超期待！最後傍晚可以返去松菸嗰邊嘅Cafe坐吓，睇吓夕陽，感受鬧市入面嘅寧靜；又或者留返係遠東Garden City，繼續瘋狂購物，完美結束呢一日！係咪心思思想即刻買機票飛台北呢？提提你而家喺長榮航空官網用恒生信用卡訂機票，無論短途線定長途線都有低至9折優惠，仲唔快啲去搵最啱你嘅航班！
| 景點 | 地址 | 交通方式 | 營業時間 | 入場費 | 預約資訊 |
| 台北大巨蛋園區 | 台北市信義區忠孝東路四段515號 | 捷運板南線國父紀念館站步行5分鐘；公車多線；設停車場 | 體育館依活動時間開放；戶外園區24小時開放；商場、美食街多為10:00-22:00 | 免費入場，餐飲消費約TWD200-500 | 活動需事前購票 |
| SPORTS NATION | 同上（遠東Garden City 1樓） | 同上 | 11:00-00:00 | 消費約TWD 300-600（飲品TWD150起） | 建議線上預約 |
| 松山文創園區 | 台北市信義區光復南路133號 | 捷運板南線市政府站或國父紀念館站步行10分鐘；公車多線 | 戶外園區24小時開放；主體園區約為09:00-18:00；展覽及店舖依活動略異 | 免費入場，展覽門票約TWD200-350 | 展覽建議官網及KKTIX、Accupass等平台預約 |
長榮航空
訂票網址：按此預訂
恒生信用卡優惠
- 香港至台灣來回經濟艙機票93折
- 香港至台灣來回商務艙機票9折
- 香港至日本／韓國來回經濟艙機票95折
- 香港至美國／加拿大／歐洲來回經濟艙及豪華經濟艙機票95折
– 條款及細則請參閱長榮航空官網以及恒生銀行官網。
吉隆坡：森林生態公園＋The Exchange TRX新地標熱帶之旅
去太多日韓台，想換口味，體驗吓東南亞嘅多元魅力？吉隆坡4小時航程，係2025年暑假嘅熱門之選！呢度係集合馬來、華人、印度文化，完美融合現代同傳統嘅大都會，保證玩到樂而忘返！經典嘅雙子塔夜景同Batu Caves彩虹階梯係打卡必去，IG實爆like！唐人街同亞羅美食街嘅海南雞飯、叻沙同沙爹串燒，食到停唔低！必去嘅新亮點一定係目前吉隆坡最大嘅購物中心—— 「敦拉薩國際貿易購物天堂（The Exchange TRX）」。呢個全新金融區商場面積廣闊，集高端購物同美食於一身，有超過400個國際品牌，勁啱買手信，包保應有盡有，行到腳軟都行唔晒！呢度仲有規模超大嘅空中花園。佢哋嘅戶外綠地同互動藝術裝置，啱晒文青同家庭旅客。
想親親大自然？咁一定要去吉隆坡森林生態公園。吉隆坡森林生態公園係馬來西亞最古老嘅森林保育區之一，並且係吉隆坡市中心唯一嘅熱帶雨林，位於知名嘅吉隆坡塔隔離，交通勁方便！新設高空步道同觀景台，畀你喺鬧市俯瞰雨林同城市天際線，仲有導賞團介紹當地動植物生態，簡直係親子遊同自然愛好者嘅天堂！
建議預留一日玩轉吉隆坡市中心。朝早搭LRT到Plaza Rakyat或Pasar Seni站，遊覽唐人街同傳統市場，試吓地道早餐如椰漿飯或印度煎餅。之後搭Grab去The Exchange TRX，喺呢度Shopping或者試吓國際菜式，記得去埋戶外綠地影靚相。晏晝去吉隆坡森林生態公園，行新步道同登觀景台俯瞰市景，呼吸森林清新空氣。傍晚返去雙子塔附近，如果有時間可以參觀埋Petrosains科學中心，或者喺Suria KLCC歎吓高級餐廳，試馬來西亞fusion菜。記得如果想上雙子塔睇埋璀璨夜景嘅話，最好要預早買定飛啊！最後再喺底下嘅KLCC公園散步，真係超級浪漫！係咪好想飛吉隆坡體驗吓豐富嘅多元文化之旅呢？而家用滙豐或中銀信用卡喺馬來西亞國際航空官網訂票仲有高達88折優惠，仲唔即刻上網訂機票，飛去吉隆坡感受文化同美食嘅碰撞！
| 景點 | 地址 | 交通方式 | 營業時間 | 入場費 | 預約資訊 |
| 敦拉薩國際貿易購物天堂（The Exchange TRX） | Persiaran TRX, Tun Razak Exchange, 55188 Kuala Lumpur | MRT Kajang/ Putrajaya線「Tun Razak Exchange站」步行3分鐘；Grab | 10:00-22:00 | 餐飲消費約MYR30-100 | 餐廳預約可上商場官網或餐廳獨立網站查詢 |
| 吉隆坡森林生態公園（KL Forest Eco Park） | Jalan Raja Chulan, Kuala Lumpur（吉隆坡塔旁） | LRT Kelana Jaya線「Bukit Nanas站」步行5分鐘；Grab | 08:00-17:30（週五休園） | 成人MYR40；兒童MYR5 | 可現場購票；導賞團可於馬來西亞林業局官網預約 |
| 雙子塔（Petronas Twin Towers） | Petronas Twin Towers, KLCC, Kuala Lumpur | LRT Kelana Jaya線「KLCC站」步行5分鐘；Grab | 09:00-19:00 （週一休館） | 空中走廊 + 觀景台：成人MYR98；兒童MYR50 | 需上官網或合作平台預約，建議提早1-2週 |
馬來西亞國際航空
訂票網址：按此預訂
滙豐信用卡優惠
- 馬來西亞國際航空機票可享高達88折（請輸入優惠碼「HKHSBC25」以享用優惠）
– 條款及細則請參閱馬來西亞國際航空官網以及滙豐銀行官網。
中銀信用卡優惠
- 馬來西亞國際航空機票可享高達88折（請輸入優惠碼「BOCHK25」以享用優惠）
– 條款及細則請參閱馬來西亞國際航空官網以及中國銀行（香港）官網。
杜拜：全球最大購物中心＋杜拜朱古力奢華之旅
想衝出亞洲，嚟場豪華冒險？8小時航程就可以直達中東嘅璀璨明珠—— 杜拜，係全球最閃耀嘅旅遊熱點，融合未來科技同沙漠風情，保證玩到停唔低！經典地標如作為全世界最大購物中心嘅杜拜購物中心，齊集超過1,200間品牌店同超過200間美食餐廳，今年仲有新嘅「The District」區開張，潮流、奢侈、親子玩樂、巨型水族館、溜冰場一站式玩盡！杜拜購物中心仲直通全世界最高，可以俯瞰全城嘅哈里發塔，集購物、美食同打卡於一身，IG靚相輕鬆出！仲有杜拜未來博物館都一定要去，當中嘅互動科技展覽以未來城市為主題，設AI體驗同沉浸式展廳，科技迷同親子遊必訪！仲有另一亮點係位於藍水島嘅「杜拜之眼（Ain Dubai）」。佢係全球最高嘅摩天輪，提供360度海景同杜拜天際線視角，夜晚燈光效果超震撼，浪漫同刺激兼備！
想極致奢華？亞特蘭蒂斯皇家酒店向來深受旅客歡迎，今年佢哋全新升級，開放位於頂樓嘅豪華休閒區Cloud 22，設無邊際泳池同私人閣樓，俯瞰棕櫚島同阿拉伯灣，又新增夜間DJ派對，畀你喺星空下歎cocktail，體驗極致奢華！另一焦點係「Neon Galaxy Indoor Playworld」，係Dubai Parks and Resorts新開嘅家庭娛樂中心，設激光槍戰、VR體驗同攀爬迷宮，仲有新AR遊戲區，親子同年輕人都啱玩！另外當然唔可以忘記全球爆紅嘅Fix Dessert Chocolatier朱古力！相信大家都好想趁旅行試吓正宗嘅杜拜朱古力，但要注意：2025年起只限每日指定時段於Deliveroo App搶購或機場DXB Terminal 3免稅區購買，已無杜拜購物中心專櫃。甜品控記得預早喺App搶，或預留時間臨機場入手，為旅程甜蜜收官！
如果想把握時間，一日玩轉杜拜，建議朝早先攻哈里發塔觀景台感受沙漠同摩天大樓嘅壯麗景致，然後順便喺杜拜購物中心美食廣場試中東燒烤或環球菜。中午去杜拜未來博物館探索未來科技（強烈建議提前預約）。下午搭地鐵或的士移步藍水島，登上杜拜之眼，捕捉日落黃金美景。之後去亞特蘭蒂斯皇家酒店嘅Cloud 22（記得都要預約），享受喺無邊泳池眺望棕櫚島。最後可以返回JBR海灘或杜拜購物中心享受晚餐，同觀賞2025年全新升級嘅杜拜噴泉秀表演。想即刻飛杜拜體驗中東嘅奢華同刺激？又或者想經杜拜中轉去歐洲實現旅行夢？而家喺阿聯酋航空官網用滙豐信用卡預訂商務艙，即可享有HK$300優惠，快啲開始計劃你嘅下一趟旅程啦！
| 景點 | 地址 | 交通方式 | 營業時間 | 入場費 | 預約資訊 |
| 杜拜購物中心（Dubai Mall） | Downtown Dubai, Financial Center Road, Dubai | 地鐵紅線至「Burj Khalifa站」/ 「Dubai Mall站」；Grab | 週日至三10:00-23:00；週四至六10:00–00:00 | 部分娛樂專區/展館另付費 | |
| 哈里發塔（Burj Khalifa） | 1 Sheikh Mohammed bin Rashid Blvd, Dubai | 同上 | 08:30-23:00（最後入場22:00） | 成人AED159（124及125樓）；4歲以下免費 | 建議於官網預約 |
| 杜拜未來博物館（Museum of the Future） | Sheikh Zayed Rd, Trade Centre 2, Dubai | 地鐵紅線至「Emirates Towers站」，步行10分鐘；Grab | 10:00-19:30（最後入場18:30） | 成人AED 159；3歲以下免費 | 需於官網預約 |
| Cloud 22 | Atlantis The Royal, Crescent Rd, Palm Jumeirah, Dubai | 直接Grab到棕櫚島；或先搭地鐵紅線到「Nakheel站」再轉Grab | 泳池：週日至二10:00-18:00，週三至六10:00-23:00；DJ派對：週四至六19:00-23:00 | 入場免費，消費約AED 200起（飲品/餐點） | 需於酒店官網預約，DJ派對限21歲以上 |
| Neon Galaxy Indoor Playworld | Dubai Parks and Resorts, Dubai | 車程約40-50分鐘，Grab；地鐵無直達 | 週日至四11:00-20:00；週五、六11:00-22:00 | 成人約AED 60起，兒童價格另計 | 建議於Dubai Parks官網預約 |
| Ain Dubai（杜拜之眼） | Bluewaters Island, Dubai | 地鐵紅線到「DMCC站」轉Grab；步行部分路段 | 週一休息；週二至五12:00-21:00，週末11:00-21:00 | 票價AED 145起 | 需提前官網預約 |
阿聯酋航空
訂票網址：按此預訂
滙豐信用卡優惠
- 預訂商務機票前往阿聯酋航空營運航班之任何航點可享高達港幣300元折扣優惠（請輸入優惠碼「HKHSBCY」以享用優惠）
– 條款及細則請參閱阿聯酋航空官網以及滙豐銀行官網。
