Shiba しば – 西環餐廳 必食牛舌+雞皮+茶泡飯

Shiba しば西環 | 預約電話/地址/交通一覽

回到目錄

Shiba しば｜餐廳介紹 日式居酒屋/串燒專門店/清酒吧

Shiba しば的串燒技藝精湛，每串都燒得恰到好處，不會過火卻保持食材的鮮美。牛舌是必試招牌，口感煙韌有層次；雞皮則香脆可口，是下酒良伴。除了串燒，茶泡飯的味道貼近日本正宗口味，燒飯團也製作得恰到好處。餐廳的清酒選擇豐富多樣，老闆會根據客人需求提供專業推薦，部分酒款以支裝發售，適合2-4人分享品嚐。服務團隊細心體貼，會主動了解客人喜好並提供合適建議。由於餐廳人氣極高，強烈建議提前訂位，避免walk-in失敗的情況。來到Shiba しば，不妨放慢腳步，與朋友在這個充滿日式風情的空間裡享受美食美酒的美好時光。

Shiba しば｜網民食評

Shiba しば食物質數、環境及氣氛如何？根據Google評論，目前Shiba しば總平均分數為4.4星，看看網民如何評論Shiba しば吧！

Jasmine Yau的食評：

港島區一間充滿氛圍感嘅日式居酒屋——しば，餐廳麻雀雖小五臟俱全，店舖環境昏暗，座位唔算太多，但氣氛濃厚又熱鬧，而且擁有形形色色酒精飲品、串燒食物，啱晒同幾位朋友小聚一番🍶 串燒方面，首先推介海鮮類帆立貝串燒，肉質鮮甜美味，配上面層wasabi，辣辣地又juicy! 另外推介自家制免治雞肉串，好特別地有紫蘇葉既味道，配上日本蛋，口感一流！而燒大啡菇口感煙靭，清新柚子香、鰹魚汁味道，配上面層蘿蔔蓉、香蔥碎，感覺更惹味～ 試咗佢哋嘅梅酒，清新又易入口，整體而言係一間幾唔錯嘅特色居酒屋🏮餐點：4/5  |  服務：4/5  |  氣氛：5/5

Katsuo Fish的食評：

點餐前店員已經俾咗個小食螺肉我哋充飢，呢個時候首先當然要叫杯生啤🍻嗒下喇😝。🍻三得利生啤(380ml)$88熱辣辣嘅串燒當然要配冰凍嘅生啤喇😝。🥢小青椒$30帶有清香及微辣嘅小青椒，賣相好可愛😍。🥢銀杏$35最鍾意銀杏帶有獨特濃郁嘅味道及Q彈口感，每次食串燒必叫😜。🥢大啡菇$38非常熱辣，juicy又大隻， 啡菇味道濃郁，連冬菇腳都好好味，口感煙韌，醬汁方面鹹鹹酸酸，帶有清新柚子香及鰹魚嘅鹹香味道，菇面亦灑上了蘿蔔蓉及香蔥碎，增添香味👍。🥢鵪鶉蛋$28燒過嘅鵪鶉蛋表面煙癮，入口Q彈，蛋黃粉嫩，並帶着微微嘅醬油香😜。🥢免治紫蘇雞肉棒$45大大條雞肉棒，食落有口感，同時亦帶有紫蘇嘅獨特味道，仲附加咗隻雞蛋，沾上蛋漿一齊食倍添香味及增加滑溜口感😋。🥢櫻花蝦墨魚棒$45放上枱已經聞到好香嘅墨魚味，質地爽口Q彈，裏面仲混入咗好多櫻花蝦添👍。🥢牛舌$48口感爽彈juicy，牛味都幾濃。🥢鰤魚鮫$138熱辣辣，肉質非常嫩滑juicy，魚油豐盈，入口脂香四溢，魚味香濃，推介😋。🥢鹽燒馬頭魚 $130齋睇個名似係普通嘅燒魚，點之驚喜度非常高，魚皮立鱗脆卜卜，魚油豐盈滑溜溜，口感層次大交集🤩。🥢枝豆$35居酒屋必點，灑上少少鹽，簡簡單單已經好好味。🥢燒鱈魚乾$38非常香脆，餸酒好拍檔。🥢燒飯團(味噌)$42整個飯團由外至內都非常熱辣，味噌飯團味道剛好，最尾以飯團結尾，夠哂滿足。原來呢間居酒屋供應好多不同產地及口味嘅清酒，下次都要挑戰下💪。點餐前店員已經俾咗個小食螺肉我哋充飢，呢個時候首先當然要叫杯生啤🍻嗒下喇😝。🍻三得利生啤(380ml)$88 ⋯⋯更多

Riley Kwok的食評：

清酒同食物都選擇多，環境幾有日本居酒屋feel，weekend晚通常都滿，建議預先book枱個牛舌令人難忘，大蜆個汁都好鮮！係份量比較細同價錢較高，兩個人唔係食好飽$1400埋單，已經無試和牛。🤐餐點：4/5  |  服務：5/5  |  氣氛：5/5