神燈海鮮酒家 (18廣場) – 佐敦餐廳 必食黑松露玻璃燒鵝
神燈海鮮酒家 (18廣場)｜神燈海鮮酒家 (18廣場) 位於佐敦，是一間結合傳統與創新的粵菜海鮮酒家。餐廳以江南風格裝修，環境舒適雅致。主打手工粵菜，招牌菜式包括黑松露玻璃燒鵝、糯米炒膏蟹和蜜汁脆燒鱔等。除了傳統粵菜，餐廳還提供多款創新菜式，為食客帶來驚喜。餐廳設有廂房，適合家庭聚餐。人均消費約$101-200，是品嚐高質粵菜的理想之選。新假期美食編輯已經為你整理了餐廳的精選圖片、地址及交通資訊等，對呢間餐廳有興趣嘅朋友就可以Bookmark定啦！
神燈海鮮酒家 (18廣場) – 佐敦餐廳 必食黑松露玻璃燒鵝目錄
編輯精選推薦：
佐敦晚餐推介2025 – 19間必食佐敦晚餐：啖啖蟹肉奄列 / 黑金流沙包 / 新疆羊髀手抓飯
神燈海鮮酒家 (18廣場)佐敦 | 預約電話/地址/交通一覽
神燈海鮮酒家 (18廣場)｜餐廳介紹 粵菜/海鮮酒家/創新菜式
神燈海鮮酒家以其獨特的手工粵菜聞名，將傳統粵菜注入新的活力。餐廳的招牌菜黑松露玻璃燒鵝，外皮酥脆，內裡肉質鮮嫩，配上黑松露醬汁，香氣四溢。糯米炒膏蟹則是另一道不容錯過的美食，蟹膏豐富，糯米飯香氣撲鼻，口感豐富多層。蜜汁脆燒鱔外脆內嫩，蜜汁的甜味恰到好處，令人回味無窮。
餐廳的前菜同樣出色，滷水豬生腸和涼拌豬腳筋都是開胃佳品。即燒伊比利亞叉燒皇肉質鮮嫩多汁，肉香濃郁。此外，餐廳還提供多款創新菜式，如法式蜂蜜芥末蝦球、蟹肉菠菜豆腐盒等，為傳統粵菜增添新意。
神燈海鮮酒家的甜品也值得一試，特別推薦桂花糕，香氣怡人，口感細膩。餐廳的服務態度親切周到，侍應會適時更換餐具，添加茶水，讓顧客享受舒適的用餐體驗。無論是商務宴請還是家庭聚餐，神燈海鮮酒家都是理想之選。建議提前預訂，以確保座位。
神燈海鮮酒家 (18廣場)｜網民食評
神燈海鮮酒家 (18廣場)食物質數、環境及氣氛如何？根據Google評論，目前神燈海鮮酒家 (18廣場)總平均分數為4.4星，看看網民如何評論神燈海鮮酒家 (18廣場)吧！
wow 2yummy的食評：
粵菜就食得多, 手工粵菜就相當少見。今次就朋友去咗佐敦總店食, 裝飾都幾古色古香。神燈手工啤難得見到有自家出嘅手工啤，就想試下。手工啤主要有檸檬皮, 松針同莉花，感覺溫和飲落有淡淡清香。帽子戲法 (六選三）滷水掌翼: 非常入味, 而且好滑!五香金錢牛𦟌: 質感濕潤，食落牛味出，五香味幾香但唔會太搶fo香汁鴨舌: 感覺幾鮮，比平時食到嘅滑身同爽口啲椒鹽烏賊裙邊冇諗到烏賊裙邊都幾大舊，食落爽口彈牙，椒鹽+辣味幾惹味，加上他他醬更開胃。糯米炒膏蟹蟹蓋已經算多蟹膏啦，但估唔到糯米飯入面仲有好多!!! 蟹肉鮮甜大舊，糯米飯軟硬適中，味道唔錯。薑蔥龍蝦銀絲煲 (1隻）龍蝦啖啖肉，份量又多。粉絲充滿油香，再吸收埋龍蝦嘅味，不得了。原本諗住海鮮係是日MVP，但冇諗過燒味都同樣出色!黑松露玻璃燒鵝 (1/4隻）燒鵝肥美，肉質嫩滑，食落黑松露味重。雖然係4分1隻，但食落都幾多。即燒伊比利亞叉燒皇睇到會閃令令已經知靚，肥肉唔算好多，未到話半肥瘦，但瘦肉嘅肉質幾靚，肉味十足又易咬。\
餐點：5/5|服務：5/5|氣氛：5/5
Chim Tang的食評：
🦀神燈海鮮酒家港式地道美食 🇭🇰身為香港人但我好少推介廣東菜，今日破例介紹吓呢間香港超超超出名嘅港式酒家-神燈海鮮酒家❤️🤩 每次有外國朋友探我，我都會帶佢哋黎感受下地道嘅港式風味🍜🥢唔好以為傳統酒家就一定老氣橫秋，神燈海鮮酒家的江南風裝修讓人坐得舒服，同時還帶有一點新派的氣息，整個環境好okay 㗎！家人食飯我更加會book廂房🍗 黑松露燒鵝呢度嘅名物！肥美的鵝肉配上馥郁的黑松露醬，每一口都是滋味的爆發🤪🐠 蜜汁脆燒鱔外脆內嫩，蜜汁的甜味恰到好處，令人一試難忘！🍖 黑毛豬叉燒選用上等黑毛豬製作，肉質鮮嫩多汁，每一口都是豐富的肉香🦀 糯米炒膏蟹熱辣辣的膏蟹與焦香的糯米飯完美結合，是這裡的招牌菜之一！仲好大碟好足料🥢 前菜推介叫咗咁多肉肉，前菜我推介滷水豬生腸和涼拌豬腳筋，鹹香中帶點清爽，開胃好選擇 👍🏻- 🍰 甜品呢度好多傳統中式甜品，我嗰日比較鍾意桂花糕，同埋消熱解暑楊枝甘露～
Fung、Oi Lang的食評：
神燈海鮮酒家位於佐敦站附近嘅 18 廣場嘅地下及一樓，地方都幾算幾明亮、幾寬敞、幾乾淨。我哋去到嘅時候大約 8:30pm左右，餐廳坐得滿滿，多數都係一枱5-7個人多。平日都滿座，可想而知呢度係絕對有保證！出名做手工粵菜嘅神燈海鮮酒家。除咗有傳統嘅粵菜菜式外，仲有唔少嘅創新菜式，為傳統嘅粵菜加添咗新意同活力，招牌嘅黑松露玻璃燒鵝就係其中一款新派創意之作。呢度除咗傳統同創新菜式都係心機嘢之外，呢度嘅服務都係超好！侍應會周不時過嚟換碟，refill茶壺，而且仲超級好禮貌，服務得非常周到、貼心 ❤️我哋點咗幾款神燈必試推介：黑松露玻璃燒鵝 $238 / 1/4 隻 | $468 / 半隻 | $888 / 全隻我哋叫咗1/4隻燒鵝都已經大大份。唔好淨係睇見外表黑媽媽嘅黑松露玻璃燒鵝就覺得唔吸引，其實呢個燒鵝充滿內涵，黑松露醃製咗嘅鵝再烤，表皮黑得嚟好有光澤。喺脆皮底下係一層薄薄但肥美嘅肥膏，入口即溶嘅皮同啖啖肉同個黑松露汁同酸梅醬好夾，好醒胃。糯米炒膏蟹 $588呢個糯米飯夠晒惹味出色，未開蓋嘅時候已經聞到一陣炒糯米飯嘅香味。一打開個煲蓋更加不得了，店員叫我哋撈一撈個飯，果陣香噴噴嘅炒糯米飯香味即刻出晒嚟。口感方面，呢隻膏蟹係爆膏蟹，蟹膏連埋糯米飯炒，實實嘅蟹膏，加上糯米飯嘅煙韌同脆香嘅飯焦為呢個飯嘅口感增加咗唔少嘅層次。蜜汁脆燒鱔 $278肥美嘅燒鱔啖啖肉，表面脆卜卜嘅燒鱔配上微甜嘅蜜汁加上檸檬汁估唔到又幾夾，唔會搶走咗鱔本身嘅鱔味。食到停唔到，一嚟就已經食咗三舊 😋滷水豬生腸 $158橙色嘅豬生腸！滷水豬生腸都滷得好入味之餘，爽口得嚟幾有口感，一啲都唔韌，而家呢啲咁地道嘅冷盤喺酒樓真係買少見少涼拌豬腳筋 $98醃得好入味嘅涼拌豬腳筋，麻香清新，充滿咗含豐富蛋白質。有嚼勁、好煙韌得嚟一啲都唔韌 ，係一道非常啱大熱天時嘅開胃前菜。醬皇翡翠鴛鴦蚌 $228經典嘅粵菜菜式，用上XO醬炒嘅醬皇翡翠鴛鴦蚌用上珊瑚蚌和桂花蚌，煮得恰到好處嘅鴛鴦蚌爽脆鮮甜，配上爽口嘅西芹、甜椒夠鑊氣得嚟夠健康桂花糕 + 牛奶奶凍最後送嘅甜品，有桂花糕同牛奶奶凍，桂花糕有淡淡嘅花香得嚟又唔會太甜，清清地食落幾舒服。牛奶奶凍嘅牛奶味都幾出，雖然係送嘅甜品，但一啲都唔hea，抵讚！\
餐點：5/5|服務：5/5|氣氛：5/5
神燈海鮮酒家有哪些必試菜式？
神燈海鮮酒家的必試菜式包括黑松露玻璃燒鵝、糯米炒膏蟹和蜜汁脆燒鱔。黑松露玻璃燒鵝外皮酥脆，內裡肉質鮮嫩，配上黑松露醬汁香氣四溢。糯米炒膏蟹蟹膏豐富，糯米飯香氣撲鼻。蜜汁脆燒鱔外脆內嫩，蜜汁的甜味恰到好處。此外，即燒伊比利亞叉燒皇和滷水豬生腸也是值得一試的菜式。
神燈海鮮酒家的環境如何？是否適合家庭聚餐？
神燈海鮮酒家環境舒適雅致，採用江南風格裝修，給人明亮寬敞的感覺。餐廳設有廂房，非常適合家庭聚餐。無論是商務宴請還是家庭聚會，都能在這裡找到合適的用餐空間。餐廳的服務態度親切周到，侍應會適時更換餐具，添加茶水，確保顧客有舒適的用餐體驗。建議提前預訂，以確保座位。
