瀛豐放題料理專門店 – 銅鑼灣餐廳 必食海膽帶子
瀛豐放題料理專門店｜瀛豐放題料理專門店位於銅鑼灣京都廣場，是一間結合日本料理和泰式料理的高質素放題餐廳。餐廳以新鮮海鮮聞名，提供超過180款美食選擇，包括刺身、壽司、天婦羅、泰式串燒等。最受歡迎的招牌菜包括海膽帶子、升級版極品海鮮拼盤和任食大閘蟹。餐廳環境整潔舒適，服務態度良好。平均消費約為$200-500，性價比極高，是海鮮愛好者的理想之選。新假期美食編輯已經為你整理了餐廳的精選圖片、地址及交通資訊等，對呢間餐廳有興趣嘅朋友就可以Bookmark定啦！
瀛豐放題料理專門店 – 銅鑼灣餐廳 必食海膽帶子目錄
編輯精選推薦：
銅鑼灣晚餐推介2025 – 30間必食銅鑼灣晚餐：醬油蟹配50cm巨型海鮮鍋 / 薩摩和牛拼盤配甲羅燒 / 芝士薯條配雙層牛肉漢堡
銅鑼灣放題推介2025 – 9間必食銅鑼灣放題：極上澳洲和牛壽喜燒 / 海膽帶子 / 牛大人紅燒牛骨鍋
銅鑼灣日本菜推介2025 – 30間必食銅鑼灣日本菜：入口即溶京都姬牛/火炙黑毛和牛壽司/松葉蟹肉海膽炒飯
銅鑼灣雪糕推介2025 – 18間必食銅鑼灣雪糕：即開即食法國及澳洲生蠔 / 海膽帶子升級版極品海鮮拼盤 / 三色雪糕窩夫
瀛豐放題料理專門店銅鑼灣 | 預約電話/地址/交通一覽
瀛豐放題料理專門店｜餐廳介紹 日本料理/泰式料理/放題
瀛豐放題料理專門店的菜單豐富多樣，滿足不同食客的口味。他們的海鮮品質尤其出色，刺身拼盤中的三文魚腩、油甘魚和吞拿魚都新鮮肥美，入口即化。升級版極品海鮮拼盤更是驚喜連連，包含了鮑魚、象拔蚌、松葉蟹腳等高級海鮮，還有珍貴的魚子醬。餐廳的創意壽司也值得一試，如蟹肉沙律花之戀、鵝肝帶子壽司等，口感豐富，味道層次分明。
除了日式料理，瀛豐還提供多款泰式美食，如泰式串燒和泰式炒菜，為食客帶來不一樣的味覺體驗。值得一提的是，餐廳提供任食大閘蟹，每隻都是現點現蒸，保證新鮮美味。甜品方面，木糠布甸口感細膩，是不容錯過的選擇。
想要充分享受瀛豐的美食，建議先品嚐新鮮的刺身和壽司，再慢慢享用熱食如天婦羅和泰式料理。最後別忘了品嚐大閘蟹，細細品味蟹膏的濃郁香味。無論是想享受高質素的日本料理，還是尋找多元化的美食體驗，瀛豐放題料理專門店都是一個值得一試的選擇。
瀛豐放題料理專門店｜網民食評
瀛豐放題料理專門店食物質數、環境及氣氛如何？根據Google評論，目前瀛豐放題料理專門店總平均分數為4.4星，看看網民如何評論瀛豐放題料理專門店吧！
Jasmine Yuen的食評：
上網睇到瀛豐放題料理專門店有咁多吸睛嘅海鮮魚生美食，實在太吸引了，忍唔住要試試！去完之後真係無令我失望，無論係食材新鮮度、烹調手法定擺盤，都展現咗餐廳對食物嘅用心。環境乾淨整潔、服務迅速，整體用餐體驗相當愉快！極度推介帶子包海膽係兩種高級海鮮嘅完美結合。帶子鮮甜，厚度適中，口感非常飽滿。呢道菜最特別嘅係兩者嘅口感對比：帶子嘅柔嫩配上海膽嘅絲滑，入口即化，係幸福嘅感覺TT！然後佢哋竟然有埋任食大閘蟹！大閘蟹係現點現蒸，保證蟹肉嘅鮮度同熱度。每枱都配有拆蟹工具，方便食客輕鬆拆蟹，仲有附上薑絲同香醋添，真係好細心！大閘蟹嘅蟹膏金黃飽滿，味道香濃，蟹肉鮮美，真係好驚喜！唔係平時大閘蟹放題嘅質素，係比出面嘅好好多！性價比極高。🦀升級版極品海鮮拼盤&極品海鮮拼盤裏面有多款高級魚生，包括三文魚腩、油甘魚、希靈魚、珍寶赤蝦、象拔蚌、松葉蟹腳、鮑魚、凍蝦、醬油漬赤身、八爪魚等等。每款魚生食材新鮮，擺盤精美。特別係三文魚腩同油甘魚，肉質脂肪分佈均勻，入口即融！特別大愛佢哋嘅三文魚腩，質素驚艷了我！珍寶赤蝦大大隻，食得超級滿足。松葉蟹腳多肉鮮甜。鮑魚同象拔蚌嘅口感爽脆，帶有獨特嘅鮮味。仲有仲有！有埋魚子醬係咩事！佢哋嘅魚子醬鮮甜咸香，超高質！🍣餐廳嘅天婦羅同炸物都係即叫即炸，保持咗外皮金黃香脆嘅質感。又一次驚艷了我，有幾可食放題炸野上到台係脆卜卜又熱嘅？炸蝦、炸蔬菜都係經典嘅天婦羅選擇，唔會過油，個人最愛食甜薯。🍤呢度有多款創新搭配嘅壽司，包括蟹肉沙律花之戀、雙色拖羅蓉花之戀、海膽三文魚籽花之戀、鵝肝帶子壽司、火炙芝士鰻魚壽司同一口海膽壽司等。每款壽司都係細緻精美，味道層次豐富。特別推薦嘅係鵝肝帶子壽司，鵝肝嘅濃郁配合帶子嘅鮮甜，好特別。其他創意壽司亦都係充滿驚喜，每一口都可以品嚐到唔同嘅味道變化。同創意壽司一樣，呢度提供咗多款手卷選擇，包括XO醬拖羅蓉手卷、海膽甘蝦三文魚籽手卷等，手卷嘅食材都好新鮮。最特別係XO醬拖羅蓉手卷，拖羅蓉配合XO醬嘅香辣，味道相當突出。🌯佢哋喺甜品櫃&飲品櫃仲有好多款甜品、雪糕同飲品選擇。想飲啤酒又有，想飲無糖野飲嘅梳打水又有。個人最推薦甜品櫃嘅木糠布甸，好creamy，真唔會伏。最值得一提嘅係佢性價比極高啊！餐廳提供咗豐富嘅海鮮選擇，200幾蚊起就可以享用到新鮮嘅魚生、壽司、炸物等。每一道菜式嘅質素都非常穩定，特別係大閘蟹同升級魚生拼盤，絕對絕對值得一試。無論你係海鮮愛好者定係鍾意日式料理，瀛豐放題料理專門店都係一個很好嘅選擇，係性價比非常高嘅海鮮放題餐廳。推介推介！\
餐點：5/5|服務：5/5|氣氛：5/5
meowcp kaka的食評：
日式放題食得多，加埋泰式你又食過未？仲要有大閘蟹、魚子醬食，你話驚唔驚！今日老友話要帶我見識，仲要食到回本🥶放題除咗普遍有嘅刺身、壽司🍣、天婦羅仲有埋泰式串燒、泰式料理等180款美食…依加仲有大閘蟹4兩放題，只需$499 我哋仲想試埋極品海鮮拼盤 再+$149一個人 加10%服務費極品海鮮拼盤有磯煮鮑魚、熟蝦、螺肉、象拔蚌、蟹腳同魚子醬。所有海鮮好鮮甜，友人係衝住魚子醬食👍🏻呢個拼盤仲有另一款人氣食物就係海膽帶子任食，帶子肉質夠厚又甜，夾埋海膽 幾夾🙌🏼 甜上加甜。刺身方面 三文魚、油甘魚、吞拿魚都十分新鮮，又厚又大件，質素算唔錯。等熟食途中係自助吧夾咗冷盤小食，比較驚喜係有瀨尿蝦同酸辣手撕雞，酸甜酸甜，好開胃。壽司方面，推薦左口魚壽司，微微火炙過，魚油就出晒嚟很香口。而且飯唔會好大舊唔會好快塞飽肚😹泰式料理嚟講，個人幾喜歡炒通菜，十分有鑊氣。炒蜆都不錯，好香口，又啖啖蜆肉。最重心的是大閘蟹，佢哋order後即蒸都要等20分鐘左右。是我最喜愛的蟹公，一打開都算多膏以放題形式講。仲要任食，可以食多幾隻回本🤘🏻今舖真係飽到驚，驚到甜品都無食😿\
餐點：5/5|服務：5/5|氣氛：5/5
PL cheng的食評：
話說去左銅鑼灣行街街，行行吓個friend話好想食放題，就搵咗附近一間評價幾高嘅放題餐廳-瀛豐我哋嗰日平日夜晚入去，個場都幾乎爆曬，未食都知個質素應該唔差。一入去有個冷盤櫃俾你夾啲頭盤小食，仲要有瀨尿蝦，都幾揼本。嘢飲櫃都幾多種類，連我最愛嘅清涼爽都有，即刻拎咗一罐。坐低即刻揀食乜嘢先，本人比較鍾意食日本野，即刻點咗刺身拼盤。款式嚟講其實同其他放題店都差不多，特別嘅係佢吞拿魚係熟成處理，第一次見，吞拿魚外皮有啲脆，但係魚肉又會好軟熟，層次感好豐富。同埋我哋雖然得兩個人，但係佢都俾咗一大盤刺身俾我哋，服務態度好好。食完唔夠皮，我哋我哋又叫咗個豪華版刺身，冇諗過喺放題店都可以食到象拔蚌、長腳蟹同魚子醬，少顛。雖然係咁，但質素一啲都唔差。仲有叫咗個招牌：海膽帶子。海膽夠生鮮夠鮮甜，唔會話其他舖頭咁有陣腥味。同埋帶子夠大隻夠肥，幾好食。講吓熟食，想食下菜就叫咗個炒椰菜苗，份量夠多。叫咗個炸豆腐，外脆內軟。仲有個蒜蓉焗生蠔，又係好好食。唔少得仲有個大閘蟹，加錢仲可以任食，不過驚爆錶就咁食幾隻算。整體嚟講，呢一間都可以值得encore。\
餐點：5/5|服務：5/5|氣氛：5/5
新假期最新精選銅鑼灣餐廳推介
赤の匠 – 銅鑼灣餐廳 滙豐銀行 HSBC信用卡最新飲食優惠 必食臙脂套餐
壽司郎 (銅鑼灣廣場二期)｜銅鑼灣餐廳 滙豐銀行 HSBC信用卡最新飲食優惠 必食三文魚子軍艦
Takumi Mixology Salon – 銅鑼灣餐廳 滙豐銀行 HSBC信用卡最新飲食優惠 必食Yamanashi Guiyang Plum
鮨境 – 銅鑼灣餐廳 滙豐銀行 HSBC信用卡最新飲食優惠 必食北海道毛蟹
新假期最新精選類似餐廳推介
壽司郎 (大埔超級城B區) – 大埔餐廳 滙豐銀行 HSBC信用卡最新飲食優惠 必食茶碗蒸
牛角日本燒肉專門店 (V Walk) – 深水埗餐廳 滙豐銀行 HSBC信用卡最新飲食優惠 必食牛肋肉
瀛豐放題料理專門店有什麼特色菜式？
瀛豐放題料理專門店以新鮮海鮮聞名，特色菜式包括海膽帶子、升級版極品海鮮拼盤和任食大閘蟹。餐廳還提供多款創意壽司和泰式料理，如蟹肉沙律花之戀、鵝肝帶子壽司等。此外，他們的刺身拼盤質素也很高，三文魚腩、油甘魚和吞拿魚都新鮮肥美。
瀛豐放題料理專門店的價格範圍是多少？
瀛豐放題料理專門店的價格範圍約為每人$200-500。雖然價格可能比一般放題稍高，但考慮到其高質素的海鮮和多樣化的菜式選擇，性價比仍然很高。例如，他們提供任食大閘蟹和高級海鮮拼盤等，這些在一般放題餐廳是罕見的。整體而言，對於想享受優質日本料理和泰式美食的食客來說，這個價格是相當合理的。
